வழிபாட்டுத் தலங்கள் சட்டம்: முன்னாள் தலைமை நீதிபதி சந்திரசூட் அனுமதித்ததை உச்ச நீதிமன்றம் நீக்கியது எப்படி?

வழிபாட்டுத் தலங்களின் உரிமை மற்றும் உரிமையை எதிர்த்து தொடரப்பட்ட வழக்குகளை நாடு முழுவதும் உள்ள சிவில் நீதிமன்றங்கள் விசாரிப்பதற்கு உச்ச நீதிமன்றம் தடை விதித்தது. இது தொடர்பான உத்தரவை, தலைமை நீதிபதி சஞ்சீவ் கண்ணா தலைமையிலான அமர்வு, நேற்று (டிச 12) பிறப்பித்தது. 

ஆங்கிலத்தில் படிக்கவும்: Places of Worship Act: How SC undid what then CJI Chandrachud allowed two years ago

மே 21, 2022 அன்று இதே கேள்வி உச்ச நீதிமன்றத்தின் முன் வைக்கப்பட்டது. “ஒரு அக்னி கோயில் இருக்கிறது. இதே அக்னி கோயிலின் மற்றொரு பகுதியில் ஒரு சிலுவை இருக்கிறது என வைத்துக் கொள்வோம். சிலுவை இருப்பதால் அது கிறிஸ்துவ வழிபாட்டு தலமாக மாற்றி விடுமா? அல்லது அக்னி கோயிலின் மத வழிபாட்டு தலமாகவே இருக்குமா? ஞானவாபி மசூதியில் ஆய்வு நடத்த வாரணாசி மாவட்ட நீதிமன்றம் அனுமதித்ததற்கு எதிராக தொடரப்பட்ட வழக்கில், அப்போதைய உச்சநீதிமன்ற தலைமை நீதிபதி சந்திரசூட் தலைமையிலான மூன்று பேர் கொண்ட அமர்வு இந்தக் கேள்வியை எழுப்பியது. 

“இதில் கலப்பு தன்மை இருக்கிறது. சிலுவை இருப்பதனால் ஜோராஸ்ட்ரிய வழிபாட்டு தலம், கிறிஸ்துவ வழிபாட்டு தலமாக மாறாது. அதே போல் ஜோராஸ்ட்ரிய அடையாளங்கள், கிறிஸ்துவ வழிபாட்டு தலங்களை தனக்கானதாக மாற்ற முடியாது.

“ஆனால், ஒரு இடத்தின் மதத் தன்மையைக் கண்டறிவது, ஒரு செயல்முறைக் கருவியாக, பிரிவுகள் 3 மற்றும் 4 (சட்டத்தின்) விதிகளுக்குப் புறம்பாக இருக்க வேண்டிய அவசியமில்லை,” எனவும் அமர்வு கூறியது.

வழிபாட்டுத் தலங்கள் சட்டத்திற்கு எதிரான மேல்முறையீடு நிலுவையில் இருந்தபோதிலும், இந்த அவதானிப்புகள் உச்சநீதிமன்றத்தால் மேற்கொள்ளப்பட்ட நான்கு மாதங்களுக்குப் பிறகு, வாரணாசியில் உள்ள மாவட்ட நீதிமன்றம் , ஞானவாபி மசூதியை அணுகக் கோரி இந்து அமைப்பை அனுமதித்தது.

“மதத் தன்மையை நிர்ணயிப்பது என்பது இரு தரப்பினராலும் சமர்ப்பிக்கக்கூடிய ஆதாரத்தை அடிப்படையாக கொண்டது” என்று மாவட்ட நீதிமன்றம் தனது உத்தரவில் கூறியுள்ளது.

"சுதந்திரம் பெற்ற நாளில் இருந்து எந்தெந்த மத தலங்கள், எந்த நிலையில் இருக்கிறதோ, அதே நிலையில் தான் நீடிக்க வேண்டும். அவற்றை மாற்றி அமைப்பது தொடர்பான நடவடிக்கைகள் நீதிமன்றங்கள் வாயிலாகவோ அல்லது அதிகார அமைப்பு மூலமாகவோ நடைபெறக் கூடாது" என வழிபாட்டுத் தலங்கள் சட்டம்  1991 பிரிவு 4(2) கூறுகிறது.

வாரணாசியில் உள்ள அஞ்சுமன் இன்டெஜாமியா மசூதியின் நிர்வாகக் குழு சார்பில் ஆஜரான மூத்த வழக்கறிஞர் ஹுசெபா அகமதி, மசூதியில் ஆய்வுக்கு உத்தரவிடப்பட்டதை கண்டிக்கும் விதமாக, இது நாடாளுமன்றத்தால் தடை செய்யப்பட்ட நடவடிக்கையை, மேற்கொள்வதற்கான முயற்சி என்றார்.

“ஆகஸ்ட் 15, 1947-ல் இருந்து மத தலங்கள் எவ்வாறு இருக்கிறதோ, அவற்றை அப்படியே பாதுகாப்பதற்கு, அவற்றை மாற்றி அமைப்பதற்கான நடவடிக்கைகளில் ஈடுபடாததை உறுதி செய்யும் வகையில் நாடாளுமன்றம் செயலாற்றியது. அதன் விதிமுறைகள் ஒவ்வொரு மட்டத்திலும் தேசத்தின் விவகாரங்களை நிர்வகிப்பவர்களைக் கட்டுப்படுத்துகின்றன. அந்த விதிமுறைகள் பிரிவு 51A-வின் கீழ் அடிப்படைக் கடமைகளைச் செயல்படுத்துகின்றன” என்று நீதிமன்றம் கூறியுள்ளது.