தியோடர் ஹெர்சல் இறையாண்மை கொண்ட யூத அரசை நிறுவ விரும்பியது ஏன்?

‘யூத அரசின் ஆன்மீக தந்தை’ என்று அழைக்கப்படும் தியோடர் ஹெர்சல், மே 2, 1860-ல் பிறந்தார். அவர் யூதர்களை சுயநிர்ணய பாதையில் வைத்த நவீன சியோனிச இயக்கத்தின் முன்னோடி ஆவார்.

ஆங்கிலத்தில் படிக்க: Why Theodor Herzl wanted to establish a sovereign Jewish state

அவரது 164வது பிறந்தநாளில், ஒரு சுருக்கமான வரலாறு.

யூத ஒருங்கிணைப்பில் ஹெர்சலின் ஆரம்பகால நம்பிக்கை

ஹெர்சல் ஹங்கேரியின் புடாபெஸ்டில் ஒரு வசதியான யூத வங்கியாளர் குடும்பத்தில் பிறந்தார். சிறு வயதிலிருந்தே, அவர் தன்னைச் சுற்றி மதவெறியை எதிர்கொண்டார். குறிப்பாக, அதன் காரணமாக 1875-ல் பள்ளிகளை மாற்ற வேண்டியிருந்தது. அவரது குடும்பம் 1878-ல் ஆஸ்திரியாவின் வியன்னாவுக்கு குடிபெயர்ந்தது, அங்கு அவர் சட்டம் படிக்க வியன்னா பல்கலைக்கழகத்தில் சேர்ந்தார்.

தொடர்ச்சியான பாகுபாட்டை எதிர்கொண்ட போதிலும், அந்த நேரத்தில், இந்த மத மற்றும் இன பாரபட்சங்கள் அறிவொளி பெற்ற வயதில் வெறுமனே மறைந்துவிடும் என்று ஹெர்சல் நம்பினார். யூதர்கள் தங்கள் தனித்துவமான வழிகளைக் கைவிட்டு, அவர்கள் மத்தியில் வாழும் மக்களுடன் ஒன்றிணைவதன் மூலம் யூதர்கள் யூத-எதிர்ப்புவாதத்தை வெல்ல முடியும் என்று அவர் நம்பினார்.

சட்டப் பட்டப்படிப்பை முடித்த பிறகு, ஹெர்சல் வியன்னா செய்தித்தாள் ‘நியூ ஃப்ரீ பிரஸ்’ஸில் ஒரு பத்திரிகையாளராக ஆனார். அது அவரை அதன் பாரிஸ் நிருபராக மாற்றியது. யூத-எதிர்ப்புவாதத்தை எதிர்ப்பதில் தியோடர் ஹெர்சலின் கருத்துக்கள் தீவிரமான மாற்றத்திற்கு உட்பட்டது.

ட்ரேஃபஸ் விவகாரம் மற்றும் அரசியல் சியோனிசத்தின் பிறப்பு

1894-ம் ஆண்டில், பிரெஞ்சு இராணுவத்தில் ஒரு யூத அதிகாரி கேப்டன் ஆல்ஃபிரட் டிரேஃபஸ், ஜெர்மானியர்களுக்கு ராணுவ ரகசியங்களை விற்றதாக குற்றம் சாட்டப்பட்டார். பிரான்சில் நிலவும் யூத-விரோத உணர்வுகள் காரணமாக அவர் தவறாகக் குற்றம் சாட்டப்பட்டார். மேலும், சில சந்தேகத்திற்குரிய ஆதாரங்களின் அடிப்படையில் ஆயுள் தண்டனை விதிக்கப்பட்டார். இந்த ட்ரேஃபஸ் விவகாரம் மேலும் தூண்டியது.

‘யூதர்களுக்கு மரணம்’ என்று உரக்கக் கூச்சலிட்ட பிரெஞ்சுக்காரர்களின் கும்பல் தெருவில் நடந்து செல்வதை ஹெர்சல் திகிலுடன் பார்த்தார். யூத-விரோதத்தை வெறுமனே ஒருங்கிணைப்பதன் மூலமும், அறிவொளிக் கொள்கைகளில் நம்பிக்கை வைப்பதன் மூலமும் வெல்ல முடியும் என்று நீண்ட காலமாக நம்பியவருக்கு, இது ஒரு திருப்புமுனையாக அமைந்தது.

1896-ம் ஆண்டில், ஹெர்சல் டெர் ஜூடென்ஸ்டாட் (யூத அரசு) மிகவும் செல்வாக்குமிக்க சிறு புத்தகத்தை வெளியிட்டார். அதில் அவர் ஐரோப்பாவில் யூதர்கள் எதிர்கொள்ளும் துன்புறுத்தலில் இருந்து தப்ப முடியாது என்று வாதிட்டார். “நாம் துன்புறுத்தப்படாத இடங்களுக்கு இயற்கையாகவே நாம் இழுக்கப்படுகிறோம், இங்கு நம் தோற்றம் துன்புறுத்தலுக்கு வழிவகுக்கிறது. யூதர்களின் பிரச்சினை அரசியல் மட்டத்தில் தீர்க்கப்படாத வரையில், எல்லா இடங்களிலும், மிகவும் நாகரீகமான நாடுகளில்கூட, தவிர்க்க முடியாமல் இப்படித்தான் இருக்கும்” என்று அவர் எழுதினார்.

ஹெர்சலின் அரசியல் தீர்வு என்ன? தேசிய சுயநிர்ணய உரிமை. டெர் ஜுண்டென்ஸ்டாட்-க்கு (Der Jundenstaat) தனது முடிவில் அவர் எழுதினார்:  “ஒரு அரசை விரும்பும் யூதர்கள் அதைப் பெறுவார்கள்... கடைசியாக நாங்கள் எங்கள் சொந்த மண்ணில் சுதந்திர மனிதர்களாக வாழ்வோம், எங்கள் சொந்த வீடுகளில் நிம்மதியாக இறப்போம்.” என்று கூறினார்.

யூதர்கள், உலகில் உள்ள மிகப் பழமையான மதச் சமூகங்களில், இஸ்ரேல் உருவாவதற்கு முன்பு, தங்களுக்கென்று ஒரு அரசைக் கொண்டிருக்கவில்லை. மேலும், ஐரோப்பா மற்றும் ஆசியாவின் சில பகுதிகளில் சிதறி வாழ்ந்தனர்.

தனது திட்டத்திற்கு அரசியல் ஆதரவைத் தேடினார்

ஆரம்பத்தில், ஹெர்சல் அர்ஜென்டினா அல்லது பாலஸ்தீனத்தை புதிய யூத அரசின் இருப்பிடமாக முன்மொழிந்தார். இருப்பினும் அவர் பாலஸ்தீனத்தை விரும்பினார். ஏனெனில், இது எபிரேய பைபிளின் படி  ‘வரலாற்று யூத தாயகம்’. அவர் தனது வாழ்நாள் முழுவதையும் நாடு விட்டு நாடு பயணம் செய்து, பிரதமர்கள், மன்னர்கள் மற்றும் பிற செல்வாக்கு மிக்க மனிதர்களை சந்தித்து, யூத அரசிற்கு ஆதரவைத் திரட்டினார்.

வரலாற்றாசிரியர் ஜேம்ஸ் எல் கெல்வின், தி இஸ்ரேல்-பாலஸ்தீன மோதல் (2021) நூலாசிரியர், 2023-ல் தி இந்தியன் எக்ஸ்பிரஸுக்கு அளித்த பேட்டியில் கூறினார்: “ஒரு தன்னாட்சி யூத அரசின் கனவை நனவாக்க அவர்களுக்கு ராஜதந்திர உதவி தேவை என்று ஹெர்சல் நம்பினார். எனவே அவர் தனது வாழ்நாளின் பெரும்பகுதியை பிரதமர்கள், பேரரசர்கள், சுல்தான்கள் மற்றும் பலரிடம் சென்று அவர்களின் ஆதரவைப் பெற முயன்றார்” என்று கூறினார்.

பெரும் தனிப்பட்ட செலவில், ஆகஸ்ட் 29, 1897-ல், ஹெர்சல் முதல் உலக யூத மாநாட்டை சுவிட்சர்லாந்தின் பாசெல் நகரில் கூட்டினார். இந்த மாநாட்டில் அமெரிக்கா, அல்ஜீரியா, பாலஸ்தீனம் மற்றும் மேற்கு மற்றும் கிழக்கு ஐரோப்பா நாடுகளைச் சேர்ந்த 15 நாடுகளைச் சேர்ந்த 204 பிரதிநிதிகள் கலந்துகொண்டனர்.

“யூத தேசத்திற்கு அடைக்கலம் கொடுக்கும் வீட்டின் அடிக்கல்லை நாட்ட நாங்கள் இங்கு வந்துள்ளோம” என்று ஹெர்சல் மாநாட்டில் தனது உரையில் கூறினார். மாநாட்டின் முடிவில்,  வெளிப்படையாக அங்கீகரிக்கப்பட்ட, [மற்றும்] சட்டப்பூர்வமாக பாதுகாக்கப்பட்ட யூத தாயகத்தை உருவாக்கும் நோக்கத்துடன் ஒரு புதிய சியோனிச அமைப்பு நிறுவப்பட்டது. ஹெர்சல் 1897 முதல் 1902 வரை மொத்தம் ஆறு சியோனிஸ்ட் மாநாடுகளைக் கூட்டினார்.

யூத அரசின் தந்தை

ஒரு சுதந்திர யூத அரசு பற்றிய அவரது கனவு நனவாகும் முன்பே, தியோடர் ஹெர்சல் 1904-ல் இறந்தார். உண்மையில், அவரது வாழ்நாளில், பல யூதர்கள் ஒரு யூத தேசத்தின் யோசனையை கடுமையாக எதிர்த்தனர். இது அவர்களின் அரசியல் மற்றும் சிவில் உரிமைகளை அடிப்படையாகக் குறைத்து மதிப்பிடுவதற்கு உட்படுத்துவதாக நம்பினர்.

மேலும், அவர் ஒரு யூத தாயகத்தைப் பற்றி முதலில் பேசியவர் அல்ல, நிச்சயமாக அதைப் பற்றி முதலில் எதுவும் செய்யவில்லை. இறுதியில் புனித பூமியில் ஒரு யூத தேசத்தை நிறுவும் நம்பிக்கையில், 19-ம் நூற்றாண்டின் நடுப்பகுதியில் இருந்து, ஐரோப்பாவிலிருந்து பாலஸ்தீனத்திற்கு யூதர்களின் குடியேற்ற அலைகள் நிகழ்ந்தன. 

இருப்பினும், ஹெர்சல் இஸ்ரேல் தேசத்திற்கான மிக முக்கியமான அடித்தளம் அமைத்த நபராகவும், 1948-ல் இஸ்ரேலிய சுதந்திரப் பிரகடனத்தில் குறிப்பிடப்பட்ட ஒரே தனிநபர். ஏனென்றால், யூத தேசிய அரசு ஏன் யூத-எதிர்ப்புக்கு ஒரே தீர்வு, அது எப்படி இருக்கும் என்பதை சரியாக வகுத்தவர் ஹெர்சல். 1917 இல் பால்ஃபோர் பிரகடனத்திற்கும், 1948 இல் இஸ்ரேலை உருவாக்குவதற்கும் வழிவகுத்த சர்வதேச அரசியல் மற்றும் ராஜதந்திர இயக்கத்தைத் தொடங்கியதும் அவரது முயற்சிகள்தான். மிக முக்கியமாக, ஹெர்சலின் எழுத்துக்கள் மற்றும் அவரது முயற்சிகள் இறுதியில் ஐரோப்பாவின் யூதர்களிடையே ஒரு யூத தேசிய அரசிற்கான இயக்கத்திற்கு பரந்த ஆதரவை உருவாக்கியது. அவரே கூறியது போல்,  “நான் படிப்படியாக அவர்களை [யூதர்களை] ஒரு அரசிற்கான மனநிலைக்கு கொண்டுவந்தேன்” என்று கூறினார்.

மே 2, 2024-ல் அவரது அஸ்தி மேற்கு ஜெருசலேமில் உள்ள இஸ்ரேலின் தேசிய கல்லறையான மவுண்ட் ஹெர்சல் மலையில் அடக்கம் செய்யப்பட்டது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“