பாகிஸ்தானின் ஜிஹாதி ஜெனரல்... யார் இந்த அசிம் முனீர்?

இதற்கு முன்னதாக, பிப்ரவரியில் பாகிஸ்தான் ஆக்கிரமிப்பு காஷ்மீரின் (PoK) முசாஃபா நகரில் நடைபெற்ற ஒரு நிகழ்ச்சியில் பேசிய முனீர், மேலும் ஒரு படி மேலே சென்றார். "உடலின் கழுத்து நரம்பை வெட்டுவது உயிருக்கு முடிவைக் குறிக்கும்" என்று கூறிய அவர், "முஸ்லீம் போராளிகள் விருப்பம் எப்போதும் நம்பிக்கை, பக்தி மற்றும் அல்லாஹ்வின் வழியில் ஜிஹாத் ஆகியவற்றின் அடிப்படையில் மேலோங்கும்" என்றும் குறிப்பிட்டார்.

இந்த தொடர்ச்சியான நிகழ்வுகள், காஷ்மீரில் அதிகரித்து வரும் பயங்கரவாத நடவடிக்கைகளுக்கு பாகிஸ்தான் ராணுவத்தின் மறைமுகமான ஆதரவு (அ) ஊக்குவிப்பு இருக்கக்கூடுமோ என்ற சந்தேகத்தை வலுப்படுத்துகிறது. இந்திய அரசு தாக்குதலைக் கடுமையாகக் கண்டித்துள்ளதுடன், பாகிஸ்தான் தனது மண்ணில் இயங்கும் பயங்கரவாத குழுக்களுக்கு எதிரான உறுதியான நடவடிக்கைகளை எடுக்க வேண்டும் என்றும் வலியுறுத்தியுள்ளது. அமைதி மற்றும் ஸ்திரத்தன்மையை நிலைநாட்டுவதற்கு பாகிஸ்தானின் எதிர்கால நடவடிக்கைகள் முக்கியமானதாக இருக்கும் என்று அரசியல் ஆய்வாளர்கள் கருதுகின்றனர்.

”முல்லா ஜெனரல்”:

பாகிஸ்தான் ராணுவ ஜெனரல்களைப் பொறுத்தவரை, 57 வயதான முனீர் பல வழிகளில் தனித்துவமானவராக தெரிகிறார். 2015 முதல் 2020 வரை ராணுவ உளவு அமைப்பான R&AW-ன் பாகிஸ்தான் பிரிவின் தலைவராக இருந்த ராமநாதன் குமார், முன்னதாக இந்தியன் எக்ஸ்பிரஸ் நாளிதழுக்கு அளித்த பேட்டியில் முனீரை பாகிஸ்தானின் முதல் "முல்லா ஜெனரல்" என்று வர்ணித்திருந்தார்.

சவுதி அரேபியாவில் ராணுவ பிரிவில் பணியாற்றியபோது, அப்போதைய 38 வயதான லெப்டினன்ட் கர்னலான முனீர், புனித குர்ஆனை மனப்பாடம் செய்தார். இந்த சாதனை அவருக்கு ஹாஃபிஸ்-இ-குரான் என்ற பட்டத்தை பெற்றுத் தந்தது. பாகிஸ்தான் ராணுவத் தலைவராக பதவியேற்ற பிறகு, முனீர் தனது உரைகளில் குர்ஆன் வசனங்களையும் இஸ்லாமிய இறையியலையும் தயக்கமின்றி பயன்படுத்தினார். ஆங்கிலம் அல்லது உருது மொழியிலிருந்து செம்மொழியான அரபுவில் சரளமாக பேசுவார்.

ஏப்.15 அன்று முனீர் பேசுகையில், "கலிமாவின் அடித்தளத்தில் கட்டப்பட்ட 2 நாடுகள் மட்டுமே இதுவரை உள்ளன... முதலாவது ரியாசத்-இ-தயீபா (ரியாசத்-இ-மதீனா, நபி முகமதுவால் நிறுவப்பட்ட முதல் இஸ்லாமிய அரசு) மற்றும் இரண்டாவது, அல்லாஹ் ஆயிரத்து 300 ஆண்டுகளுக்குப் பிறகு கட்டியது, உங்கள் நாடு (பாகிஸ்தான்)" என்று குறிப்பிட்டார்.

முனீரின் மதப்பற்று அவரது பேச்சில் உள்ளன. பாகிஸ்தான் ராணுவத்தின் உயர்மட்டத்தில் உள்ள பலரைப் போலல்லாமல், அவர் பாரம்பரியமிக்க ராணுவக் குடும்பத்தைச் சேர்ந்தவர் அல்ல. 1947-ல் இந்தியாவின் ஜலந்தரில் இருந்து  பாகிஸ்தானின் ராவல்பிண்டிக்கு குடிபெயர்ந்த ஒரு முஹாஜிர்ரான அவரது தந்தை, ஒரு பள்ளி தலைமையாசிரியராகவும் உள்ளூர் மசூதியின் இமாமாகவும் இருந்தார்.

முனீர் கல்வி மற்றும் பின்னணி:

முனீர் தனது ஆரம்பக் கல்வியை ராவல்பிண்டியில் உள்ள இஸ்லாமிய மதப் பள்ளியில் பயின்றார். பின்னர், 1986 ஆம் ஆண்டில் மங்லாவில் உள்ள அதிகாரிகள் பயிற்சி பள்ளியில் பட்டம் பெற்றார். மேலும் எல்லைப்புற படைப்பிரிவின் 23வது பட்டாலியனில் பணியமர்த்தப்பட்டார். இது ஜெனரல் ஜியா உல்-ஹக்கின் ஆட்சியின் உச்சக்கட்டமாக இருந்தது. "பாகிஸ்தான் ராணுவத்தில் வெளிப்படையான மதப்பற்றை ஊக்குவிப்பவராக ஜியா-உல்-ஹக் கொண்டு வந்த மாற்றங்களின் உச்சக்கட்டமே முனீர்" என்று முனீர் ராணுவத் தலைவராக தேர்ந்தெடுக்கப்பட்டபோது 2022-ல் குமார் இந்தியன் எக்ஸ்பிரஸ் நாளிதழுக்குத் தெரிவித்தார்.