கொரோனாவுடன் குழந்தைகளுக்கான அழற்சி நோயும் குணமாகிறது; புதிய ஆய்வில் கண்டுபிடிப்பு

SARS-CoV2 கொரோனா உடன் தொடர்புடைய குழந்தைகளுக்கு ஏற்படக்கூடிய அரிய வகை நோயான அழற்சி மல்டிசிஸ்டம் நோய்க்குறி (PIMS-TS) இன் பெரும்பாலான அறிகுறிகள் ஆறு மாதங்களுக்குப் பிறகு தீர்க்கப்படுவதாக ஒரு சிறிய ஆய்வு தெரிவித்துள்ளது. குழந்தைகள் மற்றும் இளம்பருவத்தினர் ஆரோக்கியத்திற்கான லான்செட் இதழில் வெளியிடப்பட்ட இந்த ஆய்வில், ஆரம்பகாலத்தில் கடுமையான நோய் இருந்தபோதிலும், பிம்ஸ்-டி.எஸ் பாதிப்பு உடைய குழந்தைகளுக்கு, SARS-CoV-2 கொரோனா வைரஸ் தொற்று ஏற்பட்ட ஆறு மாதங்களுக்குப் பிறகு பிம்ஸ்-டி.எஸ் பாதிப்பின் பெரும்பாலான அறிகுறிகள் தீர்க்கப்பட்டதாக ஆய்வில் தெரிவிக்கப்பட்டுள்ளது.

பிம்ஸ்-டிஎஸ் என்று அழைக்கப்படும், குழந்தைகளுக்கு ஏற்படும் மல்டிசிஸ்டம் அழற்சி நோய்க்குறி (எம்ஐஎஸ்-சி), SARS-CoV-2 நோய்த்தொற்றுடன் தொடர்புடைய ஒரு அரிய நிலை, இது ஏப்ரல் 2020 இல் முதன்முதலில் வரையறுக்கப்பட்டது. 2020 மார்ச் முதல் ஜூன் வரையிலான காலகட்டத்தில், இங்கிலாந்து மற்றும் அயர்லாந்தில் 250 க்கும் மேற்பட்ட இந்த வகை பாதிப்புகள் அடையாளம் காணப்பட்டன. குணப்படுத்துவதற்கான நிலையைத் தூண்டுவது என்னவென்று தெரியவில்லை, ஆனால் இது லேசான அல்லது அறிகுறியற்ற SARS-CoV-2 நோய்த்தொற்றுக்குப் பிறகு சுமார் நான்கு முதல் ஆறு வாரங்கள் வரை ஏற்படும் ஒரு அரிய நோயெதிர்ப்பு மிகைப்படுத்தலாக கருதப்படுகிறது.

காய்ச்சல், சொறி, கண்களில் தொற்று மற்றும் இரைப்பை குடல் அறிகுறிகள் (எ.கா. வயிற்றுப்போக்கு, வயிற்று வலி, குமட்டல்) இந்த நோய் நிலையின் அறிகுறிகளில் அடங்கும். சில அரிதான சந்தர்ப்பங்களில், இந்த நிலை பல உறுப்பு செயலிழப்புக்கு வழிவகுக்கும்.

46 குழந்தைகளிடம் எடுக்கப்பட்ட ஒரு ஆய்வு ஆய்வின்படி, சில குழந்தைகள் ஆறு மாதங்களாக இந்த பிரச்சினைகளை அனுபவித்தனர், அவர்களுக்கு தொடர்ந்து உடல் ரீதியிலான சிகிச்சை மற்றும் மனநல உதவி தேவைப்பட்டது. அனைத்து நோயாளிகளும் இங்கிலாந்தின் கிரேட் ஆர்மண்ட் ஸ்ட்ரீட் மருத்துவமனையின் ஒரு சிறப்பு குழந்தை மருத்துவமனையில் சிகிச்சை பெற்றனர். எனவே ஆய்வாளர்கள் அவை மிகவும் கடுமையான நிகழ்வுகளை பிரதிநிதித்துவப்படுத்துவதாகவும், தற்போதைய கண்டுபிடிப்புகள் அனைத்து பிம்ஸ்-டிஎஸ் நோயாளிகளுக்கும் பொருந்துமா என்பதை தீர்மானிக்க மேலதிக ஆய்வுகள் தேவை என்றும் குறிப்பிடுகின்றனர்.

அனைத்து குழந்தைகளும் மருத்துவமனையில் அனுமதிக்கப்பட்டபோது அவர்களுக்கு சிஸ்டமிக் அழற்சி இருந்தது, ஆனால் நோயாளிகள் யாரும் இறக்கவில்லை. ஆரம்பகால நோயின் போது பெரும்பாலான குழந்தைகள் உடலில் உள்ள பல்வேறு அமைப்புகளில் கடுமையான விளைவுகளை அனுபவித்தனர், 45 குழந்தைகள் இரைப்பை குடல் அறிகுறிகளையும், 24 குழந்தைகள் நரம்பியல் அறிகுறிகளையும், 15 குழந்தைகள் இதய அறிகுறிகளையும் அனுபவித்தனர். ஆறு மாத பின்தொடர்தலில், பெரும்பாலான அறிகுறிகள் தீர்க்கப்பட்டன, ஒரு குழந்தையைத் தவிர மற்ற அனைவருக்கும் சிஸ்டமிக் அழற்சி போய்விட்டது. தற்போது இரண்டு குழந்தைகளில் எக்கோ கார்டியோகிராம்கள் அசாதாரணங்களைக் காட்டுகிறது, ஆறு குழந்தைகளுக்கு இரைப்பை குடல் அறிகுறிகள் இருக்கின்றது.

ஆறு மாதங்களில் 18 குழந்தைகளில் நரம்பியல் பரிசோதனையில் சிறிய அசாதாரணங்கள் கண்டறியப்பட்டாலும், குழந்தைகள் நடப்பதற்கும் அன்றாட பணிகளைச் செய்வதற்கும் சிறிய சிரமங்களை அனுபவித்தனர். எந்தவொரு நீடித்த நரம்பியல் விளைவுகளும் லேசானவை மற்றும் இயலாமையை ஏற்படுத்தாது என்பதை இது குறிக்கிறது என்று ஆராய்ச்சியாளர்கள் கூறுகின்றனர், இருப்பினும் பயன்படுத்தப்படும் சோதனை நுட்பமான விளைவுகளை கண்டுபிடிக்க முடியாமல் போகலாம், எனவே அவை நீண்டகால நரம்பியல் விளைவுகள் குறித்து விரிவான ஆராய்ச்சிக்கு அழைப்பு விடுகின்றன.

மருத்துவமனையில் அனுமதிக்கப்பட்டதிலிருந்து ஆறு மாதங்கள் வரை தசையின் செயல்பாடு கணிசமாக மேம்பட்டது, ஆனால் ஆறு நிமிட நடைபயிற்சி சோதனையில், 18 நோயாளிகள் தங்கள் வயது மற்றும் பாலினத்திற்கு ஆறு மாதங்களுக்குப் பிறகும் 3% கீழே இருந்தனர். ஆய்வில் கட்டுப்பாட்டுக் குழு இல்லாததால், தொற்றுநோயின் சூழலுக்குள் இந்த கண்டுபிடிப்பை விளக்குவதன் முக்கியத்துவத்தைப் பற்றி ஆய்வாளர்கள் எச்சரிக்கிறார்கள்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil