செப். 22 முதல் ‘ஜி.எஸ்.டி சேமிப்பு திருவிழா’; விலை குறைவால் மிச்சமாகும் குடும்பச் செலவு - மோடி அறிவிப்பு

New GST Rates: அரசு அறிவித்துள்ள ‘ஜி.எஸ்.டி 2.0’ நாளை (செப்டம்பர் 22) நள்ளிரவு முதல் அமலுக்கு வரும் நிலையில், விலை குறைப்புகள், கூடுதல் எடை, ஷாப்பிங் வவுச்சர்கள் போன்ற சலுகைகளால் வாடிக்கையாளர்களைக் கவர பல நிறுவனங்கள் முயற்சி செய்து வருகின்றன. செப்டம்பர் 3-ம் தேதி நடைபெற்ற 56வது ஜி.எஸ்.டி கவுன்சில் கூட்டத்தில் 375-க்கும் மேற்பட்ட அத்தியாவசிய பொருட்களுக்கு விகிதக் குறைப்புகள் அறிவிக்கப்பட்ட நிலையில், சில நிறுவனங்கள் ஏற்கெனவே விலையை குறைத்துள்ளன; மற்றவை நாளை முதல் விலை குறைப்பில் இணைகின்றன.

ஆங்கிலத்தில் படிக்க:

நிறுவனங்கள் வாடிக்கையாளர்களுக்கு விலை குறைப்பு நன்மைகளை முழுமையாக வழங்க வேண்டும் என்று அரசு வலியுறுத்தியுள்ளது. நிதியமைச்சகம் மாதாந்திர விலை மாற்றங்களை தன் புலப் பணியாளர்களின் மூலம் கண்காணிக்கவுள்ளதால், நிறுவனங்களுக்கு தவிர்க்கும் வாய்ப்பு இல்லை. சிறு தொழில்கள், வாகன விற்பனையாளர் சங்கங்கள் ஆகியவை சில இடைநிலைச் சிக்கல்களை (பயன்படுத்தப்படாத இன்புட் டாக்ஸ் கிரெடிட் போன்றவை) சுட்டிக்காட்டினாலும், ஆரம்பத்திலேயே விலை குறைப்பு வாடிக்கையாளர்களுக்கு சென்றடைகிறது என்பதற்கான சான்றுகள் தெளிவாகக் காணப்படுகின்றன.

கடந்த சில நாட்களாகவே, எவ்வளவு விலைகுறைப்புகள் செய்யப்படுகின்றன என்பதைக் காட்டும் விளம்பரப் பிரச்சாரத்தில் பல நிறுவனங்கள் ஈடுபட்டுள்ளன. குறிப்பாக, ஜி.எஸ்.டி விலக்கப்பட்ட அல்லது 5% சதவிகிதத்துக்குள் கொண்டுவரப்பட்ட உணவுப் பொருட்களில் பெரிய அறிவிப்புகள் வந்துள்ளன.

உணவுப் பொருட்கள் விலை குறைப்பு:

அமுல், மதர் டெய்ரி:

200 கிராம் பனீர் பாக்கெட் – 5% வரியிலிருந்து விலக்கு அளிக்கப்பட்டதால், 3% குறைப்பு, ரூ.92 (முந்தைய விலை ரூ.95).

யு.ஹெச்.டி (UHT) பால் – மதர் டெய்ரி விலை ரூ.77-ல் இருந்து ரூ.75 ஆக குறையும், அமுல் மில்க் கோல்டு விலை ரூ.83-ல் இருந்து ரூ.80 ஆக குறையும்.

200 கிராம் அமுல் பட்டர் காக்ரா ரூ.100 → ரூ.95.

அமுல் சீஸ் ஒனியன் பரோட்டா ரூ.240 → ரூ.200 (18% → 0% ஜி.எஸ்.டி).

பட்டர், சீஸ், கேட்சப், நெய், ஊறுகாய், ஜாம் – 4–8% குறைப்பு.

பிரிங்கிள்ஸ் (107 கிராம் பாக்கெட்) – 12% குறைப்பு, ரூ.125 → ரூ.110.

கெல்லாக்ஸ் கார்ன் பிளேக்ஸ் (900 கிராம்) – ரூ.399 → ரூ.355 (11% குறைப்பு).

சன்ஃபீஸ்ட் மரீ லைட் பிஸ்கட் (சுமார் 1 கிலோ) – 12% குறைப்பு.

ஐஸ்கிரீம்கள் – 18% → 5% ஜி.எஸ்.டி.

மதர் டெய்ரி 50 மிலி வெண்ணிலா கப் ரூ.10 → ரூ.9, 100 மிலி பட்டர்ஸ்காட்ச் கோன் ரூ.35 → ரூ.30 (14% குறைப்பு).

வீட்டு உபயோகப் பொருட்கள்:

ஷாம்பு, சோப், ஹேர் ஆயில், பற்பசை – 18% → 5% ஜி.எஸ்.டி.
லோரியல், ஹிமாலயா, கிளோஸ்-அப், டவ் ஆகிய பிராண்டுகள் 11–13% விலை குறைப்பை அறிவித்துள்ளன.

சமூக நுகர்வு ஊக்கம்:

“இந்தக் குறைப்பு நுகர்வு தேவையை அதிகரிக்கும் பெரிய முன்னேற்றம்,” என பேங்க் ஆஃப் பரோடா பொருளாதார நிபுணர்கள் செப்டம்பர் 10 வெளியிட்ட அறிக்கையில் குறிப்பிட்டுள்ளனர். “வாடிக்கையாளர்களுக்கு குறைந்த பணவீக்கம் மூலம் கிடைக்கும் நன்மை மிகப்பெரியது. இது சேமிப்பு மற்றும் முதலீட்டிற்கான வழியையும் திறக்கிறது.”

மற்ற துறைகள்:

சிமெண்ட்: 28% → 18% ஜி.எஸ்.டி. ஜேகே சிமெண்ட், அல்ட்ராடெக் உள்ளிட்ட நிறுவனங்கள் முழு நன்மையும் வாடிக்கையாளர்களுக்கு வழங்குவதாக அறிவித்துள்ளன. இது வீடு கட்டுமான துறையையும் எம்.எஸ்.எம்.இக்களையும் ஊக்குவிக்கும்.

காப்பீடு: தனிநபர் சுகாதார மற்றும் உயிர்காப்பீடு பாலிசிகள் 18% வரியிலிருந்து விலக்கு. ஆண்டுக்கான பிரீமியங்கள் சுமார் 15% குறையலாம்.

ட்யூரபிள் பொருட்கள்: வோர்ல்பூல் 1 டன் ஏ.சி. ரூ.4,509 – ரூ.5,259 குறைப்பு; டிஷ்வாஷர்கள் ரூ.3,282 – ரூ.4,336 குறைப்பு.

கார்கள்:

மாருதி சுசூகி – முழு ஜி.எஸ்.டி குறைப்பும் வாடிக்கையாளர்களுக்கு பலன் அளிக்கும்.

விலை குறைப்பு: ரூ.46,400 – ரூ.1.29 லட்சம் வரை. சிறிய ஹாட்ச்பேக், மினி எஸ்யூவிகளுக்கு அதிக நன்மை.

சிறிய கார்கள்: 28% + செஸ் → 18%.

பெரிய கார்கள்: 50% வரை வரி → 40%.

ஆனால், டீலர்கள் சிக்கலில் சிக்கியுள்ளனர். பழைய விகிதத்தில் வாங்கிய கார்கள் விற்பனைக்கு சிரமமானதால், பெரும் தள்ளுபடிகளுடன் விற்றுள்ளனர். இதனால் ரூ.2,500 கோடி இழப்பு ஏற்பட்டிருக்கலாம் என மதிப்பிடப்படுகிறது.