எடை இழப்பு மருந்து டைர்செபடைடுக்கு இந்தியா விரைவில் அனுமதிக்கும்; எப்படி செயல்படுகிறது, பக்க விளைவுகள் என்ன?

பல்வேறு எடை இழப்பு மருந்துகளின் வளர்ச்சி சமீபத்திய ஆண்டுகளில், குறிப்பாக அமெரிக்கா மற்றும் ஐரோப்பாவில் உடல் பருமன் சிகிச்சைக்கு ஒரு மாற்றத்தை ஏற்படுத்துபவைகளாக உள்ளது. ஆனால், இந்த மருந்துகள் இன்னும் இந்தியாவில் வணிக ரீதியாக கிடைக்கப்பெறவில்லை, நிலுவையில் உள்ள ஒழுங்குமுறை அனுமதி மற்றும் வெளிநாடுகளில் நிலவும் அதிக தேவை நம் நாட்டிற்கு வருவதை தாமதப்படுத்துகிறது.

ஆங்கிலத்தில் படிக்க: India could soon allow ‘game-changing’ weight-loss drug tirzepatide: How it works, its side effects

ஆனால் இது விரைவில் மாறலாம். கடந்த வாரம், முதன்முறையாக, இந்தியாவின் மருந்துக் கட்டுப்பாட்டாளரின் நிபுணர் குழு, டிர்ஸ்படைடு (ஆண்ட்டி டயாயபட்டிக் மருந்து) என்ற மருந்திற்கு கிரீன் சிக்னல் காட்டியது. இந்த பரிந்துரையின் மதிப்பாய்வுக்குப் பிறகு, மருந்து கட்டுப்பாட்டாளரால் இறுதி ஒப்புதல் அளிக்கப்படும், அதன் உற்பத்தியாளரான எளி லில்லி, இந்திய சந்தையில் தயாரிப்பை வெளியிட அனுமதிக்கும்.

எடை இழப்புக்கான நீரிழிவு மருந்து

2017-ம் ஆண்டில், அமெரிக்க உணவு மற்றும் மருந்து நிர்வாகம் (எஃப்.டி.ஏ) 2-வது வகை நீரிழிவு (டைப் 2) நோயை நிர்வகிக்க டேனிஷ் மருந்து நிறுவனமான நோவோ நோர்டிஸ்கின் ஓஸெம்பிக், செயலில் உள்ள மூலப்பொருள் செமகுளுடைடுடன் ஒப்புதல் அளித்தது. விரைவில், அமெரிக்காவில் உள்ள மருத்துவர்கள் ஒரு சுவாரஸ்யமான பக்க விளைவாக எடை இழப்பைக் கண்டனர்.

அவர்கள் உடல் பருமனுக்கு சிகிச்சையளிக்க ஓசெம்பிக் ஆஃப்-லேபிளை (அனுமதிக்கப்பட்டதை விட வேறு நோக்கத்திற்காக மருந்துகளை பரிந்துரைக்கும் நடைமுறை) பரிந்துரைக்கத் தொடங்கினர். டிக்டாக் மற்றும் இன்ஸ்டாகிராமில் தங்கள் வியத்தகு எடை இழப்பு மாற்றங்கள் பற்றிய பதிவுகளுடன் செல்வாக்கு செலுத்துபவர்களுடன், எல்லா நன்றியும் ஓசெம்பிக்கிற்கு என்று சமூக ஊடகப் பதிவு வெறித்தனமாக தொடர்ந்தது.

இது நோவோ நார்டிஸ்க் நீரிழிவு இல்லாதவர்களுக்கு எடை குறைக்கும் மருந்தாக செமகுளுடைடை ஆராயச் செய்தது. 2021 ஆம் ஆண்டில், இந்நிறுவனம் எஃப்.டி.ஏ - அங்கீகரிக்கப்பட்ட உடல் பருமன் சிகிச்சையாக வெகோவி, செமகுளுடைட் ஊசியை வெளியிட்டது. ஓசெம்பிக் மற்றும் வீகோவிக்கு இடையேயான முக்கிய வேறுபாடு: செமகுளுடைட்டின் அதிகபட்ச அங்கீகரிக்கப்பட்ட டோஸ் ஓசெம்பிக்கை விட வெகோவியுடன் சற்று அதிகமாக உள்ளது. தற்போது, ​​அதிகரித்து வரும் தேவைக்கு மத்தியில் இரண்டு மருந்துகளுக்கும் உலகளாவிய பற்றாக்குறை உள்ளது.

எடை குறைக்கும் மருந்துகள் எவ்வாறு செயல்படுகின்றன எடை இழப்பு மருந்து டைர்செபடைட் (tirzepatide), அமெரிக்க மருந்து நிறுவனமான எளி லில்லியால் செப்பவுண்ட் (Zepbound) என விற்பனை செய்யப்படுகிறது. இது இந்தியாவில் ஒழுங்குமுறை அங்கீகாரத்தைப் பெறுவதற்கான இறுதிக் கட்டத்தில் உள்ளது.

நவம்பர் 2023 இல், மற்றொரு அமெரிக்க மருந்து நிறுவனமான எளி லில்லி, உடல் பருமனுக்கு சிகிச்சையளிக்க செப்பவுண்ட் (Zepbound) என்ற மருந்திற்கு எஃப்.டி.ஏ அனுமதியைப் பெற்றது. இது அதன் டைப் 2 நீரிழிவு மருந்து, மவுஞ்ஜாரோ (Mounjaro) அறிமுகப்படுத்தப்பட்ட ஒரு வருடத்திற்குப் பிறகு வந்தது. ஓசெம்பிக்-கைப் (Ozempic) போலவே, மவுஞ்சாஜாரோவும் பயனர்களிடையே எடை இழப்புக்கு வழிவகுத்தது. மேலும், பரவலான ஆஃப்-லேபிள் பயன்பாட்டைக் காணத் தொடங்கியது. செப்பவுண்ட் மற்றும் மவுஞ்ஜாரோ செயலில் உள்ள மூலப்பொருளாக டைர்செப்டைட் (tirzepatide) உள்ளது. இரண்டுமே உலக சந்தையில் பற்றாக்குறையை எதிர்கொள்கின்றன.

செமகுளுடைடு vs டைர்செப்டைடு

பெரியவர்களில் நாள்பட்ட எடை மேலாண்மைக்காக எஃப்.டி.ஏ வெகோவி (செமகுளுடைடு) மற்றும் செப்பௌண்ட் (டிர்செபடைடு) ஆகியவற்றை அங்கீகரித்துள்ளது. இந்த மருந்துகள் பருமனாக உள்ளவர்களுக்கு (30 க்கும் மேற்பட்ட உடல் நிறை குறியீட்டுடன்), அல்லது அதிக எடை கொண்டவர்களுக்கு (27 மற்றும் 30 க்கு இடைப்பட்ட பி.எம்.ஐ-யுடன்), மற்றும் அவர்களின் எடையுடன் (அதிக ரத்தம் அழுத்தம், அதிக கொழுப்பு, அல்லது வகை 2 நீரிழிவு போன்றவை) குறைந்தது ஒரு உடல்நலக் குறைபாடு உள்ளவர்களுக்கு பரிந்துரைக்கப்படலாம். 

இரண்டும் தோலின் கீழ் ஊசிகளாக நிர்வகிக்கப்படுகின்றன, மேலும் அவை குறைக்கப்பட்ட கலோரி உணவு மற்றும் அதிகரித்த உடல் செயல்பாடு ஆகியவற்றுடன் பயன்படுத்தப்படுகின்றன. மருந்தளவு படிப்படியாக அதிகரிக்கப்பட்டு, செமகுளுடைடுக்கு அதிகபட்சமாக 2.4 மி.கி மற்றும் டைர்செபடைடுக்கு 15 மி.கி. இருப்பினும், முந்தையதை விட பிந்தையது 'வலுவானது' என்று இது அர்த்தப்படுத்துவதில்லை.

எடை இழப்பு மருந்துகள் எப்படி வேலை செய்கின்றன?

செமகுளுடைட் மற்றும் டைர்செபடைடு ஆகியவை பாலிபெப்டைடுகள் ஆகும். இவை உடலில் இயற்கையாக நிகழும் ஹார்மோன்களின் அளவை அதிகரிக்கும் சிறிய புரதங்கள். இதில் குளுகோகன் போன்ற பெப்டைட் 1 (ஜி.எல்.பி-1) போன்றவை மூளை மற்றும் செரிமானப் பாதை வழியாக எடையைக் கட்டுப்படுத்துகின்றன.

குடலில் வெளியிடப்படும் உயர் ஜி.எல்.பி-1 அளவுகள், குடல் செயல்பாட்டை மாற்றும் நியூரான்களைத் தூண்டுவதன் மூலம் ஒரு எதிர்வினையைத் தூண்டி, முழுமை உணர்வுக்கு வழிவகுக்கும். இந்த செயல்முறையானது நரம்பு வழிகளை ஒளிரச் செய்யும் மூளை பொறிமுறையையும் தட்டுகிறது, திருப்தி உணர்வைத் தூண்டுகிறது - திருப்தி மற்றும் போதுமான அளவு சாப்பிட்ட உணர்வு ஏற்படுத்தும்.

அவை குளுக்கோஸ் அளவை நிர்வகிக்க உதவுகின்றன, மேலும் அவை நீரிழிவு நோய்க்கான சிறந்த சிகிச்சையாக அமைகின்றன.

செமகுளுடைட் ஜி.எல்.பி -1 ஏற்றுக்கொள்பவைகளை மட்டுமே குறிவைக்கிறது. மறுபுறம், டைர்செபடைடு இரண்டாவது ஹார்மோனையும் அதிகரிக்கிறது: குளுக்கோஸ் சார்ந்த இன்சுலினோட்ரோபிக் பாலிபெப்டைட் (GIP). ஜி.ஐ.பி மூளை மற்றும் கொழுப்பு செல்களில் உள்ள ஏற்றுக்கொள்பவைகள் மூலம் எடையை ஒழுங்குபடுத்துகிறது. ஜி.எல்.பி-1 மற்றும் ஜி.ஐ.பி-யின் ஒருங்கிணைந்த செயல் ஒன்று மற்றொன்றின் விளைவுகளை மேம்படுத்துவதாக எளி லில்லி கூறுகிறார்.

உலகளாவிய சோதனைகளை உறுதிபடுத்துகிறது

செப்பவுண்டுக்கான (Zepbound) உலகளாவிய சோதனைகள் நம்பிக்கைக்குரிய முடிவுகளை அளித்துள்ளன. மூன்றாம் கட்ட சோதனைகள் 2,539 பங்கேற்பாளர்களை உள்ளடக்கியது, ஒவ்வொன்றும் ஒரு மருந்துப்போலி அல்லது மூன்று டோஸ்களில் 5 மி.கி, 10 மி.கி, அல்லது 15 மி.கி ஒன்றைப் பெறுவதற்கு சீரற்றதாக மாற்றப்பட்டது: 

72 வாரங்களில், 5 மி.கி டோஸ் உள்ளவர்கள் சராசரியாக தங்கள் உடல் எடையில் 15% இழந்தனர், அதே நேரத்தில் 10 மி.கி குழு 19.5% குறைக்கப்பட்டது. 15 மி.கி குழு குறிப்பிடத்தக்க 20.9% எடை குறைப்பை அடைந்தது - இது 75 கிலோ எடையுள்ள ஒருவர் 15 கிலோவுக்கு மேல் எடை குறைவதைக் குறிக்கிறது. சுமார் 91% நபர்கள் 15 மி.கி டோஸில் குறைந்தது 5% எடை இழப்பை அடைந்தனர். முற்றிலும் மாறாக, மருந்துப்போலி குழுவின் சராசரி எடை குறைப்பு 3.1% மட்டுமே.

இந்த நீடித்த எடைக் குறைப்பு அனைத்து முன்கூட்டிய கார்டியோமெடபாலிக் நடவடிக்கைகளிலும் முன்னேற்றங்களுடன் சேர்ந்தது.

இந்தியர்களும் பங்கேற்ற இந்த சோதனைகளின் தரவுகளின் அடிப்படையில் செப்பவுண்ட் இந்தியாவில் ஒழுங்குமுறை அனுமதியைப் பெற்றது. ஆனால், மேற்கூறிய நிபுணர் குழு ஒரு முக்கியமான சோதனையை விதித்துள்ளது - முந்தைய சோதனைகளில் தவறவிட்ட பக்க விளைவுகள் மற்றும் இந்தியாவின் பலதரப்பட்ட மக்களிடையே மருந்தின் செயல்திறன் ஆகியவற்றை ஆய்வு செய்ய நிறுவனம் கட்டம் IV, சந்தைப்படுத்தலுக்குப் பிந்தைய கண்காணிப்பு சோதனையை நடத்த வேண்டும்.

இந்த மருந்தின் சில பக்க விளைவுகள்

நிறுவனம் கூறியுள்ளபடி, செப்பவுண்ட்டின் மிகவும் பொதுவான பக்க விளைவுகளில் குமட்டல், வயிற்றுப்போக்கு, வாந்தி, மலச்சிக்கல், வயிற்று வலி, அஜீரணம், ஊசி போட்ட இடத்தில் எதிர்வினைகள், சோர்வு, ஒவ்வாமை எதிர்வினைகள், ஏப்பம், முடி உதிர்தல் மற்றும் நெஞ்செரிச்சல் ஆகியவை அடங்கும்.

தைராய்டு புற்றுநோய் உட்பட தைராய்டு கட்டிகளின் அபாயத்தை எளி லில்லி குறிப்பாக எடுத்துரைக்கிறது.  “கழுத்தில் கட்டி அல்லது வீக்கம், கரகரப்பு, விழுங்குவதில் சிரமம் அல்லது மூச்சுத் திணறல் போன்ற சாத்தியமான அறிகுறிகளைக் கவனியுங்கள்” என்று உற்பத்தியாளர் கூறுகிறார். தனிநபர்களுக்கோ அல்லது குடும்ப உறுப்பினர்களுக்கோ எப்போதாவது மெடுல்லரி தைராய்டு கார்சினோமா (MTC), ஒரு வகை தைராய்டு புற்றுநோய் அல்லது மல்டிபிள் எண்டோகிரைன் நியோபிளாசியா நோய்க்குறி வகை 2 (MEN 2), நாளமில்லா சுரப்பிகளைப் பாதிக்கும் ஒரு அரிய, பரம்பரைக் கோளாறால் செப்பவுண்ட்-ஐப் பயன்படுத்த முடியாது.

செப்பவுண்ட் மருத்துவரால் பரிந்துரைக்கப்படும் மருந்து. இது ஒப்பனை எடை இழப்புக்கு பயன்படுத்த முடியாது - பயன்படுத்தக் கூடாது.

மருந்து நிறுத்தப்பட்டால் எடை மீண்டும் கூடும்

உடல் பருமன் மருந்துகளும் எடை இழப்புக்கான நிரந்தர அதிசய தீர்வுகள் அல்ல - சோதனைகளின் தரவு, இந்த மருந்துகள் அவற்றின் எடை இழப்பு மற்றும் பிற விளைவுகளுக்கு தொடர்ந்து எடுக்கப்பட வேண்டும் என்பதைக் குறிக்கிறது.

327 பங்கேற்பாளர்களுடன் வெகோவி (Wegovy)-யின் ஸ்டெப் 1 நீட்டிப்பு சோதனையில், 68 வாரங்களுக்கு வெகோவியைப் பயன்படுத்துபவர்கள் குறிப்பிடத்தக்க சராசரி எடை இழப்பை 17.3% அடைந்தனர், இது மருந்துப்போலியில் உள்ளவர்களுக்கு வெறும் 2.0% மட்டுமே. ஆனால், இந்த மருந்தை நிறுத்திய பிறகு, 120 வது வாரத்தில், வெகோவி பயனர்கள் தங்கள் எடையின் பெரும்பகுதியை மீட்டெடுத்தனர் - மருந்துப்போலி குழுவின் 0.1% உடன் ஒப்பிடும்போது சராசரியாக 5.6% மட்டுமே எடை இழப்பைக் கண்டனர். சிகிச்சையின் போது காணப்பட்ட இதயம் மற்றும் வளர்சிதை மாற்ற ஆரோக்கியத்தில் ஏற்பட்ட மேம்பாடுகள் சிகிச்சை நிறுத்தப்பட்டவுடன் அடிப்படை நிலைக்குத் திரும்பும்.

நாளின் முடிவில், உடல் பருமன் என்பது ஒரு சிக்கலான, நாள்பட்ட மற்றும் வளரும் நோயாகும், இது ஒருவரின் வாழ்நாள் முழுவதும் நிர்வகிக்கப்பட வேண்டும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“