![Madal Virupakshappa, Karnataka BJP MLA corruption, pre arrest bail, anticipatory bail, Indian Express, Current Affairs](https://img-cdn.thepublive.com/fit-in/1280x960/filters:format(webp)/tamil-ie/media/media_files/uploads/2023/03/Karnataka-politics.jpg)
கர்நாடக பா.ஜ.க எம்.எல்.ஏ மடல் விருபாக்ஷப்பாவுக்கு உயர்நீதிமன்றம் முன் ஜாமீன் வழங்கியதை எதிர்த்து மாநில லோக் ஆயுக்தா உச்ச நீதிமன்றத்தில் வழக்கு தொடர்ந்தது. முன் ஜாமீன் என்றால் என்ன, முன் ஜாமீன் எப்போது வழங்க முடியும்?
பொதுத்துறை நிறுவனமான கர்நாடகா சோப்ஸ் அண்ட் டிடர்ஜென்ட்ஸ் லிமிடெட் (KSDL) தலைவராகவும் பணியாற்றியவரும் பா.ஜ.க எம்.எல்.ஏ-வுமான மடல் விருபாக்ஷப்பாவுக்கு கர்நாடக உயர்நீதிமன்றம் முன் ஜாமீன் வழங்கியதை எதிர்த்து, அரசு ஊழியர்களுக்கு எதிரான ஊழல் புகார்களை விசாரிக்கும் அதிகாரம் பெற்ற மாநில அமைப்பான கர்நாடகா லோக்ஆயுக்தா தாக்கல் செய்த மனுவை உச்ச நீதிமன்றம் விசாரிக்க செவ்வாய்க்கிழமை (மார்ச் 14) ஒப்புக்கொண்டது.
இந்த விவகாரம் உச்ச நீதிமன்றத்துக்கு எப்படி வந்தது?
பெங்களூருவில் உள்ள சிவில் நீதிமன்றத்தை மார்ச் 6-ம் தேதி அணுகிய விருபாக்ஷப்பா, ஊழல் வழக்கில், அவதூறான ஊடக செய்திகளை வெளியிடுவதற்கு 45 ஊடகங்களுக்கு எதிராக தற்காலிகத் தடையைப் பெற்றார்.
இதைத் தொடர்ந்து, ஒரு நாள் கழித்து பாஜ.க எம்.எல்.ஏ எம்.எல்.ஏ. முன் ஜாமீன் அல்லது கைது செய்யப்படுவதற்கு முன் பினை வழங்குமாறு கர்நாடக உயர் நீதிமன்றத்தில் மனு தாக்கல் செய்தார். இதில், எம்.எல்.ஏ விசாரணைக்கு ஒத்துழைக்கு வேண்டும் எனக் கூறி நீதிபதி கே. நடராஜன் முன் ஜாமீன் வழங்கினார்.
இதையடுத்து, விருபாக்ஷப்பாவுக்கு முன்ஜாமீன் வழங்கிய கர்நாடக உயர்நீதிமன்றத்தின் தீர்ப்பை எதிர்த்து கர்நாடக லோக் ஆயுக்தா உச்ச நீதிமன்றத்தில் மேல்முறையீடு செய்தது.
கைது செய்யப்படுவதறு முன் பினை என்றால் என்ன?
பிளாக்ஸ் சட்ட அகராதி (பிளாக்'ஸ் லா டிக்ஷனரி) 'ஜாமீன்' என்பது "ஒரு நபரை சட்டப்பூர்வ காவலில் இருந்து விடுவிப்பதாக விவரிக்கிறது. அவர் நியமிக்கப்பட்ட நேரத்தில் மற்றும் இடத்தில் ஆஜராகி, நீதிமன்றத்தின் அதிகார வரம்பு மற்றும் தீர்ப்புக்கு ஆஜராக வேண்டும் என்று உறுதியளிப்பது என்று கூறுகிறது.
இந்தியச் சட்டங்களில் "ஜாமீன்" என்பது வெளிப்படையாக வரையறுக்கப்படவில்லை என்றாலும், குற்றவியல் நடைமுறைச் சட்டம் (சி.ஆர்.பி.சி) ஜாமீனில் வெளிவரக்கூடிய மற்றும் ஜாமீனில் வெளிவர முடியாத குற்றங்களுக்கு இடையில் வேறுபடுகிறது. இது மூன்று வகையான ஜாமீன்களை வரையறுக்கிறது - பிரிவு 437 மற்றும் 439-ன் கீழ் வழக்கமான ஜாமீன்; வழக்கமான அல்லது முன்ஜாமீன் விண்ணப்பம் நீதிமன்றத்தில் நிலுவையில் இருக்கும் போது வழங்கப்படும் இடைக்கால ஜாமீன் அல்லது குறுகிய கால ஜாமீன்; மற்றும் முன்கூட்டிய அல்லது கைது செய்யபடுவதற்கு முன் வழங்கப்படுவது முன் ஜாமீன்.
1969 ஆம் ஆண்டு 41வது சட்டக் கமிஷன் அறிக்கையின்படி, ஒருவரின் தனிப்பட்ட சுதந்திரத்தை தன்னிச்சையாக மீறுவதிலிருந்து பாதுகாக்கும் நடவடிக்கையின் அவசியத்தை சி.ஆர்.பி.சி-யின் 438வது பிரிவின் கீழ் முன்ஜாமீன் வழங்குவதற்கான ஏற்பாடு அறிமுகப்படுத்தப்பட்டது.
முன்கூட்டியே பிணை எப்போது வழங்கப்படுகிறது?
ஜாமீனில் வெளிவர முடியாத குற்றத்தைச் செய்த குற்றச்சாட்டின் பேரில் அவர் கைது செய்யப்படலாம் என்று எந்த நபரும் நம்புவதற்கு காரணம் இருந்தால், பிரிவு 438-ன் கீழ் முன்ஜாமீன் வழங்கப்படலாம். உண்மையான கைது நடக்காவிட்டாலும் அல்லது எப்.ஐ.ஆர் பதிவு செய்யப்படாவிட்டாலும் கூட, கைது செய்யப்படுவார் என்று எதிர்பார்க்கப்படும் ஜாமீனில் வெளிவர முடியாத குற்றங்களுக்கு இந்தப் பிரிவின் கீழ் உயர்நீதிமன்றம் அல்லது செஷன்ஸ் நீதிமன்றத்தால் முன் கூட்டியே பிணை வழங்க முடியும். ஜாமீனில் வெளிவர முடியாத குற்றங்கள் மிகவும் கடுமையான குற்றங்களாகும், குறைந்தபட்சம் மூன்று ஆண்டுகள் சிறைத்தண்டனை மற்றும் அதற்கு மேல் தண்டனை விதிக்கப்படும்.
பிரிவு 438 2005-ம் ஆண்டு திருத்தப்பட்டது, அதைத் தொடர்ந்து குற்றம் சாட்டப்பட்டவர் தப்பிச் செல்ல வாய்ப்புள்ளதா, வழக்கமான குற்றவாளியா அல்லது அவரது முன்னோடிகளுடன் ஆதாரங்களை சிதைக்க வாய்ப்புள்ளதா போன்ற துணைப்பிரிவின் கீழ் முன்ஜாமீன் வழங்குவதற்கான கொள்கைகளை வகுத்தது. முன்னதாகவே குற்றம் செய்யப்படலாம் என அறிந்து கைது செய்யப்பட்டதைப் போன்றது.
இருப்பினும், சி.ஆர்.பி.சி-யின் சில விதிகளை திருத்துவதற்கு மாநில சட்டமன்றங்களுக்கு அதிகாரம் உள்ளதால், மகாராஷ்டிரா, ஒடிசா மற்றும் மேற்கு வங்கம் ஆகியவை பிரிவு 438-ஐ திருத்தி பின்பற்றுகின்றன.
உத்தரப்பிரதேசம் மற்றும் உத்தரகாண்ட் ஆகியவை அவசரநிலையின் போது சி.ஆர்.பி.சி (உ.பி திருத்தம்) மசோதா 1976 மூலம் முன்ஜாமீனை நீக்கியது. இருப்பினும், 2019-ம் ஆண்டில், அப்போதைய குடியரசுத் தலைவர் ராம்நாத் கோவிந்த் சி.ஆர்.பி.சி (உத்தரப் பிரதேசத் திருத்தம்) மசோதா 2018-க்கு ஒப்புதல் அளித்த பிறகு, இது மீண்டும் அறிமுகப்படுத்தப்பட்டது. அதேபோல், 2019-ல், உத்தரகாண்ட் சட்டமன்றம் சி.ஆர்.பி.சி பிரிவு 438-ஐ புதுப்பிக்கக் கோரி ஒரு திருத்த மசோதாவை நிறைவேற்றியது.
முன்ஜாமீன் வழங்குவதற்கான நிபந்தனைகள் என்ன?
முன்ஜாமீன் வழங்கும் போது, செஷன்ஸ் நீதிமன்றம் அல்லது உயர்நீதிமன்றம் துணைப்பிரிவு (2)-ல் குறிப்பிடப்பட்டுள்ள நிபந்தனைகளை விதிக்கலாம்.
(i) அந்த நபர், அழைக்கும்போது, ஒரு போலீஸ் அதிகாரியின் விசாரணைக்கு ஆஜராக வேண்டும்.
(ii) வழக்கின் உண்மைகளை அறிந்த எந்தவொரு நபருக்கும் நேரடியாகவோ அல்லது மறைமுகமாகவோ எந்தவொரு தூண்டுதலையோ, அச்சுறுத்தலையோ அல்லது வாக்குறுதியையோ, நீதிமன்றத்திற்கோ அல்லது காவல்துறையிலோ வெளிப்படுத்துவதிலிருந்து அவரைத் தடுக்கக் கூடாது.
(iii) நீதிமன்றத்தின் முன் அனுமதியின்றி அந்த நபர் இந்தியாவை விட்டு வெளியேறக்கூடாது.
(iv) இந்தப் பிரிவின் கீழ் ஜாமீன் வழங்கப்பட்டதைப் போல பிரிவு 437-ன் துணைப் பிரிவு (3)-ன் கீழ் இதுபோன்ற பிற நிபந்தனைகள் விதிக்கப்படலாம்.
எம்.எல்.ஏ மீது லோக்ஆயுக்தா நடவடிக்கை எடுக்கக் கோருவது ஏன்?
கர்நாடக சட்டப்பேரவைத் தேர்தலுக்கு முன்னதாக, பாஜக எம்எல்ஏ மதல் விருபாக்ஷப்பாவின் அலுவலகம் மற்றும் அவரது மகன் பிரசாந்த் மடலின் வீட்டில் இருந்து ரூ.8 கோடிக்கும் அதிகமான கணக்கில் வராத பணத்தை லோக் ஆயுக்தா மார்ச் 3-ம் தேதி பறிமுதல் செய்தது. இதைத் தொடர்ந்து, ஊழல் தடுப்புச் சட்டத்தின் பிரிவு 7 (ஏ) (அதிகாரப்பூர்வச் செயலுக்கான சட்டப்பூர்வ ஊதியத்தைத் தவிர மற்ற பலனைப் பெறும் அரசு ஊழியர்) இன் கீழ் பதிவு செய்யப்பட்ட லஞ்ச வழக்கில் இருவர் மீதும் குற்றம் சாட்டப்பட்டது.
கே.எஸ்.டி.எல்-க்கு மூலப்பொருட்களை வழங்குவதற்கான டெண்டரைப் பெறுவதற்காக மார்ச் 2-ம் தேதி தனது தந்தையின் சார்பாக 41 லட்சம் ரூபாய் லஞ்சம் வாங்கியதாக பா.ஜ.க எம்.எல்.ஏ மகன் கையும் களவுமாக பிடிபட்டதை அடுத்து இந்த சோதனைகள் நடந்தன.
"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil"
Stay updated with the latest news headlines and all the latest Lifestyle news. Download Indian Express Tamil App - Android or iOS.