பணம் கொடுத்தால் அரச கௌரவம் – ஊழல் குற்றச்சாட்டில் இளவரசர் சார்லஸ்க்கு என்ன சம்பந்தம்?

Explained: The ‘cash for honours’ scandal, and how Prince Charles is involved: பணம் கொடுத்து இங்கிலாந்து அரசு கௌரவம் பெறவதாக குற்றச்சாட்டு; இளவரசர் சார்லஸ்க்கு தொடர்பிருப்பதாக தகவல்

வேல்ஸ் இளவரசரால் நிறுவப்பட்ட தொண்டு நிறுவனமான தி பிரின்ஸ் ஃபவுண்டேஷனுக்கு தாராளமாக நன்கொடைகளை வழங்கிய பின்னர், சவுதி அதிபர் அரச குடும்பத்தினர் நைட்ஹூட் பட்டம் பெற்றதாக விசாரணையில் கண்டறியப்பட்டுள்ளது என தி சண்டே டைம்ஸ் மற்றும் டெய்லி மெயில் ஞாயிற்றுக்கிழமை செய்தி வெளியிட்டன.

இதேபோல், ஒரு ரஷ்ய வங்கியாளருக்கும், அரச தொண்டு நிறுவனங்களுக்கு நன்கொடை அளித்ததற்குப் பதில் இளவரசர் சார்லஸை சந்திக்க வைப்பதாக இடைத்தரகர்கள் உறுதியளித்தனர். ஸ்காட்லாந்தின் நன்கொடை ஒழுங்குபடுத்தும் அமைப்பு வங்கியாளரின் நன்கொடைகள் குறித்த விசாரணையைத் தொடங்கியது. இதில், வங்கியாளரின் நன்கொடை இளவரசரின் தொண்டு நிறுவனத்தால் நிராகரிக்கப்பட்டது, ஆனால் வங்கியாளருக்கு நன்கொடை திரும்ப கிடைக்கவில்லை என்று கூறப்படுகிறது.

இந்த முறைகேடு வெளிப்பாடுகள் சார்லஸின் நெருங்கிய உதவியாளர் மைக்கேல் ஃபாசெட் உட்பட தொண்டு நிறுவனத்தின் மூன்று உயர்மட்ட ஊழியர்கள் ராஜினாமா செய்ய வழிவகுத்தது. பிரின்ஸ் அறக்கட்டளையின் தலைமை நிர்வாகி குற்றச்சாட்டுகள் மீதான விசாரணைக்கு ஏற்றவாறு தனது பதவியில் இருந்து “தற்காலிகமாக விலகினார்”.

ஆனால், இளவரசர் சார்லஸ், தனது தொண்டு நிறுவனத்திற்கு நன்கொடை அளிப்பதற்கு பதிலாக, பிரிட்டிஷ் கௌரவத்திற்கான சலுகைகள் பற்றிய எந்த தகவலையும் மறுத்துள்ளார்.

விசாரணையில் தெரியவந்துள்ளது என்ன?

சவுதி தொழிலதிபர் மஹ்ஃபூஸ் மரே முபாரக் பின் மஹ்ஃபூஸுக்கு அரச மரியாதை கிடைக்க உதவியதாகக் கூறி, ஃபாசெட் விலகியதாக செப்டம்பர் 4 ஞாயிற்றுக்கிழமை டைம்ஸ் மற்றும் டெய்லி மெயில் செய்தி வெளியிட்டது, அந்த தொழிலதிபர் அரச தொண்டு நிறுவனத்திற்கு 1.5 மில்லியன் யூரோக்களை நன்கொடையாக வழங்கியுள்ளார்.

செய்தித்தாள்கள் ஃபாசெட், மஹ்ஃபூஸுக்கு அனுப்பிய கடிதங்களின் பகுதிகளை வெளியிட்டன. அதில் 2017 இல் ஸ்காட்லாந்தில் உள்ள பல்லேடியன் மாளிகையான டம்ஃப்ரீஸ் ஹவுஸை புதுப்பிக்க மஹ்பூஸ் ஒரு பெரிய தொகையை நன்கொடையாக வழங்கியதைக் காட்டுகிறது. அந்தக் கடிதத்தில் ஃபாசெட், அவருடைய “நடந்துகொண்டிருக்கும் மற்றும் சமீபத்திய தாராள மனப்பான்மைக்கு” நன்றி தெரிவித்தார்.

மஹ்ஃபூஸுக்கு குடியுரிமை மற்றும் நைட்ஹுட் ஆகியவற்றைப் பெறுவதற்காக ஃபாசெட் உதவினார். தி சண்டே டைம்ஸ் வெளியிட்ட கடிதத்தில், “குடியுரிமைக்கான விண்ணப்பத்தை ஆதரிப்பதற்கும் பங்களிப்பதற்கும் நாங்கள் தயாராகவும் மகிழ்ச்சியாகவும் இருக்கிறோம் என்பதை நம்பிக்கையுடன் உறுதிப்படுத்துவதில் மகிழ்ச்சி அடைகிறேன். மாண்புமிகு கௌரவக் குழுவிற்கு இணங்க, பிரிட்டிஷ் பேரரசின் தளபதி (Commander of the British Empire) முதல் பிரிட்டிஷ் சாம்ராஜ்யத்தின் நைட் கமாண்டர் (Knight Commander of the British Empire) வரை அவரது மேன்மைக்கான மரியாதையை அதிகரிக்க நாங்கள் தயாராக உள்ளோம் என்பதை நான் மேலும் உறுதிப்படுத்த முடியும்.

கல்வி, சமூக நலன், கலை, நிர்வாகம் போன்ற பல்வேறு துறைகளில் அர்த்தமுள்ள பங்களிப்பை வழங்கிய குறிப்பிடத்தக்க நபர்களுக்கு பிரிட்டிஷ் மரியாதை வழங்கப்படுகிறது.

மக்பூஸ் 2016 இல் இளவரசர் சார்லஸின் பக்கிங்ஹாம் அரண்மனையில் நடந்த ஒரு தனியார் விழாவில் பிரிட்டிஷ் பேரரசின் தளபதி (CBE) பெற்றார். டைம்ஸின் படி, இந்த நிகழ்வு அரச ஈடுபாட்டின் பொது பட்டியலில் வெளியிடப்படவில்லை.

ரஷ்ய வங்கியாளர் குறித்த முறைகேடு என்ன?

கௌரவ ஊழல் வெடித்த சிறிது நேரத்திற்குப் பிறகு, ஸ்காட்டிஷ் நன்கொடை ஒழுங்குபடுத்தும் அமைப்பு, கடந்த ஆண்டு ரஷ்ய வங்கியாளரான டிமிட்ரி லியூஸால் செய்யப்பட்ட மற்றொரு நன்கொடை பற்றிய விசாரணையை அறிவித்தது.

51 வயதான வங்கியாளர் தி பிரின்ஸ் ஃபவுண்டேஷனுக்கு 500,000 பவுண்டுகளுக்கு மேல் நன்கொடை அளித்துள்ளார், அதைத் தொடர்ந்து வேல்ஸ் இளவரசர் தனிப்பட்ட முறையில் லியூஸுக்கு ஒரு கடிதம் எழுதியுள்ளார், அதில் பங்களிப்புக்கு நன்றி தெரிவித்துள்ளார்.

டெய்லி மெயில் வெளியிட்ட கடிதம்: “நான் அடைய முயற்சிக்கும் எல்லாவற்றிற்கும் உங்கள் ஊக்கத்திற்காக நான் உங்களுக்கு எவ்வளவு நன்றியுள்ளவனாக இருக்கிறேன் என்று என்னால் சொல்ல முடியாது. உங்கள் ஆதரவு மிகவும் முக்கியமான நேரத்தில் வருகிறது, நான் அதை மிகவும் பாராட்டுகிறேன். ”

இளவரசர் சார்லஸ் கொரோனா தொற்றுநோய் கடந்தவுடன் லியஸை சந்திப்பதாக நம்பிக்கையையும் தெரிவித்துள்ளார்.

இளவரசர் சார்லஸ் மற்றும் லியூஸ் ஆகியோருக்கு இடையேயான இந்த சந்திப்பை, இடைத்தரகரான வில்லியம் போர்ட்ரிக் மூலம் ஃபாசெட் இடைத்தரகு செய்ததாக டெய்லி மெயில் தெரிவித்தது.

இருப்பினும், அறக்கட்டளையின் நெறிமுறைக் குழு, 2004 ஆம் ஆண்டில், லியூஸ், பணமோசடி செய்த குற்றவாளி என்று கண்டுபிடிக்கப்பட்டது. எனவே, அவரது நன்கொடை மறுக்கப்பட்டது. பின்னர் லியூஸின் தண்டனை ரத்து செய்யப்பட்டது

ஆறு இலக்கத் தொகை இளவரசர் சார்லஸின் மற்றொரு தொண்டு நிறுவனமான Children & the Arts க்கு மாற்றப்பட்டதாக லியூஸுக்குத் தெரிவிக்கப்பட்டது. எவ்வாறாயினும், இந்த தொண்டு நிறுவனம் அந்தத் தொகையைப் பெறவில்லை என்று கூறியுள்ளது. இப்போது அந்த தொண்டு நிறுவனம் செயல்படவில்லை.

முழு விஷயத்தின் மையத்தில் பிரிட்டிஷ் பிரபுத்துவத்திற்கு ஒரு உறுதியான வழிகாட்டியான பர்க்ஸ் பீரேஜின் ஆசிரியர் போர்ட்ரிக் இருக்கிறார். டெய்லி மெயிலின் கூற்றுப்படி, லியூஸின் நிதியை தி பிரின்ஸ் ஃபவுண்டேஷனுக்கு அனுப்புவதற்கு போர்ட்ரிக் பொறுப்பாக இருந்தார். செய்தித்தாளால் அணுகப்பட்ட மின்னஞ்சல்கள், 500,000 யூரோவில், போர்ட்ரிக் இரண்டு வெவ்வேறு சந்தர்ப்பங்களில் 200,000 யூரோவை இப்போது செயல்பாட்டில் இல்லாத Children & the Arts தொண்டு நிறுவனத்திற்கு அனுப்பினார், மற்றொரு 200,000 யூரோ பிரிட்டிஷ் தொழிலதிபர் வைன்-பார்க்கருக்கு அனுப்பப்பட்டது, அதில் 100,000 யூரோ திரும்ப பெறப்பட்டது.

டெய்லி மெயில் லியூஸை மேற்கோள் காட்டி, “நான் பர்க்ஸ் பீரேஜ் வழியாக பிரின்ஸ் ஃபவுண்டேஷனுக்கு மொத்தம் 500,000 யூரோக்களை இரண்டு தனித்தனி நன்கொடைகள் மூலம் செய்தேன். இந்த நிதிகள் அனைத்தும் பின்னர் இளவரசர் அறக்கட்டளைக்கு மாற்றப்படவில்லை என்பதை நான் இப்போது அறிந்தேன். பர்க்ஸ் பீரேஜில் இருந்து எனக்கு எந்த நிதியும் திரும்ப அளிக்கப்படவில்லை என்று கூறியதாக தெரிவித்துள்ளது.

வில்லியம் போர்ட்ரிக் யார்?

சமீபத்திய முன்னேற்றத்தில், தி சண்டே டைம்ஸ் செப்டம்பர் 19 அன்று, போர்ட்ரிக் சார்லஸை குறைந்தது ஒன்பது முறையாவது சந்தித்ததாகக் கூறியது, ஆனால், ஃபிக்ஸர்கள் அல்லது இடைத்தரகர்கள் மூலம் செய்யப்பட்ட எந்த ஏற்பாடுகளையும் பற்றி தனக்குத் தெரியாது என இளவரசர் உறுதியளித்ததாக தெரிவித்துள்ளது.

டைம்ஸ் அறிக்கை போர்டிரிக்கை “சவுதி கோடீஸ்வரருக்கு கௌரவத்தைப் பெற உதவ ஆயிரக்கணக்கான பவுண்டுகளைப் பெற்றவர் மற்றும் சார்லஸிடம் இருந்து ரஷ்ய வங்கியாளருக்கு தனிப்பட்ட நன்றி கடிதத்தை வழங்கியவர்” என்று விவரிக்கிறது.

கடந்த ஆண்டு, லியூஸின் நன்கொடைக்குப் பிறகு, போர்ட்ரிக் மற்றும் வேல்ஸ் இளவரசர் ஸ்காட்லாந்தில் உள்ள கோட்டையில் சந்தித்தார் என்பதை அறிக்கை வெளிப்படுத்துகிறது. மேலும், நன்கொடையிலிருந்து போர்ட்ரிக்கிற்கு £ 5,000 கமிஷன் வழங்கப்பட்டது என சண்டே டைம்ஸ் தெரிவித்துள்ளது.

இந்த விசாரணையில் அக்டோபர் 2014 வரை இருவரின் உறவைப் பற்றி கண்டுபிடிக்கப்பட்டுள்ளது, அவர்கள் முதலில் டம்ஃப்ரீஸ் ஹவுஸில் சந்தித்தனர். இந்த சந்திப்பு சவுதி அதிபரின் நிதியுதவியுடன் மஹ்ஃபூஸ் கார்டன் திறப்பு விழாவைக் குறித்தது. அடுத்த ஆண்டு, போர்ட்ரிக் மஹ்ஃபூஸ், ஃபாசெட் மற்றும் இளவரசருடன் மூடிய கதவு விவாதங்களை நடத்தினார்.

இதைத் தொடர்ந்து மஹ்பூஸுக்கு CBE வழங்குவதற்கான ஒரு தனியார் விழா நடைபெற்றது, இது பொது அறிவில் இருந்து பாதுகாக்கப்பட்டது, ஆனால் போர்ட்ரிக் கலந்து கொண்டார்.

இந்த அறிக்கையானது ரியாத்தில் நடந்த மற்ற கூட்டங்களையும் பட்டியலிடுகிறது, இருப்பினும், ஒரு செய்தித் தொடர்பாளர் குற்றச்சாட்டுகளை மறுத்துள்ளார், போர்ட்ரிக் இளவரசரை குழுக்களுடன் மட்டுமே சந்தித்தார் என்றும் தனிப்பட்ட முறையில் சந்திக்கவில்லை என்றும் கூறினார்.

இளவரசர் சார்லஸின் பதில் என்ன?

குற்றச்சாட்டுகளுக்கு பதிலளிக்கும் விதமாக, பிரிட்டிஷ் அரச இல்லமான கிளாரன்ஸ் ஹவுஸ், இளவரசர் சார்லஸுக்கு எந்த தொடர்பும் இல்லை என்று மறுத்துள்ளது.

“வேல்ஸ் இளவரசர் தனது தொண்டு நிறுவனங்களுக்கு நன்கொடை அளிப்பதன் அடிப்படையில் கௌரவங்கள் அல்லது பிரிட்டிஷ் குடியுரிமை வழங்குவதாகக் கூறப்படுவதைப் பற்றி எந்த தகவலும் இல்லை என்றும், இப்போது இளவரசர் அறக்கட்டளையால் நடத்தப்படும் சுயாதீன விசாரணையை முழுமையாக ஆதரிக்கிறார்,” என்றும் ராயல்டி பிரிட்டிஷ் ஊடகங்களால் மேற்கோள் காட்டப்பட்டது.

அறக்கட்டளை இந்த விவகாரத்தில் ஒரு சுயாதீன விசாரணையைத் தொடங்கியுள்ளது. தனது பதவியில் இருந்து தற்காலிகமாக விலகிய ஃபாசெட், “எல்லா வகையிலும் உதவ” தயாராக இருப்பதாக கூறியுள்ளார்.

இதற்கிடையில், கடந்த வாரம் செப்டம்பர் 15 அன்று, தி பிரின்ஸ் ஃபவுண்டேஷனின் தலைவர் தனது பதவியை ராஜினாமா செய்தார், “முரட்டு நடவடிக்கைகள்” மீது “அதிர்ச்சியையும் ஏமாற்றத்தையும்” வெளிப்படுத்தினார், அதே நேரத்தில் தனக்கும் மற்ற அறங்காவலர்களுக்கும் இது தொடர்பாக எதுவும் தெரியாது என்று வலியுறுத்தினார்.

“எந்தவொரு அமைப்பிற்கும் தலைமை வகிக்கும் நபர் அதற்குள் கடுமையான தவறான நடத்தை நடந்திருக்கலாம் என்று தோன்றினால் பொறுப்பேற்க வேண்டும் என்பதே எனது கருத்து” என்று கோன்னல் தி கார்டியன் கூறியதாக மேற்கோள் காட்டப்பட்டது.

ஒரு நாள் கழித்து, பிரின்ஸ் அறக்கட்டளையின் துணை நிர்வாக இயக்குனர் கிறிஸ் மார்ட்டினும் தற்காலிகமாக தனது பதவியில் இருந்து விலகினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Get the latest Tamil news and Explained news here. You can also read all the Explained news by following us on Twitter, Facebook and Telegram.

Web Title: Prince charles cash for honours scandal

Next Story
பஞ்சாப் புதிய முதல்வர் சரண்ஜித் சிங் முன் இருக்கும் 5 முக்கிய சவால்கள் என்ன?Punjab Chief Minister Charanjit Singh Channi
The moderation of comments is automated and not cleared manually by tamil.indianexpress.com