ககன்யான் திட்டத்துக்கு 4 விண்வெளி வீரர்களை அறிவித்த மோடி; திட்டத்தின் தற்போதைய நிலை

முதல் ஆளில்லா ககன்யான்-1 திட்டம், இறுதிப் பணிக்கான தொழில்நுட்பத் தயார்நிலையைச் சரிபார்க்கும் ஒரு சோதனை விமானம், 2024-ம் ஆண்டின் இறுதியில் புறப்படத் திட்டமிடப்பட்டுள்ளது. மூன்று நாள்களுக்கு 400 கிமீ உயரத்தில் குறைந்த புவி சுற்றுப்பாதையில் 3 பேர் கொண்ட குழுவினரை பறக்கவிடும் மனிதர்கள் செல்லும் திட்டம் பின்னர் திட்டமிடப்பட உள்ளது.

ஆங்கிலத்தில் படிக்க: PM Modi announces 4 astronauts for Gaganyaan: Current status of the mission

குரூப் கேப்டன் பிரசாந்த் பாலகிருஷ்ணன் நாயர், குரூப் கேப்டன் அஜித் கிருஷ்ணன், குரூப் கேப்டன் அங்கத் பிரதாப் மற்றும் விங் கமாண்டர் சுபான்ஷு சுக்லா ஆகியோர் இந்தியாவின் முதல் விண்வெளிப் பயணமான ககன்யான் விண்வெளி வீரர்களாக நியமிக்கப்பட்டுள்ளனர் என்று பிரதமர் நரேந்திர மோடி செவ்வாய்க்கிழமை அறிவித்தார்.

இந்த நான்கு இந்திய விமானப்படை அதிகாரிகளும் சோதனை விமானிகளாக விரிவான அனுபவம் பெற்றவர்கள். அவர்கள் தற்போது திட்டத்துக்கான பயிற்சியில் உள்ளனர். மதிப்புமிக்க விண்வெளி வீரர்களின் சின்னங்களை அவர்களுக்கு வழங்கிய மோடி, 1.4 பில்லியன் இந்தியர்களின் ஆசைகளையும் நம்பிக்கையையும் பிரதிநிதித்துவப்படுத்தும்  ‘நான்கு சக்திகள்’ என்று வர்ணித்தார்.

ககன்யான் திட்ட வாகனங்களில் பயன்படுத்தப்படும் கிரையோஜெனிக் இன்ஜினின் மனித தயார்நிலையை வெற்றிகரமாக பரிசோதித்ததாக இந்திய விண்வெளி ஆராய்ச்சி நிறுவனம் (இஸ்ரோ) கூறிய சில நாட்களுக்குப் பிறகு, கேரளாவின் தும்பாவில் உள்ள விக்ரம் சாராபாய் விண்வெளி மையத்தில் இந்த அறிவிப்பு வெளியிடப்பட்டது.

முதல் திட்ட விமானம், ககன்யான்-1, தொழில்நுட்ப தயார்நிலையை சரிபார்க்க ஆளில்லா சோதனை விமானம், 2024-ம் ஆண்டின் இறுதியில் எதிர்பார்க்கப்படுகிறது. 400 கி.மீ உயரத்தில் உள்ள குறைந்த புவி சுற்றுப்பாதையில் மூன்று பேர் கொண்ட குழுவை அழைத்துச் சென்று மூன்று நாட்களுக்குப் பிறகு பூமிக்குத் திரும்பும்.

1984-ம் ஆண்டில், விங் கமாண்டர் ராகேஷ் சர்மா சோவியத் விண்கலத்தில் சல்யுட் 7 விண்வெளி நிலையத்திற்கு பறந்து விண்வெளிக்கு சென்ற முதல் இந்தியரானார். 2006-ம் ஆண்டில், இந்தியா ஒரு சுற்றுப்பாதை வாகனப் பயணத்தின் பணியைத் தொடங்கியது, அது பின்னர் ககன்யான் என்று பெயரிடப்பட்டது. விண்வெளி வீரர்கள்-நியமிக்கப்பட்டவர்கள் பெயரிடப்பட்டதால், திட்டத்தின் பல்வேறு அம்சங்கள் இங்கே நிற்கின்றன.

ஏவுகணை வாகனத்தின் மனித மதிப்பீடு

அனைத்து ககன்யான் திட்டங்களுக்கும் இஸ்ரோ தனது எல்.வி.எம்.3 ராக்கெட்டை பயன்படுத்தும். எல்.வி.எம்.3 (LVM3), ஜி.எஸ்.எல்.வி- எம்.கேIII (GSLV-MkIII) என்று அழைக்கப்பட்டது. இது இந்திய விண்வெளி ஏஜென்சியின் மிகவும் சக்திவாய்ந்த ஏவுகணை வாகனமாகும். இது தோல்வியின்றி ஏழு முறை பறந்தது. இந்த ராக்கெட் திரவ நிலை, திட நிலை மற்றும் கிரையோஜெனிக் நிலை ஆகியவற்றைக் கொண்டுள்ளது.

இஸ்ரோவானது எல்.வி.எம்.3 (LVM3)-ன் அனைத்து கூறுகளையும் மனித மதிப்பீடு தேவைகளை பூர்த்தி செய்ய மறுகட்டமைத்துள்ளது. பிப்ரவரி 14-ல் சி.இ.20 (CE20) எனப்படும் கிரையோஜெனிக் இயந்திரத்தின் இறுதி சோதனைகள் நடத்தப்பட்டன. இந்த இயந்திரம் வெற்றிகரமாக சோதனையில் தேர்ச்சி பெற்றது, மனிதர்களை விண்வெளிக்கு கொண்டு செல்லும் பணிகளுக்கான சான்றிதழ் பெற்றது.

திரவ நிலையில் பயன்படுத்தப்படும் விகாஸ் இயந்திரம் மற்றும் திட நிலையின் ஒரு பகுதியாக இருக்கும் திட பூஸ்டர் ஆகியவை ஏற்கனவே இந்த திட்டங்களுக்கு தகுதி பெற்றுள்ளன.

ராக்கெட் புறப்படும்போது இயங்கத் தொடங்கும் சிறப்பு விமான எஞ்சின், ஏற்றுக்கொள்ளும் சோதனைகளை நிறைவு செய்துள்ளது. இந்தச் சோதனைகள் திட்டத்தின் தேவைக்கேற்ப வன்பொருளின் சோதனைச் செயல்திறனைச் சான்றளிக்கின்றன/ தகுதிப்படுத்துகின்றன. தொழில்நுட்பம் அல்லது மேம்பாடு இறுதி திட்டத்தில் பயன்படுத்தப்படுகிறது.

குழு தொகுதி மற்றும் தப்பிக்கும் அமைப்பு

மனித விண்வெளிப் பயணத்திற்கான தயாரிப்புகளில், விண்வெளியில் உள்ள பணியாளர்களுக்கு பூமி போன்ற சூழலை வழங்குவதற்கான உயிர் வாழ்வதற்கான ஆதரவு அமைப்புகளை உருவாக்குதல், அவசரகாலத்தில் தப்புவதற்கான ஏற்பாடுகள் மற்றும் குழுவினரின் பயிற்சி, மீட்பு மற்றும் மறுவாழ்வுக்கான குழு மேலாண்மை அம்சங்களை மேம்படுத்துதல் ஆகியவை அடங்கும்.

ககன்யான்-1 போன்ற முன்னோடி விண்வெளி பயணத் திட்டங்கள், மனிதர்களை அனுப்பும் முன் தொழில்நுட்பத் தயார்நிலையின் அளவைக் காட்டும். ஆளில்லா திட்டமானது அழுத்தமில்லாத குழு தொகுதியை எடுத்துச் செல்லும் - மனித விமானத்தின் போது விண்வெளி வீரர்கள் அமர்ந்திருக்கும் காப்ஸ்யூல் - விண்வெளிக்கு சென்று திரும்பும்.

ககன்யான்-1 திட்டத்தின் குழு தொகுதியில் சுற்றுச்சூழல் கட்டுப்பாடு மற்றும் உயிர் பிழைப்பதற்கான ஆதரவு அமைப்பு இருக்காது, இது தொகுதிக்குள் பூமி போன்ற சூழலை உறுதி செய்கிறது. இஸ்ரோ தற்போது அதன் ஆய்வகங்களில் அமைப்பின் பல்வேறு கூறுகளை உருவாக்கி சோதனை செய்து வருகிறது.

“இது (ககன்யான்-1) முக்கியமாக குழு தொகுதியின் பாதுகாப்பான மறு நுழைவு மற்றும் அது கடலில் தெறிக்கும் போது தொகுதியின் சரியான நோக்குநிலையை முக்கியமாக சோதிக்கும்” என்று இஸ்ரோ அதிகாரி ஒருவர் தெரிவித்தார்.

இரண்டாவது ஆளில்லா விமானம் அழுத்தப்பட்ட குழு தொகுதியுடன் திட்டமிடப்பட்டுள்ளது, இதில் முழுமையான உயிர் பிழைப்பதற்கான ஆதரவு அமைப்பு சோதிக்கப்படும். இந்த விமானம் வியோம்மித்ரா (Vyommitra) என்ற ரோபோவை எடுத்துச் செல்லும், இது மனிதர்களுக்கு விமானத்தின் தாக்கத்தை ஆய்வு செய்ய அனைத்து அளவுருக்களையும் பதிவு செய்யும்.

இந்த திட்டங்களுக்கான அட்டவணை இன்னும் முடிவாகவில்லை. “மற்ற ஏவுகணைகளுக்கு, எங்களுக்கு ஏற்கனவே வழி தெரியும், எனவே திட்டமிடல் எளிதானது. இந்த திட்டத்துக்கு எல்லாம் புதியது, மேலும், ஒவ்வொரு சோதனையும் நமக்கு என்ன வேலை செய்தது மற்றும் எது வேலை செய்யவில்லை என்று சொல்கிறது. நாம் செல்லும்போது மாற்றங்களைச் செய்ய வேண்டும்” என்று இஸ்ரோ அதிகாரி கூறினார்.

கடந்த ஆண்டு அக்டோபரில், இஸ்ரோ ஒரு அடிப்படை குழு தொகுதி மற்றும் குழு தப்பிக்கும் அமைப்பின் (CES) முதல் சோதனையை வெற்றிகரமாக நடத்தியது. இஸ்ரோ குறிப்பிட்டுள்ளபடி, “சி.இ.எஸ் (CES) என்பது தொகுதியின் ஒரு பகுதியாகும். இது ஏவுகணைத் தளத்தில் அல்லது ஏறும் கட்டத்தில் ஏதேனும் அவசரநிலை ஏற்பட்டால் பணியாளர்கள் பாதுகாப்பான தூரத்திற்கு அழைத்துச் செல்லப்படுவதை” உறுதிசெய்கிறது.

இந்த சோதனையானது விரும்பிய கோணத்தில் விண்கலத்துக்கு பின்னால் பறக்கும் பாராசூட் போன்ற ட்ரோக் சூட்களைப் பயன்படுத்துவதன் வெற்றியை நிரூபித்தது. குழு தொகுதியை நிலைப்படுத்துவதிலும், மறு நுழைவின் போது அதன் வேகத்தை பாதுகாப்பான நிலைக்குக் குறைப்பதிலும் ட்ரோக் சூட்கள் முக்கியப் பங்கு வகிக்கின்றன. அவைகள் 17 கிமீ உயரத்தில் இருந்து 150 மீட்டர் / வினாடி முதல் 2.5 கிமீ வரை கடல் மேற்பரப்பில் இருந்து 63 மீட்டர் / நொடி வேகத்தில் இருந்து குழுவை கொண்டு வருகிறது.

இஸ்ரோ ஒரு குழு தொகுதியை நிமிர்ந்து பார்க்கும் அமைப்பையும் பரிசோதித்து வருகிறது, இது கடலில் தெறித்த பிறகு தொகுதி நிமிர்ந்து இருப்பதை உறுதி செய்கிறது.

விண்வெளி வீரர்கள் பயிற்சி

நான்கு விண்வெளி வீரர்களும் பிப்ரவரி 2020 மற்றும் மார்ச் 2021-க்கு இடையில் ரஷ்யாவின் யூரி ககாரின் விண்வெளி பயிற்சி மையத்தில் தங்கள் பொதுவான பயிற்சியை முடித்தனர். ஜூன் 2019-ல் பயிற்சிக்காக ரஷ்ய விண்வெளி நிறுவனமான ரோஸ்கோஸ்மோஸின் துணை நிறுவனமான கிளாவ்கோஸ்மோஸுடன் இஸ்ரோ ஒரு புரிந்துணர்வு ஒப்பந்தத்தில் கையெழுத்திட்டது.

விண்வெளி வீரர்கள் தற்போது பெங்களூருவில் உள்ள இஸ்ரோவின் விண்வெளி வீரர் பயிற்சி நிலையத்தில் பயிற்சி பெற்று வருகின்றனர். “பயிற்சி தொடர்கிறது. அவர்கள் இப்போது பல்வேறு துணை சிஸ்டம் சிமுலேட்டர்களில் துணை அமைப்பு செயல்படுவது குறித்து பயிற்சி பெற்று வருகின்றனர். அவை குழு தொகுதி வடிவமைப்பின் வளர்ச்சி செயல்முறையின் ஒரு பகுதியாகும், ஏனெனில் அவை எது வசதியானது, என்ன வேலை செய்கிறது போன்றவற்றைக் குறிப்பிட முடியும், ”என்று இஸ்ரோ அதிகாரி கூறினார்.

“இந்த விண்வெளி வீரர்கள் தொடர்ந்து உடற்பயிற்சி மற்றும் உளவியல் பயிற்சி பெற வேண்டும்” என்று அந்த இஸ்ரோ அதிகாரி கூறினார்.

நான்கு விண்வெளி வீரர்களில் ஒருவருக்கு அமெரிக்க விண்வெளி நிறுவனமான நாசா பயிற்சி அளிக்கும் என எதிர்பார்க்கப்படுகிறது. நாசாவின் நிர்வாகியான பில் நெல்சன், 2023-ம் ஆண்டு புது டெல்லிக்கு விஜயம் செய்தபோது இந்த அறிவிப்பை வெளியிட்டார். ககன்யான் பயணத்திற்குத் தயாராகும் நால்வரில் இருந்து இந்த விண்வெளி வீரர் தேர்ந்தெடுக்கப்படுவார் என்று தி இந்தியன் எக்ஸ்பிரஸ் அப்போது செய்தி வெளியிட்டிருந்தது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“