1 மில்லியனுக்கும் அதிகமான குழந்தைகள் கொரோனாவினால் ஒரு பெற்றோரை இழந்துள்ளனர்!

Over 1 million children lost a parent to covid including 1 lakh in India Tamil News : கோவிட் -19 தொற்றுநோயால் 1.5 மில்லியன் (15 லட்சம்) குழந்தைகள், ஒரு பெற்றோர் அல்லது ஒரு பராமரிப்பாளரின் (தாத்தா, பாட்டி அல்லது பிற வயதான உறவினர்) இழப்பை எதிர்கொண்டுள்ளனர். இதில் ஒன்று அல்லது இரண்டு பெற்றோர்களையும் இழந்த ஒரு மில்லியனுக்கும் அதிகமானோர் உள்ளனர் என்று புதன்கிழமை தி லான்செட்டில் வெளியிடப்படும் உலகளாவிய ஆய்வில் குறிப்பிடப்பட்டுள்ளது.

இந்தியாவில், 1.19 லட்சம் குழந்தைகள் முதன்மை பராமரிப்பாளரை இழந்துள்ளனர் அதாவது ஒன்று அல்லது இரண்டு பெற்றோர், அல்லது ஒன்று அல்லது தாத்தா பாட்டி. அவர்களில், 1.16 லட்சம் ஒன்று அல்லது இரு பெற்றோர்களையும் இழந்துள்ளனர்.

உலகளாவிய எண்கள்

உலகளவில், மார்ச் 1, 2020 முதல் ஏப்ரல் 30, 2021 வரை, 11.34 லட்சம் குழந்தைகள் முதன்மை பராமரிப்பாளரை இழந்ததாக ஆய்வு மதிப்பிடுகிறது (குறைந்தது ஒரு பெற்றோர் அல்லது காவலர் தாத்தா). உடன் வசிக்கும் பிற தாத்தா பாட்டி (அல்லது பிற வயதான உறவினர்கள்) உட்பட, மொத்தம் 15.62 லட்சம் குழந்தைகள், அவர்களில் 1 மில்லியனுக்கும் அதிகமானோர் (10.42 லட்சம்) ஒன்று அல்லது இரு பெற்றோர்களையும் இழந்திருக்கின்றனர்.

தாயை இழந்ததை விட ஐந்து மடங்கு அதிகமான குழந்தைகள் தங்கள் தந்தையை இழந்திருக்கின்றனர்.

"உலகளவில் ஒவ்வொரு இரண்டு கோவிட் -19 இறப்புகளுக்கும், ஒரு குழந்தையின் பெற்றோர் அல்லது பராமரிப்பாளரின் மரணத்தை எதிர்கொண்டுள்ளது. ஏப்ரல் 30, 2021-க்குள், இந்த 1.5 மில்லியன் குழந்தைகள் உலகளவில் 3 மில்லியன் கோவிட் -19 இறப்புகளின் துன்பம் தரும் புறக்கணிக்கப்பட்ட விளைவுகளாக மாறிவிட்டன… ” என்று அமெரிக்க நோய்க் கட்டுப்பாடு மற்றும் தடுப்பு மையங்களில் (சி.டி.சி) முதன்மை ஆசிரியர்களில் ஒருவரான டாக்டர் சூசன் ஹில்லிஸ் கூறினார்.

இந்தியாவில் குழந்தைகள்

மார்ச் (5,091) மாதத்துடன் ஒப்பிடும்போது ஏப்ரல் 2021-ல் (43,139) புதிதாக ஆதரவற்ற குழந்தைகளாக இருப்பவர்களின் எண்ணிக்கையில் 8.5 மடங்கு அதிகரிப்பு என இந்தியாவுக்கான மதிப்பீடுகள் சுட்டிக்காட்டுகின்றன. ஏப்ரல் மாதத்தில் ஏற்பட்ட இறப்பு விகிதங்களால் இந்த அதிகரிப்பு பாதிக்கப்பட்டுள்ளதாக ஆய்வு ஆசிரியர்கள் மின்னஞ்சல் மூலம் இந்தியன் எக்ஸ்பிரஸிடம் தெரிவித்தனர்.

மெக்ஸிகோ (1.41 லட்சம்) மற்றும் பிரேசில் (1.30 லட்சம்), முதன்மை பராமரிப்பாளரை இழந்தவர்களின் அதிக எண்ணிக்கையிலான குழந்தைகளைக் கொண்டுள்ளன. அதைத் தொடர்ந்து இந்தியாவும் உள்ளது. ஒரு லட்சத்துக்கும் மேற்பட்ட முதன்மை பராமரிப்பாளரை இழந்த குழந்தைகள் கொண்ட மற்றொரு நாடு அமெரிக்கா.

முறை

சி.டி.சி கோவிட் -19 மறுமொழி குழு, இம்பீரியல் கல்லூரி லண்டன், ஆக்ஸ்போர்டு பல்கலைக்கழகம், உலக சுகாதார அமைப்பு மற்றும் பலர் ஆய்வாளர்களால் இந்த ஆய்வு நடத்தப்பட்டது. ஏப்ரல் 30, 2021 நிலவரப்படி உலகளாவிய கோவிட் -19 இறப்புகளில் கிட்டத்தட்ட 77%, 21 நாடுகளை இது உள்ளடக்கியது. 2020 மார்ச் முதல் ஏப்ரல் 2021 வரையிலான கோவிட் -19 இறப்பு தரவுகளின் அடிப்படையில், புள்ளிவிவரங்கள் மற்றும் தேசிய கருவுறுதல் புள்ளிவிவரங்களை ஆராய்ச்சியாளர்கள் மதிப்பிட்டுள்ளனர். உலகளாவிய மதிப்பீடுகளைத் தயாரிப்பதற்காக அவர்கள் தங்கள் கண்டுபிடிப்புகளை விரிவுபடுத்தினர். இரண்டு பெற்றோர்களின் இழப்பு கணக்கிடப்பட்டது. இதனால் குழந்தைகள் இரண்டு முறை கணக்கிடப்படவில்லை என்பது குறிப்பிடத்தக்கது.

முன்னோக்கிச் செல்லும் வழி

"குழந்தைகளைப் பராமரிப்பவர்களுக்குத் தடுப்பூசி போட வேண்டும் - குறிப்பாகத் தாத்தா பராமரிப்பாளர்கள். ஒவ்வொரு 12 விநாடிகளிலும் ஒரு குழந்தை கோவிட் -19-க்கு தங்கள் பராமரிப்பாளரை இழந்துவிடுவதால் நாம் இதற்கு வேகமாக பதிலளிக்க வேண்டும்” என்று ஆக்ஸ்போர்டு பல்கலைக்கழகத்தின் பேராசிரியர் மற்றும் கேப் டவுன் பல்கலைக்கழகத்தின் ஆய்வு ஆசிரியர்களில் ஒருவரான லூசி க்ளூவர் கூறினார்.

முன்னணி எழுத்தாளர்களில் ஒருவரான இம்பீரியல் கல்லூரியின் டாக்டர் சேத் ஃப்ளக்ஸ்மேன், “ஆதரவற்றோர் இல்லத்தின் மறைக்கப்பட்ட தொற்றுநோய் உலகளாவிய அவசரநிலை கொண்டது. இவை நாளை செயல்படும் வரை காத்திருக்க முடியாது. இந்த எண்களுக்குப் பின்னால் உள்ள குழந்தைகளை நாம் உடனடியாக அடையாளம் காண வேண்டும் மற்றும் கண்காணிப்பு அமைப்புகளை வலுப்படுத்த வேண்டும். இதனால் ஒவ்வொரு குழந்தைக்கும் அவர்கள் செழிக்கத் தேவையான ஆதரவை வழங்க முடியும்” என்று கூறினார்.

இந்த ஆய்வில் பங்கேற்காத மும்பையில் உள்ள டாடா இன்ஸ்டிடியூட் ஆப் சோசியல் சயின்ஸின் மூத்த ஆசிரியரான பிரினெல் டிசவுசா, இந்த குழந்தைகளுக்கு ஏற்படக்கூடிய பாதிப்புகள் உள்ளிட்ட பல்வேறு பரிமாணங்களை ஆராய மாநில மற்றும் மாவட்ட மட்டங்களில் சிறப்புப் பணிக்குழுக்களை அமைக்க வேண்டிய அவசியத்தை வலியுறுத்தினார். மேலும், இந்த பிரச்சினைகள் குறித்துத் தெளிவான கொள்கை எதுவும் இல்லை என்றும் டிசோசா கூறினார்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil