சிறப்பு செய்தி

ஆபரேஷன் சிந்தூர்: ஹேமர் முதல் பிரம்மோஸ் வரை - இந்திய ராணுவத்தின் அதிநவீன ஆயுதங்கள்!

ஆபரேஷன் சிந்தூர் தாக்குதல்கள் முப்படைகளின் (ராணுவம், விமானப்படை, கடற்படை) ஒருங்கிணைந்த நடவடிக்கையாக மேற்கொள்ளப்பட்டன. இந்திய ராணுவம் பயன்படுத்திய அதிநவீன் ஆயுதங்களின் விவரங்கள் தொகுக்கப்பட்டுள்ளன.

Written by WebDesk

ஆபரேஷன் சிந்தூர் தாக்குதல்கள் முப்படைகளின் (ராணுவம், விமானப்படை, கடற்படை) ஒருங்கிணைந்த நடவடிக்கையாக மேற்கொள்ளப்பட்டன. இந்திய ராணுவம் பயன்படுத்திய அதிநவீன் ஆயுதங்களின் விவரங்கள் தொகுக்கப்பட்டுள்ளன.

author-image
WebDesk
New Update
long range weapons in Indian military’s arsenal

ஆபரேஷன் சிந்தூர்: ஹாம்மர் முதல் பிரம்மோஸ் வரை – இந்திய ராணுவத்தின் அதிநவீன ஆயுதங்கள்!

புதன்கிழமை அதிகாலை (மே 7) மேற்கொள்ளப்பட்ட ஆபரேஷன் சிந்துாரில் என்ன ஆயுதங்கள் பயன்படுத்தப்பட்டன என்பது குறித்து மத்திய அரசு வெளியிடவில்லை. இந்திய ராணுவ படைகள் பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் (PoK) துல்லியமானத் தாக்குதல்களை நடத்தியதாக அதிகாரப்பூர்வ அறிக்கை கூறியது. கடந்த மாதம் காஷ்மீரின் பஹல்காமில் அப்பாவி பொதுமக்கள் மீது பாகிஸ்தான் பயங்கரவாதிகள் நடத்திய கொடூரத் தாக்குதலுக்கு பதிலடியாக தொடங்கப்பட்ட இந்த நடவடிக்கையில் 9 இடங்களில் இருந்த 21 பயங்கரவாத முகாம்கள் தகர்க்கப்பட்டன.

நேற்று (மே 7) நடந்த அதிகாரப்பூர்வ செய்தியாளர் சந்திப்பின்போது, இந்திய விமானப் படையின் விங் கமாண்டர் வியோமிகா சிங், பக்க விளைவுகளைத் தவிர்க்க கவனமாக தேர்ந்தெடுக்கப்பட்ட வெடிபொருட்களுடன் கூடிய அதிநவீன தொழில்நுட்ப ஆயுதங்கள் பயன்படுத்தப்பட்டதாக தெரிவித்தார்.

இந்த செய்தியை ஆங்கிலத்தில் படிக்க: Operation Sindoor: guided long range weapons in Indian military’s arsenal

கடந்த சில ஆண்டுகளில், இந்திய ராணுவம் புதிய தலைமுறை ஆயுதங்களின் வலிமையான சேகரிப்பை உருவாக்கியுள்ளது. இதில் துல்லியமாக இலக்கைத் தாக்கும் நீண்ட தூர ஆயுதங்கள் மற்றும் வெடிமருந்துகள் உட்பட பல வகையான ட்ரோன்கள் அடங்கும். அவற்றில் சில:

1. ஹேமர்:

ஹேமர் (Highly Agile and Manoeuvrable Munition Extended Range) எனப்படும் இது, ரஃபால் போர் விமானங்களுக்கு உருவாக்கப்பட்ட உயர்தர துல்லியத் தாக்கும் குண்டுகளாகும். காற்றிலிருந்து தரையில் தாக்கும் ஆயுத அமைப்பாகும். இதன் தாக்குதல்தூரம் 70 கிலோமீட்டர் வரை உள்ளது. இது குண்டுகள் மற்றும் பல்வேறு வழிநடத்தப்படும் அமைப்புகளுடன் இணைக்கவும் முடியும்.

பிரான்ஸ் நாட்டின் ஏவுகணை, பாதுகாப்பு மற்றும் பாதுகாப்பு தொழில்நுட்ப நிறுவனமான சாஃப்ரான் (Safran) உருவாக்கிய ஹேமர் ஆயுத அமைப்பு பல்துறை பயன்பாட்டிற்கு ஏற்றதாகும். இது நடுத்தர தூர மற்றும் பலவகை இலக்குகளை துல்லியமாக தாக்கும் திறன் கொண்டது. சாஃப்ரான் குழுமத்தின் தகவலின்படி, இந்த அமைப்பு தானாக இயங்கக்கூடியது ஆகும். இது மேலும் கரடுமுரடான நிலப்பரப்பில் குறைந்த உயரத்தில் இருந்தும் ஏவ முடியும். இந்தியா கடந்த சில ஆண்டுகளில் இதைப் போன்ற பல ஹேமர் ஆயுதங்களை வாங்கியுள்ளது.

2. ஸ்கால்ப்: நீண்டதூர ஆழமான தாக்குதல்களுக்காக வடிவமைக்கப்பட்ட, மறைந்து தாக்கும் திறன் கொண்ட வான்வழி ஏவுகணை ஆகும். ஸ்கால்ப்-ஈஜி (SCALP-EG - Système de Croisière Autonome à Longue Portée — Emploi Général), பிரிட்டனில் ஸ்டோர்ம் ஷேடோ என்று அழைக்கப்படுகிறது. இதனை இரவு நேரங்களிலும், அனைத்து வானிலை நிலைகளிலும் இயக்க முடியும்

ஐரோப்பிய பன்னாட்டு நிறுவனமான எம்.பி.டி.ஏ. (MBDA) தயாரிக்கும் இந்த ஏவுகணை 450 கி.மீ தூரம் வரை சென்று தாக்கும் திறன் கொண்டது. விமானத்திலிருந்து ஏவப்படும்போது, தாழ்வாக பறக்கும் திறன் காரணமாக இதை கண்டுபிடிப்பது கடினம். இதன் மேம்பட்ட மற்றும் மிகவும் துல்லியமான அமைப்பு, வழிகாட்டி அமைப்பு (Inertial Navigation System - INS), ஜி.பி.எஸ். அமைப்பு (Global Positioning System - GPS) மற்றும் நிலப்பரப்பு குறிப்பீடு (terrain referencing) ஆகியவற்றைப் பயன்படுத்துகிறது. இதன் மூலம் பதுங்கு குழிகள் மற்றும் வெடிமருந்து கிடங்குகளில் ஊடுருவ முடியும்.

3. மீட்டியோர்: மீட்டியோர் என்பது வான் ஏவுகணை (Beyond Visual Range Air-to-Air Missile - BVRAAM) அமைப்பு ஆகும். அடர்த்தியான போர்ச் சூழல்களிலும் திறம்பட செயல்படக்கூடியது. அதன் உற்பத்தியாளரான எம்.பி.டி.ஏ.வின் (MBDA) கூற்றுப்படி, இந்த ஏவுகணையின் திட எரிபொருள் 'ராம்ஜெட்' எஞ்சின் இலக்கை இடைமறிக்கும் வரை தொடர்ந்து உந்துசக்தியை அளிக்கிறது. இதனால் எந்த வான்-வான் ஏவுகணை அமைப்பிலும் இல்லாத அளவுக்கு No Escape Zone இதற்கு உள்ளது.

4. பிரம்மோஸ் (BRAHMOS): இந்த அதிவேக ஏவுகணைகள் 3 பாதுகாப்பு சேவைகளிலும் செயல்பாட்டில் உள்ளன. இவை இந்தியாவின் பாதுகாப்பு ஆராய்ச்சி மற்றும் மேம்பாட்டு அமைப்பு (DRDO) மற்றும் ரஷ்யாவின் NPO Mashinostroyeniya ஆகியவற்றின் இடையேயான கூட்டு முயற்சியான பிரம்மோஸ் ஏரோஸ்பேஸால் உருவாக்கப்படுகின்றன. பிரம்மோஸ் ஏவுகணைகள் பயணத்தின்போது மாக் 3 வேகத்தில் செயல்படுகின்றன. குறைந்த விமான நேரம், இலக்குகளின் குறைந்த பரவல், விரைவான இலக்கு ஈடுபடுத்தல் நேரம் மற்றும் இடைமறிக்க முடியாத தன்மை ஆகியவற்றை உறுதி செய்கிறது.  

இந்த ஏவுகணை Fire and Forget Principle என்ற கொள்கையின் அடிப்படையில் செயல்படுகிறது. இலக்கை நோக்கிச் செல்லும் வழியில் பல்வேறு வகையான பயண முறைகளை மேற்கொள்கிறது. அதன் இணையதளத்தின்படி, இதன் பயண உயரம் 15 கி.மீ வரை இருக்கலாம் மற்றும் இலக்கை நெருங்கும் உயரம் 10 மீட்டர் வரை குறைவாக இருக்கலாம். இந்த ஏவுகணை 200-300 கிலோ எடையுள்ள வழக்கமான வெடிபொருளை சுமந்து செல்கிறது. சமீபத்திய ஆண்டுகளில் தரை மற்றும் கப்பல் தாக்குதல்களுக்கு சில பிரம்மோஸ் ஏவுகணைகளின் தூரம் கிட்டத்தட்ட இரட்டிப்பாக்கப்பட்டுள்ளன.

5. வெடிமருந்துகள்: இவை இலக்குகளை கண்காணித்து அடையாளம் காண்பதற்கும், தன்னிச்சை (அ) பிற வழிகளிலோ துல்லியமான தாக்குதல்களை மேற்கொள்வதற்கும் பயன்படுத்தப்படுகின்றன. கடந்த சில ஆண்டுகளில் ஆயுதப் படைகள் லாய்டரிங் வெடிமருந்துகள் உட்பட பல்வேறு வகையான ட்ரோன்களை கொள்முதல் செய்து வருகின்றன. இவை குறிப்பிட்ட பகுதிக்குள் நீண்ட நேரம் சுற்றி வந்து, இலக்கு தென்பட்டவுடன் துல்லியமாகத் தாக்கும் திறன் கொண்டவை. 

Pakistan Indian Army Operation Sindoor

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us: