ராஜீவின் 'சரண் சிங் பரிசோதனை'- வி.பி. சிங்கின் கொந்தளிப்பான பதவிக்காலத்தில் என்ன நடந்தது?

1989 லோக்சபா தேர்தலில், ராஜீவ் காந்தியின் ஆட்சிக்காலத்தில் நடந்த ஊழல் மோசடிகள் அவரது அரசாங்கம் மேற்கொண்ட சில குறிப்பிடத்தக்க சீர்திருத்தங்களை மறைத்துவிட்டன. 12 ஆண்டுகளில் இரண்டாவது முறையாக காங்கிரஸ் கட்சி மத்தியில் ஆட்சியை இழந்தது.

ஆனால் வி பி சிங் ஒரு கூட்டணி அரசாங்கத்தை அமைத்த பிறகு, ராஜீவ் 1979 ஆம் ஆண்டு தனது கட்சியின் "சரண் சிங் பரிசோதனையை" திரும்பச் செய்து - சந்திர சேகருக்கு முட்டுக்கொடுத்து, சில மாதங்களுக்குள், அவரை இழுத்தார். இதன் விளைவாக 1989-1991ல் 19 மாத இடைவெளியில், இந்தியா இரண்டு மக்களவைத் தேர்தல்களையும் இரண்டு பிரதமர்களையும் கண்டது.

டிசம்பர் 1988 இல், ராஜீவின் அரசாங்கம் அரசியலமைப்பின் 326 வது பிரிவைத் திருத்தி, வாக்களிக்கும் வயதை 21 இல் இருந்து 18 ஆகக் குறைத்தது, இது கிட்டத்தட்ட 4.7 கோடி புதிய வாக்காளர்களைச் சேர்த்தது.

கட்சிமாறுதலைத் தடுக்கும் சட்டம் (1985), நிறுவனங்கள் அரசியல் நன்கொடைகள் மீது கூடுதல் கட்டுப்பாடுகளை விதிக்க நிறுவனங்கள் சட்டத்தில் திருத்தம் (1985), மற்றும் அரசியல் நலன்களுக்காக மத நிறுவனங்கள் மற்றும் அவற்றின் நிதிகளைத் தவறாகப் பயன்படுத்துவதைத் தடுப்பதற்கான சட்டத்துக்கு (1988) பிறகு இது அரசாங்கத்தின் நான்காவது தேர்தல் சீர்திருத்தம் ஆகும்.

ராஜீவ் 40 வயதில் பிரதமரானபோது, ​​இளையவர்களுக்கு கட்சியிலும் ஆட்சியிலும் முக்கியப் பொறுப்புகளை வழங்கினார்.

ராஜீவின் நிதியமைச்சர் வி.பி.சிங்குடன் ஏற்பட்ட பிரச்சனைகள், பிரதமரின் நண்பர்களான முன்னணி தொழிலதிபர்கள் மீது,  சிங் உத்தரவிட்ட பல ஊழல் எதிர்ப்பு சோதனைகளுக்கு நிறைய தொடர்பு இருந்தது.

இந்த நபர்களில் சிலர் சிறைக்கு இழுத்துச் செல்லப்பட்டதும், "ரெய்டு ராஜ்" பற்றிய கூச்சலும் சத்தமும் அதிகமானதால், ராஜீவ், சிங்கை 1987 ஜனவரியில் பாதுகாப்பு அமைச்சகத்திற்கு மாற்றினார்.

நவம்பர் 10, 1990 அன்று சந்திர சேகர் பதவியேற்ற பிறகு சிங் அவரை வாழ்த்தினார். (Express Archive)

சிங் தனது புதிய பணியில், ராஜீவ் இலாகாவை வகித்த போது, போஃபர்ஸ் ஹோவிட்சர் கொள்முதல் ஒப்பந்தம் குறித்து விசாரணை நடத்தப்படும் என்று சிங் அறிவித்தார். அமைச்சரவையில் உறவுகள் கசப்பாக மாறியதால், சிங் ஏப்ரல் 12, 1987 அன்று ராஜினாமா செய்து, காங்கிரஸை விட்டு வெளியேறினார்.

வி பி சிங் vs ராஜீவ் காந்தி                                  

அக்டோபர் 2, 1987 இல், சிங் ‘ஜன் மோர்ச்சா’ என்ற அரசியல் தளத்தை உருவாக்கினார்.

அவருடன் இணைந்தவர்களில் அவருக்கு நெருங்கிய ஆலோசகராக இருந்த ராஜீவின் உறவினர் அருண் நேரு, ஷா பானோ பிரச்சினையில் 1986ல் ராஜீவ் அரசாங்கத்தில் இருந்து விலகிய ஆரிப் முகமது கான் ஆகியோரும் அடங்குவர்.

ஜூன் 1988 இல், வி பி சிங் அலகாபாத்தில் இருந்து மக்களவை இடைத்தேர்தலில் போட்டியிட்டார் - எதிர்கட்சிகளின் ஆதரவுடன் சுயேட்சையாக, வெற்றி பெற்றார்.

1977 ஆம் ஆண்டு ஜனதாவின் அங்கமாக இருந்த கட்சிகளை ஒன்றிணைக்கும் முயற்சிகளை அவர் தொடங்கினார், அக்டோபர் 11, 1988 அன்று ஜெயப்பிரகாஷ் நாராயணின் பிறந்தநாளில், ஜன மோர்ச்சாவை லோக்தளம் மற்றும் ஜனதா கட்சியின் பல்வேறு பிரிவுகளுடன் இணைத்து ஜனதா தளத்தை உருவாக்கினார்.

சிங் ஒரு ராஜா அல்ல, ஒரு துறவி, தேசத்தின் டெஸ்டினி, என்று எதிர்க்கட்சிகள் உற்சாக முழக்கத்தை வழங்கினர்.

ராஜீவ் காந்திக்கு எதிராக வி பி சிங் தனது ஊழல் எதிர்ப்பு பிரச்சாரத்தை கட்டமைத்தபோது, எல் கே அத்வானியின் கீழ் பிஜேபி தனது இந்துத்துவா நிகழ்ச்சி நிரலை விஷ்வ ஹிந்து பரிஷத் மற்றும் ஆர்எஸ்எஸ் உடன் ஒருங்கிணைந்து தீவிரமாக முன்வைத்தது.

ஃபைசாபாத் மாவட்ட நீதிமன்றத்தின் உத்தரவுக்குப் பிறகு, பிப்ரவரி 1, 1986 அன்று பாபர் மசூதியின் பூட்டுகள் திறக்கப்பட்டதைத் தொடர்ந்து, அயோத்தியில் கோயில் கட்டுவதற்கான பிரச்சாரம் பூதாகரமாகியது.

1989 தேர்தல்

18 முதல் 20 வயதுக்குட்பட்ட புதிய வாக்காளர்கள் உட்பட மொத்தம் 49.89 கோடி இந்தியர்கள் 1989 இல் வாக்களிக்கத் தகுதி பெற்றனர். நவம்பர் 22-26, 1989 வரை மூன்று கட்டங்களாக 529 இடங்களுக்கு (கிளர்ச்சியால் பாதிக்கப்பட்ட அசாம் தவிர) கிட்டத்தட்ட 62% வாக்களித்தனர்.

ஜனதா தளம் 143 இடங்களை வென்றது - அவற்றில் 54 உத்தரபிரதேசம், 32 பீகாரிலும் ஆகும். 1984 இல் இரண்டை மட்டுமே வென்ற பாஜக, புதிய மக்களவையில் 85 இடங்களைக் கைப்பற்றியது.

சிபிஐ(எம்) 33 இடங்களையும், சிபிஐ 12 இடங்களையும் வென்றது. கன்ஷிராமின் பகுஜன் சமாஜ் கட்சி (BSP) மூன்று இடங்களை வென்றது, அப்போது வெறும் 33 வயதான மாயாவதி முதல் முறையாக நாடாளுமன்றத்தில் நுழைந்தார்.

முந்தைய தேர்தலில் 414 இடங்களை கைப்பற்றிய காங்கிரஸ், அதிர்ச்சியூட்டும் அடியை சந்தித்தாலும், 197 இடங்களுடன் தனிப்பெரும் கட்சியாக இருந்தது. ஆந்திராவில் 39 இடங்களிலும், மகாராஷ்டிராவில் 28 இடங்களிலும், கர்நாடகா மற்றும் தமிழ்நாட்டில் தலா 27 இடங்களிலும், கேரளாவில் 14 இடங்களிலும் வெற்றி பெற்றது.

ராஜீவ் அரசாங்கத்தை அமைப்பதற்கான அழைப்பை நிராகரித்ததை அடுத்து, ஜனதா தளம் தலைமையிலான தேசிய முன்னணி கூட்டணி ஆட்சியைப் பிடித்தது. சிங் பிரதமராக 1989 ஆம் ஆண்டு டிசம்பர் 2 ஆம் தேதி பதவியேற்றார், முன்னாள் ஹரியானா முதல்வர் தேவி லால் துணை பிரதமராக இருந்தார்.

சிபிஐ(எம்) தலைமையிலான பிஜேபி மற்றும் இடது முன்னணி ஆகியவை விபி சிங்கின் அரசாங்கத்தை வெளியில் இருந்து ஆதரித்தன.

CPI(M) இன் ஹர்கிஷன் சிங் சுர்ஜித் மற்றும் ஜோதிபாசு, CPI இன் இந்திரஜித் குப்தா, மற்றும் BJP யின் அத்வானி மற்றும் அடல் பிஹாரி வாஜ்பாய் ஆகியோர் ஒவ்வொரு செவ்வாய் கிழமையும் பிரதமரை இரவு உணவு மற்றும் கலந்துரையாடல்களுக்காக சந்தித்தனர்.

மண்டல் மற்றும் மந்திர்

ஒரு தசாப்தத்திற்கு முன்னர் ஜனதா கட்சியை வீழ்த்திய அதே ஒருங்கிணைப்பு, முரண்பட்ட லட்சியங்கள் மற்றும் உள் பலவீனங்கள் போன்ற பிரச்சனைகள் தேசிய முன்னணிக்கு இருந்தது.

ஒரு நேர்காணலில் தேவி லால், வி பி சிங்கை "முதுகெலும்பு இல்லாதவர்" என்று அழைத்தார், இது ஆகஸ்ட் 1, 1990 இல் அவர் பதவி நீக்கம் செய்ய வழிவகுத்தது. ஆனால் விவசாய சமூகங்களின் ஆதரவை அனுபவித்த ஜாட் தலைவருக்கு எந்தத் தள்ளாட்டமும் இல்லை.

ஆகஸ்ட் 15, 1990 அன்று, மண்டல் கமிஷன் அறிக்கையை அமல்படுத்துவதாக சிங் அறிவித்தார், இது அரசு வேலைகளில் பிற்படுத்தப்பட்ட வகுப்பினருக்கு 27% இடஒதுக்கீட்டைப் பரிந்துரைத்தது.

சிங்கின் நோக்கங்களில் ஒன்று, ஜாட் சமூகத்தைச் சேர்ந்த தேவிலாலிடமிருந்து, OBC களை அந்நியப்படுத்துவது. இந்த அறிவிப்பு மாணவர்கள் மற்றும் ஜாட் உள்ளிட்ட குழுக்களின் பரவலான எதிர்ப்புக்கு வழிவகுத்தது.

அக்டோபர் 23, 1990 அன்று, லாலு பிரசாத் யாதவின் ஜனதா தள அரசு, பீகாரின் சமஸ்திபூரில் அத்வானியின் சோம்நாத் முதல் அயோத்தி வரையிலான ரத யாத்திரையை நிறுத்தி, அவரைக் கைது செய்தது. இதனால், மத்திய அரசுக்கு அளித்து வந்த ஆதரவை பாஜக வாபஸ் பெற்றது. சிங் நவம்பர் 7, 1990 அன்று நம்பிக்கை வாக்கெடுப்பில் தோல்வியடைந்தார், மேலும் ராஜினாமா செய்ய வேண்டிய கட்டாயம் ஏற்பட்டது.

சேகர், புதிய சரண்

அடுத்த அரசாங்கத்தை அமைப்பதற்காக, 64 ஜனதா தள எம்.பி.க்கள் சந்திர சேகர் தலைமையில் ஜனதா தளம் (சோசலிஸ்ட்) என்ற புதிய பிரிவை உருவாக்கினர், அவர் நவம்பர் 10, 1990 அன்று பிரதமராக பதவியேற்றார், தேவி லால் துணை பிரதமராக இருந்தார்.

ஜூலை 1979 இல் சரண் சிங்கைப் போலவே, சந்திர சேகரும் வெளியில் இருந்து காங்கிரஸால் ஆதரிக்கப்பட்டார்.

ஆனால் இந்த நிலைமை இயல்பாகவே நிலையற்றதாக இருந்தது- மற்றும் பிரதமர் ராஜீவை உளவு பார்க்கிறார் என்று காங்கிரஸ் குற்றச்சாட்டுகளை முன்வைக்கத் தொடங்கியதும், ஆதரவை வாபஸ் பெறுவது நெருங்கிவிட்டதை சந்திர சேகர் உணர்ந்தார்.

Read in English: V P Singh’s turbulent tenure

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“