ஆப்பிள் நிறுவனம் திங்கள்கிழமை தனது ஆப்பிள் கார்டுடன் இணைக்கப்பட்ட சேமிப்புக் கணக்கை அறிமுகப்படுத்தியது. இது 4.15 சதவீதம் ஆண்டுக்கு அதிக பலனை அளிக்கும்.
ஆப்பிள் நிறுவனம் சேமிப்புக் கணக்கை வழங்குவதற்காக தொழில்நுட்ப நிறுவனமான கோல்ட்மேன் சாச்ஸுடன் இணைந்துள்ளது. இதற்கு கட்டணம், குறைந்தபட்ச வைப்புத்தொகை மற்றும் குறைந்தபட்ச இருப்பு தொகை வைத்திருக்க வேண்டும் என்ற தேவைகள் எதுவும் தேவையில்லை.
இது என்ன சேமிப்பு கணக்கு?
ஒரு செய்திக்குறிப்பில், பயனர்கள் இந்த கோல்ட்மேன் சாச்ஸ் கணக்கை தொடங்கியவுடன் அவர்கள் தங்கள் ஆப்பிள் கார்டில் சம்பாதிக்கும் அனைத்து தினசரி பணமும் அதில் டெபாசிட் செய்யப்பட்டு வட்டி கிடைக்கும் என்று ஆப்பிள் தெரிவித்துள்ளது. ஆப்பிள் கார்டு எதையாவது வாங்கப் பயன்படுத்தும்போது ‘தினசரி பணம்’ கிடைக்கும் என்று தெரிவித்துள்ளது.
ஆப்பிள் நிறுவனம் குறிப்பிட்டுள்ளபடி, “நீங்கள் ஆப்பிள் கார்டு மூலம் எதையாவது வாங்கும்போது, நீங்கள் வாங்கியதில் ஒரு சதவீதத்தை டெய்லி கேஷில் திரும்பப் பெறுவீர்கள். நீங்கள் தினசரி எவ்வளவு பணம் பெறலாம் என்பதற்கு வரம்பு இல்லை.” என்று குறிப்பிட்டுள்ளது.
ஒரு பயனர் டெய்லி கேஷ் இந்தக் கணக்கிற்குச் செல்ல விரும்பவில்லை என்றால், அவர்கள் இலக்கை மாற்றலாம். அவர்கள் அதில் அதிக பணத்தையும் சேர்க்கலாம்.
“தங்கள் சேமிப்பை மேலும் கட்டியெழுப்ப, பயனர்கள் தங்கள் சேமிப்புக் கணக்கில் இணைக்கப்பட்ட வங்கிக் கணக்கு மூலமாகவோ அல்லது அவர்களின் ஆப்பிள் பண இருப்பு மூலமாகவோ கூடுதல் நிதியை டெபாசிட் செய்யலாம்” என்று ஆப்பிள் வெளியிட்டுள்ள செய்திக்குறிப்பு தெரிவித்துள்ளது.
ஆப்பிள் பே மற்றும் ஆப்பிள் வாலட்டின் ஆப்பிளின் துணைத் தலைவர் ஜெனிபர் பெய்லி வெளியிட்டுள்ள செய்திக்குறிப்பில், “பயனர்கள் ஆரோக்கியமான நிதி வாழ்க்கையை நடத்த உதவும் கருவிகளை உருவாக்குவதும், வாலட்டில் ஆப்பிள் கார்டில் சேமிப்பை உருவாக்குவதும், செலவு செய்யவும், அனுப்பவும், தினசரி பணத்தை நேரடியாகவும் தடையின்றியும் சேமிக்கவும் – அனைத்தும் ஒரே இடத்தில் இருந்து கிடைக்கும்” என்று குறிப்பிட்டுள்ளார்.
இந்தக் கணக்கிலிருந்து பணத்தை எடுப்பது எப்படி?
“பயனர்கள் வாலட்டை பயன்படுத்த எளிதான சேமிப்பு டாஷ்போர்டை அணுகலாம். அதில் அவர்கள் தங்கள் கணக்கு இருப்பு மற்றும் காலப்போக்கில் சம்பாதித்த வட்டியை கண்காணிக்க முடியும். எந்தவொரு கட்டணமும் இன்றி, இணைக்கப்பட்ட வங்கிக் கணக்கு அல்லது ஆப்பிள் கேஷ் கார்டுக்கு மாற்றுவதன் மூலம், சேவிங்ஸ் டாஷ்போர்டு மூலம் எந்த நேரத்திலும் பயனர்கள் பணத்தை எடுக்கலாம்” என்று அந்த செய்திக் குறிப்பு கூறுகிறது.
ஆப்பிள் நடவடிக்கையின் முக்கியத்துவம் என்ன?
ஆப்பிள் தனது சேமிப்புக் கணக்கில் 4.15 சதவீதம் ஆண்டுக்கு அதிக பலனை வழங்குகிறது. இது மிகவும் அதிகமாக உள்ளது. இது மற்ற வங்கிகளுக்கு போட்டியை ஏற்படுத்தும். ஆப்பிள் செய்திக் குறிப்புகளின்படி, அதன் வட்டி விகிதம் அமெரிக்காவின் தேசிய சராசரியைவிட 10 மடங்கு அதிகமாக உள்ளது.
சி.என்.பி.சி செய்தி நிறுவனம் வெளியிட்டுள்ள செய்திப்படி, பெடரல் டெபாசிட் இன்சூரன்ஸ் கார்ப்பரேஷனின் தரவுகளின்படி, அமெரிக்காவில் சேமிப்புக் கணக்குகளின் தேசிய சராசரி ஆண்டு வட்டி விகித பலன் 0.35% ஆகும். இருப்பினும், அதே செய்தியில், “பெரிய கடன் சங்கங்கள், ஆன்லைன் வங்கிகள் மற்றும் பிரிக் அண்ட் மோர்டர் வங்கிகளால் வழங்கப்படும் போட்டியிடும் சேமிப்புக் கணக்குகள் வாடிக்கையாளர்களுக்கு குறிப்பிடத்தக்க ஆண்டு பலனை அதிகமாக வழங்க முடியும்” என்று கூறுகிறது.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“
