ஒரே நேரத்தில் அதிக அளவில் கொரோனா சோதனை செய்யும் தளம்; புதிய ஆய்வில் கண்டுபிடிப்பு

New research: Platform shown to perform mass testing for coronavirus: ஸ்வாப்ஸீக் என்பது கொரோனாவைக் கண்டறிய ஒரே நேரத்தில் ஆயிரக்கணக்கான மாதிரிகளை அடுத்தடுத்து சோதனை செய்ய பயன்படுத்தப்படும் ஒரு சோதனை தளமாகும்.

லாஸ் ஏஞ்சல்ஸின் கலிபோர்னியா பல்கலைக்கழகத்தின் விஞ்ஞானிகள் குழு (யு.சி.எல்.ஏ), நேச்சர் பயோமெடிக்கல் இன்ஜினியரிங்கின் ஒரு கட்டுரையில், ஸ்வாப்ஸீக்கின் நிஜ உலக முடிவுகளை அறிக்கையாக வெளியிட்டுள்ளது. ஸ்வாப்ஸீக் என்பது கொரோனாவைக் கண்டறிய ஒரே நேரத்தில் ஆயிரக்கணக்கான மாதிரிகளை அடுத்தடுத்து சோதனை செய்ய பயன்படுத்தப்படும் ஒரு சோதனை தளமாகும். இரண்டு மாதங்களுக்குள் 80,000 க்கும் மேற்பட்ட சோதனைகளை விஞ்ஞானிகள் குழுவால் செய்ய முடிந்துள்ளது. சோதனை மிக அதிக உணர்திறன் மற்றும் தனித்துவத்தைக் காட்டுகிறது என்று யு.சி.எல்.ஏ ஒரு செய்திக்குறிப்பில் தெரிவித்துள்ளது.

ஸ்வாப்ஸீக், SARS-CoV-2 பாதிப்பு அல்லது பாதிப்பு இல்லாததை கண்டறிய ஆயிரக்கணக்கான மாதிரிகளை ஒரே நேரத்தில் பகுப்பாய்வு செய்ய, அந்த மாதிரிகளின் குறிப்பிட்ட மூலக்கூறு பார்கோடுகளைப் பயன்படுத்துகிறது.

அக்டோபரில் ஸ்வாப்ஸீக்கிற்கு எஃப்.டி.ஏ அவசர பயன்பாட்டு அங்கீகாரம் வழங்கியது. இது தற்போது யு.சி.எல்.ஏவில் உயர் தர ஆய்வகத்தில் பயன்படுத்தப்படுகிறது, இது டிசம்பர் 2020 முதல் 150,000 சோதனைகளைச் செய்துள்ளது.

ஸ்வாப்ஸீக் என்பது ஒரு நெகிழ்வான நெறிமுறையாகும். மேலும், கொரோனா நோய்க்கிருமிகளுக்கான சோதனையை விரைவாக அளவிட முடியும்.

“தற்போதைய கொரோனா கண்டறிதலில் இல்லாத முக்கிய காரணிகளான அளவு மற்றும் குறைந்த செலவுக்கு முன்னுரிமை அளிக்க நாங்கள் ஸ்வாப்ஸீக்கை மேம்படுத்தியுள்ளோம்” என்று விஞ்ஞானிகள் கூறியுள்ளனர்.

இந்த திட்டத்தின் முன்னணி விஞ்ஞானி டாக்டர் வலேரி அர்போலெடாவை மேற்கோள் காட்டி யு.சி.எல்.ஏ கூறியது: “இந்த முடிவுகள் முன்னோடியில்லாத அளவில் SARS-CoV-2 சோதனைக்கு ஸ்வாப்ஸீக்கின் திறனைக் காட்டுகின்றன. தொற்றுநோயைத் தடுக்க மக்கள்தொகை அளவிலான சோதனையின் தேவைக்கு ஸ்வாப்ஸீக் ஒரு சாத்தியமான தீர்வை வழங்குகிறது.”

Source: UCLA             

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil      

Get the latest Tamil news and Explained news here. You can also read all the Explained news by following us on Twitter, Facebook and Telegram.

Web Title: Platform shown to perform mass testing for coronavirus

Next Story
கொரோனாவின் டெல்டா வகைக்கு எதிராக ஃபைசர் தடுப்பூசியின் செயல்திறன்; இஸ்ரேலின் புதிய தரவுகள்
The moderation of comments is automated and not cleared manually by tamil.indianexpress.com
Best of Express