scorecardresearch

Explained: நெப்டியூன் மற்றும் யுரேனஸ் ஏன் வெவ்வேறு நிறங்களில் இருக்கின்றன?

யுரேனஸைச் சுற்றியுள்ள மூடுபனி நெப்டியூனைச் சுற்றியுள்ளதை விட தடிமனாக இருப்பதை மாதிரி காட்டுகிறது.

Neptune-and-Uranus
Researchers explains Why Neptune and Uranus appear in different colors

நெப்டியூன் மற்றும் யுரேனஸ் கோள்கள் மிகவும் பொதுவானவை – அவை ஒரே மாதிரியான நிறைகள், அளவுகள் மற்றும் வளிமண்டல அமைப்புகளைக் கொண்டுள்ளன – இருப்பினும் அவற்றின் தோற்றம் வெவ்வேறு நீல நிறங்களில் இருக்கும். காணக்கூடிய அலைநீளங்களில் (visible wavelength), நெப்டியூன் ஒரு செழுமையான, ஆழமான நீல நிறத்திலும், அதே சமயம் யுரேனஸ் வெளிர் சியான் நிறத்திலும் இருக்கும்.

இரண்டு கிரகங்களும் ஏன் வெவ்வேறு நிறத்தில் உள்ளன என்பதற்கான விளக்கத்தை வானியலாளர்கள் இப்போது பெற்றுள்ளனர்.

ஒப்பிடுவதற்கு ஒத்த தரவு இல்லாதது தான், இந்த வேறுபாடு இதுவரை விளக்கப்படாததற்கு காரணம். ஒவ்வொரு கிரகத்தின் ஸ்பெக்ட்ரம் பற்றிய முந்தைய ஆய்வுகள் தனிப்பட்ட அலைநீளப் பகுதிகளில் (individual wavelength regions) கவனம் செலுத்தியது.

புதிய ஒப்பீட்டில், NASA/ESA ஹப்பிள் ஸ்பேஸ் டெலஸ்கோப் உடன், ஜெமினி நார்த் டெலஸ்கோப் மற்றும் நாசா இன்ஃபிராரெட் டெலஸ்கோப் வசதி ஆகியவற்றிலிருந்து, இரண்டு கிரகங்களின் அவதானிப்புகளுடன் பொருந்தக்கூடிய ஒரு வளிமண்டல மாதிரியை ஆராய்ச்சியாளர்கள் உருவாக்கியுள்ளனர்.

யுரேனஸைச் சுற்றியுள்ள மூடுபனி நெப்டியூனைச் சுற்றியுள்ளதை விட தடிமனாக இருப்பதை மாதிரி காட்டுகிறது என்று ஆராய்ச்சியாளர்கள், ஜர்னல் ஆஃப் ஜியோபிசிகல் ரிசர்ச்: பிளானட்ஸில் தெரிவித்தனர்.

யுரேனஸின் தேங்கி நிற்கும், மந்தமான வளிமண்டலம் அதை, நெப்டியூனை விட இலகுவான நிறத்தில் காட்டுகிறது. நெப்டியூன் மற்றும் யுரேனஸின் வளிமண்டலங்களில் மூடுபனி இல்லை என்றால், இரண்டும் (அவற்றின் வளிமண்டலத்தில் சிதறிய நீல ஒளியின் விளைவாக) கிட்டத்தட்ட ஒரே மாதிரியான நீல நிறத்தில் தோன்றும்.

இந்த முடிவுக்கு வழிவகுக்கும் மாதிரியானது, நெப்டியூன் மற்றும் யுரேனஸின் வளிமண்டலத்தில் உள்ள மூன்று ஏரோசல் அடுக்குகளை விவரிக்கிறது. வண்ணங்களைப் பாதிக்கும் முக்கிய அடுக்கு நடுத்தர அடுக்கு ஆகும், இது நெப்டியூனை விட யுரேனஸில் தடிமனாக இருக்கும் மூடுபனி துகள்களின் அடுக்கு ஆகும்.

இரண்டு கிரகங்களிலும், மீத்தேன் பனி’ இந்த அடுக்கில் உள்ள துகள்கள் மீது ஒடுங்கி, துகள்களை வளிமண்டலத்தில் ஆழமாக இழுக்கிறது. யுரேனஸை விட நெப்டியூன் மிகவும் சுறுசுறுப்பான, கொந்தளிப்பான வளிமண்டலத்தைக் கொண்டிருப்பதால், நெப்டியூனின் வளிமண்டலம் மீத்தேன் துகள்களை மூடுபனி அடுக்காக மாற்றுவதில் மிகவும் திறமையானது என்று குழு நம்புகிறது. இது அதிகமான மூடுபனியை நீக்குகிறது மற்றும் நெப்டியூனின் மூடுபனி அடுக்கை யுரேனஸில் இருப்பதை விட மெல்லியதாக வைத்திருக்கிறது, இதன் விளைவாக நெப்டியூனின் நீல நிறம் வலுவாக இருக்கும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Explained news download Indian Express Tamil App.

Web Title: Researchers explains why neptune and uranus appear in different colors