கல்வி ஆலோசகர்கள், சமீபத்திய ஆண்டுகளில் அமெரிக்காவில் உயர் கல்வி கற்க விரும்பும் இந்திய மாணவர்களின் அதிகரிப்பானது கனடா, ஆஸ்திரேலியா மற்றும் இங்கிலாந்தின் குடிவரவு கொள்கைகளில் ஏற்பட்ட மாற்றங்களின் விளைவாகவே பார்க்கின்றனர். 2024-ல், கனடா சர்வதேச மாணவர்களின் எண்ணிக்கைக்கு உச்சவரம்பை அறிமுகப்படுத்தியது. ஆஸ்திரேலியா மற்றும் இங்கிலாந்து ஆகிய இரு நாடுகளும் தங்கள் மாணவர் விசா விதிகளை கடுமையாக்கியுள்ளன. இதனால், அமெரிக்கா கவர்ச்சிகரமான மற்றும் நிலையான விருப்பமாக மாறி உள்ளது.
கனடா, அமெரிக்கா மற்றும் ஐரோப்பாவிற்கான வெளிநாட்டுப் படிப்பு திட்டங்களில் நிபுணத்துவம் பெற்ற கபூர்தலா-வைச் சேர்ந்த கல்வி ஆலோசகர் குர்பிரீத் சிங் கூறுகையில், "கனடாவின் விசா கொள்கைகள் கடுமையாகி வருகின்றன. அதே நேரத்தில், அமெரிக்க விசா அங்கீகார விகிதம், முன்பு 15-20% ஆக இருந்தது, சமீபத்திய ஆண்டுகளில் கணிசமாக மேம்பட்டுள்ளது. அமெரிக்கா எப்போதும் பலரால் வாய்ப்புகளின் பூமியாக அல்லது 'சம்பாதிக்கும் சொர்க்கமாக' பார்க்கப்படுகிறது" என்றார்.
மாணவர்களுக்கு, அமெரிக்கா மலிவான வீட்டு வசதி, கனடாவை விட மிதமான வானிலை மற்றும் நெகிழ்வான கல்விக் கட்டண செலுத்தும் விருப்பங்கள் போன்ற நன்மைகளை வழங்குகிறது. கட்டணம் பெரும்பாலும் நிறுவனத்தில் சேரும்போது மட்டுமே செலுத்த வேண்டும்.
ஒவ்வொரு ஆண்டும் எத்தனை இந்திய மாணவர்கள் அமெரிக்கா செல்கிறார்கள்?
கடந்த சில ஆண்டுகளில், உயர் கல்விக்காக அமெரிக்காவைத் தேர்ந்தெடுக்கும் இந்திய மாணவர்களின் எண்ணிக்கை கணிசமாக அதிகரித்து உள்ளது. இந்திய மாணவர்களை அதிக அளவில் ஏற்கும் நாடுகளில் அமெரிக்கா இப்போது கனடாவுக்கு அடுத்தபடியாக 2வது இடத்தில் உள்ளது.
அமெரிக்க தூதரக வட்டாரங்களின்படி, கடந்த 5 ஆண்டுகளில் இந்தியாவிற்கான அமெரிக்க தூதரகம், 2018, 2019, 2020 ஆகிய ஆண்டுகளில் வழங்கப்பட்ட மொத்த மாணவர் விசாக்களின் எண்ணிக்கையை விட அதிகமான மாணவர் விசாக்களை வழங்கியுள்ளது. 2022-ல் 1,15,115 மற்றும் 2023-ல் 1,30,730 மாணவர் விசாக்கள் இந்திய மாணவர்களுக்கு பல்வேறு அமெரிக்க கல்வி நிறுவனங்களில் சேர வழங்கப்பட்டன. 2024-ல் இந்த எண்ணிக்கை 86,110 ஆக குறைந்தாலும், விசா வழங்கப்பட்ட வகையில் இந்தியா தொடர்ந்து முதல் இடத்தைப் பிடித்துள்ளது. சீனா சுமார் 82,000 விசாக்களுடன் 2வது இடத்தில் உள்ளது.
2024-ம் ஆண்டு நாடாளுமன்ற மழைக்கால கூட்டத்தொடரின்போது, வெளியுறவுத்துறை இணையமைச்சர் கீர்த்தி வர்தன் சிங், வெளிநாடுகளில் படிக்கும் இந்திய மாணவர்கள் குறித்த புதுப்பிக்கப்பட்ட தரவுகளை எழுத்துப்பூர்வ பதிலில் அளித்தார். 2024-ம் ஆண்டில் வெளிநாடுகளில் உள்ள 13,35,878 இந்திய மாணவர்களில், சுமார் 4,27,000 பேர் கனடாவிலும், 3,37,630 பேர் அமெரிக்காவிலும் இருந்தனர். இதனால் அமெரிக்கா 2வது விருப்பமாக மாணவர்களுக்கு உள்ளது.
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/05/29/hQtYHQB09QFG5fEeOciH.jpg)