Advertisment

வியாழனின் நிலவில் புதிய ஆராய்ச்சி.. என்ன கண்டுபிடிக்கப்பட்டது?

கிரீன்லாந்தின் பனிக்கட்டியின் மேற்பரப்பில் உள்ள ஒரு சிறிய அம்சத்துடன் இந்த வடிவங்கள் மிகவும் ஒத்ததாக இருப்பதை ஆராய்ச்சியாளர்கள் கவனித்தனர்.

author-image
WebDesk
New Update
வியாழனின் நிலவில் புதிய ஆராய்ச்சி.. என்ன கண்டுபிடிக்கப்பட்டது?

அமெரிக்காவின் கலிஃபோர்னியாவில் உள்ள ஸ்டான்போர்ட் பல்கலைக்கழக ஆராய்ச்சியாளர்கள் குழு ஒரு புதிய ஆராய்ச்சியை மேற்கொண்டு ஆய்வறிக்கை வெளியிட்டுள்ளனர்.

Advertisment

இந்த ஆய்வறிக்கை இந்த வார நேச்சர் கம்யூனிகேஷன்ஸ் இதழில் வெளியிடப்பட்டன. தங்கள் புதிய ஆராய்ச்சியில், ஸ்டான்போர்ட் பல்கலைக்கழக ஆராய்ச்சியாளர்கள் குழு, சூரிய குடும்பத்தில் வாழ்வதற்கான சாத்திய கூறுகள் உள்ளதாக கருதப்படும் வியாழன் கோளை சுற்றி வரும் நிலவுகளில் ஒன்றான யூரோபாவில், இரட்டை முகடுகள் எனப்படும் அமைப்புகளுக்கு அடியில் ஏராளமான நீர் இருக்கலாம் என்று கண்டறிந்துள்ளனர்.

யூரோபா, அதன் மேற்பரப்பு பெரும்பாலும் திடமான நீர்க்கட்சிகளை கொண்டுள்ளது. அதன் அடியில் நீர் உள்ளது என்பது ஏற்கனவே அறியப்படுகிறது.

ஐரோப்பாவின் மேற்பரப்பில் இரட்டை முகடுகள் மிகவும் பொதுவானவை ஆகும். கிரீன்லாந்து பனிக்கட்டியில் காணப்படுவது போன்ற வடிவங்கள் தென்பட்டுள்ளன.

யூரோபா பூமியின் நிலவை விட சற்று சிறியது மற்றும் அதன் விட்டம் பூமியின் கால் பகுதி ஆகும். யூரோபா மிகவும் மெல்லிய ஆக்ஸிஜன் வளிமண்டலத்தைக் கொண்டிருந்தாலும், பூமிக்கு அப்பால் வாழ்வதற்கு ஏற்ற இன்றைய சூழல்களைக் கண்டறிய சூரிய குடும்பத்தில் மிகவும் நம்பிக்கைக்குரிய இடங்களில் ஒன்றாகக் கருதப்படுகிறது.

யூரோபாவின் பனிக்கட்டி மேற்பரப்புக்கு அடியில் நீரின் அளவு பூமியை விட இரண்டு மடங்கு அதிகமாக இருப்பதாக நம்பப்படுகிறது.

யூரோபாவின் பனிக்கட்டி 15-25 கிமீ தடிமன் கொண்டதாகவும், 60-150 கிமீ ஆழத்தில் கடலில் மிதந்து வருவதாகவும் விஞ்ஞானிகள் நம்புவதாக நாசா குறிப்பிடுகிறது.

அதன் விட்டம் பூமியை விட குறைவாக இருந்தாலும், யூரோபா பூமியின் அனைத்து கடல்களிலும் உள்ள தண்ணீரை விட இரண்டு மடங்கு அதிகமாக கொண்டிருக்கலாம் என்று தெரிகிறது.

நாசா அதன் Europa Clipper ஐ 2024 இல் வெளியிடும் என்று எதிர்பார்க்கப்படுகிறது.

சமீபத்திய கண்டுபிடிப்புகளின் தாக்கங்கள் என்ன?

பூமியில் உள்ள கிரீன்லாந்து பனிக்கட்டியில் காணப்படும் மேற்பரப்புகள் மற்றும் யூரோபாவின் பனிக்கட்டியில் காணப்படும் மேற்பரப்புகள் போன்ற இரட்டை மேடுக்கு அடியில் உள்ள ஆழமற்ற நீர் அங்கு உயிர் வாழ ஏற்ற இடம் என்பதை உணர்த்துகின்றன.

இரட்டை மேடு அம்சம்

யூரோபா பற்றிய ஆய்வக குழு விளக்கக்காட்சியின் போது ஆய்வு இணை ஆசிரியர்கள் இரட்டை-முகடு அமைப்புகளை கவனித்தனர்.

இதையும் படியுங்கள்: ஒரே நேர்கோட்டில் 4 கோள்கள்

கிரீன்லாந்தின் பனிக்கட்டியின் மேற்பரப்பில் உள்ள ஒரு சிறிய அம்சத்துடன் இந்த வடிவங்கள் மிகவும் ஒத்ததாக இருப்பதை அவர்கள் கவனித்தனர்.

அவர்கள் இதை மேலும் ஆய்வு செய்தபோது, ​​​​கிரீன்லாந்தில் உள்ள இரட்டை-ரிட்ஜ் என்று அழைக்கப்படும் "எம்" வடிவ முகடு, யூரோபாவின் பனிக்கட்டிகளில் காணப்படும் மிக முக்கியமான அம்சமாக இருக்கலாம் என்பதைக் கண்டறிந்தனர்.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Explained
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment