ஆராய்ச்சி, திட்டமிடலில் இறங்கும் ஏ.ஐ: ஓபன் ஏ.ஐ-ன் ரகசிய திட்டமான ‘ஸ்ட்ராபெரி’ என்றால் என்ன?

ஏ.ஐ வளர்ச்சி தீவிரமடைந்து வருகிறது, தொழில்நுட்ப ஜாம்பவான்கள் புதிய மாடல்களின் ஆராய்ச்சி மற்றும் மேம்பாட்டிற்கு பில்லியன்களை செலுத்துகின்றனர்.  அமெரிக்காவை தளமாகக் கொண்ட ஓபன் ஏ.ஐ ஆனது அதன் ஏ.ஐ சாட்போட் ChatGPT-ஐ அறிமுகப்படுத்திய பிறகு இந்த துறையில் ஒரு முக்கிய போட்டியாளராக மாறியது.  அதில் கேட்கும் கேள்விகளுக்கு பதில் மற்றும் படங்களை செயலாக்குதல் உள்ளிட்ட திறன்கள் உள்ளன. ஆனால் இப்போது அது மாறலாம்.

ஓபன் ஏ.ஐ ஒரு புதிய ஏ.ஐ மாதிரியை உருவாக்கி வருவதாக கூறப்படுகிறது, இது AI பகுத்தறிவு திறன்களை மேலும் மேப்படுத்தலாம் என்று கூறப்பட்டுள்ளது. 

ப்ராஜெக்ட் ஸ்ட்ராபெர்ரி என்றால் என்ன?

ஏறக்குறைய ஆறு மாதங்களுக்கு முன்பு, Q* (Q-Star) என்ற பெயரில் இரகசிய ஓபன் ஏ.ஐதிட்டம் தலைப்புச் செய்திகளை உருவாக்கியது. இது ஒரு புதிய வழியில் தன்னைப் பயிற்றுவிக்கும் திறன் கொண்ட ஏ.ஐ-ஐ உருவாக்குவதற்கான ஒரு திட்டமாகும், இதனால் அது திட்டமிடல், தர்க்கரீதியான பகுத்தறிதல் மற்றும் மனித மூளையைப் போன்ற திறன்களைக் கொண்டிருக்கும்.

ஜூலை 15 அன்று, ராய்ட்டர்ஸில் வெளியான ஒரு அறிக்கை, திட்டத்தைப் பற்றி மேலும் தெரியப்படுத்தியது, ஓபன்ஏஐ "ஸ்ட்ராபெரி" என்ற குறியீட்டு பெயரில் ஒரு புதிய பகுத்தறிவு தொழில்நுட்பத்தில் செயல்படுகிறது, இது ப்ராஜெக்ட் Q*க்கான புதிய பெயராக நம்பப்படுகிறது. ஆழ்ந்த ஆராய்ச்சிக்கு ஸ்ட்ராபெரியைப் பயன்படுத்துவதற்கான ஓபன் ஏ.ஐ- ன் நோக்கத்தை நிறுவனத்தின் உள் ஆவணங்கள் குறிப்பிடுகின்றன. தற்போது வரை, திட்டத்தின் சரியான அம்சங்கள் மற்றும் விவரங்கள் அதன் வெளியீட்டு தேதி ரசிகயமாக வைக்கப்பட்டுள்ளது. 

இருப்பினும், ஸ்ட்ராபெரி மாடல்களுடன், AI மாதிரிகள் முன்கூட்டியே திட்டமிடவும், இணையத்தை தன்னியக்கமாகத் தேடவும், ஆழ்ந்த ஆராய்ச்சி செய்யவும் OpenAI விரும்புகிறது என்பது உறுதி. ஓபன்ஏஐ செய்தித் தொடர்பாளர் ஒருவரை மேற்கோள் காட்டி ராய்ட்டர்ஸ் கூறுகையில் , “எங்கள் AI மாதிரிகள் நம்மைப் போலவே உலகைப் பார்க்கவும் புரிந்துகொள்ளவும் விரும்புகிறோம். புதிய AI திறன்களைப் பற்றிய தொடர்ச்சியான ஆராய்ச்சி என்பது தொழில்துறையில் ஒரு பொதுவான நடைமுறையாகும், இந்த அமைப்புகள் காலப்போக்கில் பகுத்தறிவதில் மேம்படும் என்றார்.

ஏற்கனவே உள்ள ஏ.ஐ மாடல்களில் இருந்து இது எப்படி வேறுபடுகிறது? 

தற்போதைக்கு, ஏ.ஐ சாட்போட்களின் அடிப்படையை உருவாக்கும் பெரிய மொழி மாதிரிகள் (LLMs), அடர்த்தியான உரைகளை சுருக்கி உரைநடைகளை உடனடியாக உருவாக்க முடியும். இருப்பினும், அவர்கள் பொது அறிவு சிக்கல்கள் மற்றும் பல-படி தர்க்க பணிகளுடன் போராடுகிறார்கள். ஸ்ட்ராபெரி மாதிரிகள், அவற்றின் மேம்பட்ட பகுத்தறிவுடன், சில முக்கிய அறிவியல் கண்டுபிடிப்புகளைச் செய்வதற்கும் சிக்கலான சிக்கலைத் தீர்ப்பதற்கும்ஏ.ஐக்கு ஒரு ஊக்கியாகக் கருதப்படும்.

நிபுணர்களின் கூற்றுப்படி, பகுத்தறிவு என்பது ஏ.ஐ-ஐ திட்டமிடவும், சுற்றியுள்ள இயற்பியல் உலகம் மற்றும் அதன் செயல்பாடுகளை புரிந்து கொள்ளவும் மற்றும் பல-படி சிக்கல்களை கையாளவும் உதவுகிறது. தற்போது, ​​வெளிப்புற கட்டமைப்பின் ஆதரவு இல்லாமல் எல்.எல்.எம்கள் திறம்பட திட்டமிட முடியாது. 

ஆங்கிலத்தில் படிக்க:   AI which could conduct research and plan ahead: What is OpenAI’s secret project ‘Strawberry’?

ஸ்ட்ராபெரி மூலம், ஏ.ஐ நீண்ட காலத்திற்கு திட்டமிடல் மற்றும் தொடர்ச்சியான செயல்கள் தேவைப்படும் பணிகளைச் செய்யும். கடந்த காலத்தில், ஓபன் ஏ.ஐ தலைமை நிர்வாக அதிகாரி சாம் ஆல்ட்மேன், ஏ.ஐ மாதிரிகள் ஏன் நேரம் எடுக்க வேண்டும், சில நாட்கள் கூட பிரச்சனைகளை யோசித்து சிறந்த பதில்களை வழங்க வேண்டும் என்று கூறினார். இது அடையப்பட்டால், எந்தவொரு சிக்கலான பணியையும் தானே நிறைவேற்றும் ஏ.ஐ-ன் திறனை இது புரட்சிகரமாக மாற்றும்.

இந்த ஏ.ஐ எப்படி பயன்படுத்தப்படும்?

ஸ்ட்ராபெரி மாதிரிகள் ஏ.ஐ திறன்களை கணிசமாக மேம்படுத்துவதை நோக்கமாகக் கொண்டுள்ளன. இத்தகைய மாதிரிகள் மேம்பட்ட ஆராய்ச்சியை மேற்கொள்ளலாம் - சோதனைகளை நடத்தலாம், தரவை பகுப்பாய்வு செய்யலாம் மற்றும் புதிய கருதுகோள்களை பரிந்துரைக்கலாம். 

இது அறிவியலில் பல முன்னேற்றங்களுக்கு வழிவகுக்கும். மருத்துவ ஆராய்ச்சியில், அவர்கள் மருந்து கண்டுபிடிப்பு, மரபியல் ஆராய்ச்சி மற்றும் தனிப்பயனாக்கப்பட்ட மருந்துகளை உருவாக்க தரவுத் தொகுப்புகளை பகுப்பாய்வு செய்யலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“