வரி அடுக்குகளை மாற்றியமைப்பதன் மூலமும், குறைந்த மற்றும் உயர்மட்ட வரி செலுத்துவோருக்கு கூடுதல் சலுகைகளை வழங்குவதன் மூலமும் தனிப்பட்ட வரி செலுத்துவோர் புதிய வருமான வரி முறைக்கு மாறச் செய்யும் முயற்சியில் அரசாங்கம் அனைத்து முயற்சிகளையும் மேற்கொண்டுள்ளது. நிதியமைச்சர் நிர்மலா சீதாராமன் பட்ஜெட் உரையில், புதிய வரி முறைக்கு ஆதரவாக உரக்கப் பேசினார். பழைய வரி முறையுடன் ஒப்பிடுகையில் பல சலுகைகளை அளித்துள்ளார்.
பட்ஜெட்டுக்கு பின் ஊடகங்களைச் சந்தித்த நிர்மலா சீதாராமன் செய்தியாளர்களிடம் கூறியதாவது, விலக்குகள் இல்லாத புதிய வரி முறையை வரி செலுத்துவோருக்கு போதுமான லாபம் ஈட்டக்கூடியதாக மாற்ற வேண்டும் என்பதே அரசின் முயற்சி. 2020-ல் புதிய வரி முறை அறிமுகப்படுத்தப்பட்டாலும், பழைய மற்றும் பழக்கமான கடுமையான வரி முறையிலிருந்து புதிய வரி முறைக்கு மாறுவது இதுவரை மிகவும் குறைவாகவே இருந்தது. இப்போது இந்த அலை மாறும் என்று அரசாங்கம் எதிர்பார்க்கிறது. இது சரியாக இருக்கலாம் என்று கூறினார்.
பழைய வரி முறையில் எந்த மாற்றமும் செய்யப்படவில்லை என்றாலும், புதிய வரி முறையில் முந்தைய வரம்பான 5 லட்சத்தில் இருந்து ஆண்டுக்கு ரூ.7 லட்சம் வரி விதிக்கக்கூடிய வருமானம் உள்ளவர்களுக்கு வரி தள்ளுபடி வாய்ப்பை அதிகரிக்க அரசாங்கம் முடிவு செய்தது. அதாவது, ஆண்டு வருமானம் ரூ.7 லட்சம் வரை உள்ளவர்கள் புதிய வரி முறையின் கீழ் வரி செலுத்தத் தேவையில்லை. பழைய வரி முறையில் வரி தள்ளுபடிக்கான வருமான உச்சவரம்பு ரூ.5 லட்சமாகத் தொடர்கிறது.
இதில், பெரும் செல்வந்தர்கள் (ரூ. 5 கோடிக்கு மேல் ஆண்டு வருமானம் உள்ளவர்கள்) புதிய வரி முறையின் கீழ் வருமான வரி கூடுதல் கட்டணத்தை 37 சதவீதத்தில் இருந்து 25 சதவீதமாகக் குறைத்துள்ளதன் மூலம் பயனடைவார்கள். இது இக்குழுவினரின் பயனுள்ள வருமான வரி விகிதத்தை 42.7 சதவீதத்திலிருந்து 39 சதவீதமாகக் குறைக்கும்.
இந்த புதிய திட்டத்தின் கீழ் வரிச்சுமை அதன் அடுக்குகளைத் திருத்தியதன் மூலமும், நிலையான விலக்கின் பலனை அறிமுகப்படுத்தியதன் மூலமும் மறுசீரமைக்கப்பட்டுள்ளது.
வருமானக் குழுக்களில் உள்ள பல்வேறு நிலைகளைக் கருத்தில் கொண்டு, எளிமைப்படுத்தப்பட்ட வரி முறை அதிக லாபம் ஈட்டுவதாகவும், அதிக எண்ணிக்கையிலான வரி செலுத்துவோர் அதற்கு மாறுவதற்குத் தூண்டுவதாகவும் தெரிகிறது. ஒரு நபர் அதிக வரி விலக்குகளை கோருகிறார் என்றால், அவர் புதிய முறைக்கு மாறுவதன் மூலம் பயனடைவார் என்று ஒரு பகுப்பாய்வு காட்டுகிறது. உண்மையில், நிதியமைச்சக அதிகாரி ஒருவர் கூறியதாக பி.டி.ஐ செய்தி நிறுவனம் வெளியிட்ட செய்தியில், ரூ. 3.75 லட்சத்திற்கு மேல் விலக்கு கோருபவர்கள் மட்டுமே பழைய வரி முறையைக் கடைப்பிடிப்பதன் மூலம் பயனடைவார்கள் என்று தெரிவித்துள்ளது.
இரண்டு வரி முறைகளின் கீழும் ஆண்டுக்கு ரூ.15 லட்சம் சம்பாதிக்கும் தனிநபரின் வரிக் கணக்கீடுகளின் ஒப்பீடு, பழைய வரி முறையில் ரூ.1,24,800 ஆக இருந்த நிலையில், புதிய வரி முறையின் கீழ் அவருடைய ஆண்டு வரி ரூ.1,45,600 ஆக இருக்கும். இருப்பினும், கூடுதலாக ரூ.19,800 வரியைச் சேமிக்க, தனி நபர் ரூ.1.50 லட்சம் மதிப்புள்ள விலக்குகளை பிரிவு 80சி-ன் கீழ் தனக்கும் குடும்பத்திற்கான உடல்நலக் காப்பீட்டு பிரீமியத்தில் ரூ. 25,000, மூத்த குடிமக்களுக்கு மருத்துவக் காப்பீட்டு பிரீமியமாக ரூ. 50,000 மற்றும் வீட்டுக் கடன் வட்டிக்கு ரூ. 2,00,000 கோர வேண்டும் என்பது குறிப்பிடத்தக்கது.
ஆண்டு வருமானம் ரூ.15 லட்சத்திற்கு மேல் உள்ளவர்களுக்கு, பழைய வரி முறையின் கீழ் ஆண்டுக்கு ரூ.30,000 அல்லது மாதத்திற்கு ரூ.2,500 குறைவாக இருக்கும் என்றும், அதுவும் பெரும்பாலான விலக்குகள் கோரப்பட்டால் அவற்றின் அதிகபட்ச அனுமதிக்கப்பட்ட வரம்புகள் இருக்கும். அரசாங்கத்தின் மதிப்பீட்டின்படி, வரி செலுத்துவோர் அதிக வரி குறைப்புகளைக் கோருவது மிகவும் குறைவுதான்.
குறைந்த வருமான அடுக்குகளின் கீழ் வருபவர்களைப் பொறுத்தவரை, அவர்கள் எப்படியாவது மேலே குறிப்பிட்டுள்ள நான்கு விலக்குகளையும் கோரினால், பழைய வரி முறைக்கு ஆதரவாக வரி சொத்து வேறுபாடு அதிகமாக இருக்கும். ரூ. 10 லட்சம் சம்பாதிக்கும் ஒரு நபர் இந்த விலக்குகள் அனைத்தையும் கோரினால், புதிய வரி முறையில் ரூ. 54,600க்கு பதிலாக பழைய வர் முறையின் கீழ் அவர்களுடைய வரி ரூ.18,200 ஆக இருக்கும். இருப்பினும், அந்த வருமான மட்டத்தில் உள்ள ஒரு தனிநபரால் இத்தகைய மிகப்பெரிய விலக்குகளைப் பெறுவது மிகவும் சாத்தியமில்லை.
"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil"
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2023/02/People-watch-the-Budget-proceedings-at-a-shop-in-Mumbai-on-Wednesday.-Ganesh-Shirsekar-1.jpg)