News about Salt Bae, FIFA World Cup in tamil: கடந்த டிசம்பர் 18 அன்று, அர்ஜென்டினாவின் உலகக் கோப்பைக்கு பிந்தைய வெற்றிக் கொண்டாட்டத்தின் போது துருக்கி 'செஃப்' சால்ட் பே லுசைல் ஸ்டேடியத்தில் களத்தில் காணப்பட்டார். வீரர்களின் கொண்டாட்டங்களில் அவர் குறுக்கிடுவதை உணர்ந்த பல பார்வையாளர்களால் அவர் பற்றி மிகவும் விமர்சிக்கப்பட்டது. அதன் காரணமாக, அர்ஜென்டினா அணியில் குறிப்பாக கேப்டன் லியோனல் மெஸ்ஸி எரிச்சலடைந்தார்.
இந்நிலையில், துருக்கி 'செஃப்' சால்ட் பே மீது ஃபிஃபா நடவடிக்கை எடுத்துள்ளது. அதன் சமீபத்திய அறிக்கையில், “ஒரு மதிப்பாய்வைத் தொடர்ந்து, டிசம்பர் 18 அன்று லுசைல் மைதானத்தில் நிறைவு விழாவிற்குப் பிறகு தனிநபர்கள் எவ்வாறு ஆடுகளத்திற்கு தேவையற்ற அணுகலைப் பெற்றனர் என்பது ஃபிஃபா உரிய நடவடிக்கை எடுக்கும்” என்று குறிப்பிட்டு இருந்தது.
இந்த நிலையில், சால்ட் பே யார் என்பதையும் அவரது மீறல்கள் ரசிகர்களையும் ஃபிஃபாவையும் ஏன் கவனம் ஈர்த்தது என்பது பற்றியும் 'இந்தியன் எக்ஸ்பிரஸ்' அறிய முயல்கிறது.
சால்ட் பே யார்?
நுஸ்ரெட் கோக்சே அல்லது சால்ட் பே என்பது துருக்கியில் கறிக்கடை வைத்திருப்பவர். அவர் சமையல்காரராகவும் (செஃப்), உணவு பொழுதுபோக்கு மற்றும் உணவகக்காரராகவும் அறியப்படுகிறார். கடந்த ஜனவரி 2017ல் அவரது தனித்துவமான சுவையூட்டும் ஸ்டீக் உணவு சமூக ஊடகத்தில் வைரலானது. அது முதல் அவர் உணவு பிரபலமாக உருவெடுத்தார். அவரது உணவகத்தின் ட்விட்டர் கணக்கில் உள்ள வீடியோக்களில், கோக்சே ஸ்டைலாக மாமிசத்தை வெட்டுவதைக் காணலாம். அவரது விரல் நுனியில் இருந்து முன்கைக்கு உப்பைக் கீழே இறக்கி, பின்னர் டிஷ் மீது தூவும் அவரது கண்ணைக் கவரும் பாணி அவருக்கு "சால்ட் பே" என்ற பெயரைப் பெற்றுத் தந்தது. மேலும் அவரை ஒரு வைரல் மீம்ஸ் ஆகவும் மாற்றியது.
தற்போது சால்ட் பே நஸ்ர்-எட் என்ற ஆடம்பர ஸ்டீக்ஹவுஸ் ஒன்றை நடத்தி வருகிறார். இந்த கடையின் கிளை துருக்கி, கிரீஸ், யுனைடெட் ஸ்டேட்ஸ் (அமெரிக்கா), யுனைடெட் கிங்டம் (இங்கிலாந்து), ஐக்கிய அரபு எமிரேட்ஸ் (அரபு நாடுகள்), கத்தார் மற்றும் சவுதி அரேபியா என பல நாடுகளில் உள்ளது. அவரது உணவக சங்கிலியின் பெயர் அவரது சொந்த பெயரிலிருந்து வந்தது மற்றும் "எட்" என்றால் துருக்கிய மொழியில் "இறைச்சி" என்று பொருள்படும்.
ஒரு வைரல் செஃப் ஆக மாறியதிலிருந்து, சால்ட் பேயின் வளர்ச்சி விண்ணை முட்டும் அளவிற்கு உயர்ந்துள்ளது. இன்று அவர் பிரபலமான பிரபலங்களுக்கு உணவு தயார் செய்து கொடுத்தாலும், பல உணவு விமர்சகர்கள் அவரது உணவுகள் "அதிக விலை" என்று கூறுகிறார்கள். இதனால் அவரது உணவகம் அடிக்கடி எதிர்மறையான விமர்சனங்களைப் பெற்று வருகிறது.
சால்ட் பேக்கும் கால்பந்துக்கும் என்ன தொடர்பு?
நஸ்ர்-எட் என்ற அவரது உணவகத்திற்கு பல பிரபலங்கள் அடிக்கடி வருகை தந்து வருகின்றனர். அவ்வகையில் பிரபல கால்பந்து வீரர்கள் சால்ட் பேயின் மிகவும் பிரத்யேக வாடிக்கையாளர்களாக உள்ளனர். கரீம் பென்சிமா, கிறிஸ்டியானோ ரொனால்டோ, ஜெரார்ட் பிக், லியோனல் மெஸ்ஸி மற்றும் டேவிட் பெக்காம் போன்ற வீரர்கள் சால்ட் பேயின் ஸ்டீக்ஹவுஸில் சாப்பிட்ட ஒரு சில நட்சத்திர வீரர்கள். ஃபிஃபா தலைவர் கியானி இன்ஃபான்டினோ கூட கடந்த ஜனவரி 2021ல் துபாயில் உள்ள அவரது உணவகங்களில் ஒன்றிற்குச் சென்றார். அங்கு அவர் சால்ட் பேவுடன் அவரது சுவையூட்டும் வர்த்தக முத்திரையான உப்பு-மசாலா போஸை சாப்பிட்டார்.
கடந்த 2018 ஆம் ஆண்டில், நஸ்ர்-எட், மறைந்த ஜாம்பவான் டியாகோ மரடோனாவின் வீடியோவைப் பகிர்ந்து இருந்தார். அதில் சால்ட் பே அவருக்கு இறைச்சியை பரிமாறும்போது மிகவும் உணர்ச்சிவசப்பட்டார்.
சால்ட் பே தானும் கடந்த காலத்தில் ஒரு கால்பந்து ரசிகராக இருந்ததாகவும், இந்த ஆண்டு கத்தாரில் விளையாட்டுகளைப் பார்க்க இருப்பதாகவும் அவரே ஒருமுறை கூறியிருந்தார்.
இறுதிப் போட்டியில் சால்ட் பே சரியாக என்ன செய்தார்?
இறுதிப் போட்டிக்குப் பிறகு, சால்ட் பே ஆடுகளத்திற்குள் சென்றார், அங்கு அர்ஜெடினா வீரர்கள் தங்கள் கோப்பைகள் மற்றும் பதக்கங்களுடன் கொண்டாடி மகிழ்ந்து கொண்டு இருந்தனர். அப்போது அவர் பல்வேறு வீரர்களிடம் சென்று அவர்களின் தெளிவான எரிச்சலையும் மீறி புகைப்படங்களை கிளிக் செய்ய முயன்றார். மேலும், அவர் ஃபிஃபா உலகக் கோப்பையை தனது கையில் வைத்துக்கொண்டு, அதனுடன் தனது வர்த்தக முத்திரையான உப்பு தூவி போஸ் கொடுத்தார்.
இதேபோல், சீற்றத்துடன், ரிசர்வ் கோல்கீப்பர் பிராங்கோ அர்மானிக்கு வழங்கப்பட்ட வெற்றியாளரின் பதக்கத்தை சால்ட் பே கடித்தார். மெஸ்ஸி கோகேயின் வெட்கக்கேடுகளைப் புறக்கணிக்க முயன்றபோது, அவர் கூட இறுதியாக அந்த மனிதனைக் கட்டாயப்படுத்த வேண்டியிருந்தது.
சால்ட் பேயின் இந்த செயல்கள் ரசிகர்களிடமிருந்து நிறைய விமர்சனங்களை கொண்டு வந்தது. ஒரு ரசிகர் தனது ட்வீட் பதிவில், சால்ட் பேயின் கவனத்தை ஈர்க்கும் தந்திரங்களைக் குறிப்பிடும் வகையில், "ஃபைல் அண்டர் கிரிஞ் என்று குறிப்பிட்டு இருந்தார்.
மற்றொரு நபர் தனது ட்விட்டர் பதிவில், “இது அபத்தமானது! அவருக்கு மரியாதை இல்லையா? சால்ட் பே ஒரு வீரரா? ஒரு பயிற்சியாளரா? அல்லது அணியின் ஆதரவு ஊழியர்களில் ஒருவரா? அவர்களின் ஏதேனும் ஒரு குடும்ப உறுப்பினரா? அல்லது ஒரு மாநிலத் தலைவரா? உலகக் கோப்பையைத் தொட்டுப் பிடிக்கும் உரிமையை அவர் எப்படி பெற்றார்? என்று கேள்விகளை எழுப்பி ட்வீட் செய்தார்.
சால்ட் பே தனது அவமரியாதை நடத்தைக்காக ரசிகர்களை கோபப்படுத்துவது இது முதல் முறை அல்ல. கடந்த 2018ல், சாம்பியன்ஸ் லீக் இறுதிப் போட்டிக்குப் பிறகு காயமடைந்த மோ சலாவுடன் அவர் புகைப்படம் எடுத்து ரசிகர்களை கடுப்பேத்தி இருந்தார்.
களத்திற்குள் நுழைவது மற்றும் கோப்பையை தொடுவது தொடர்பான ஃபிஃபாவின் விதிகள் என்ன?
ஃபிஃபா விதிகள் முடிந்தவரை வீரர்களுக்கு தனியுரிமையை வழங்க முயற்சிக்கின்றன. மேலும், அவர்கள் உலகக் கோப்பை கோப்பையை கிரகத்தின் மிகவும் பிரத்யேகமான வெள்ளிப் பாத்திரமாகக் கருதுகின்றனர். வெகு சிலரே விரும்பப்படும் பரிசைத் தொடக்கூட அனுமதிக்கப்படுகிறார்கள்.
ஃபிஃபாவின் வலைத்தளத்தின்படி: "உலகின் மிகவும் அங்கீகரிக்கப்பட்ட விளையாட்டு சின்னங்களில் ஒன்றாகவும், விலைமதிப்பற்ற ஐகானாகவும், அசல் ஃபிஃபா உலகக் கோப்பை கோப்பையை மிகவும் தேர்ந்தெடுக்கப்பட்ட குழுவினரால் மட்டுமே தொட்டுப் பார்க்க முடியும். இதில் முன்னாள் வெற்றியாளர்களும் அடங்குவர்.
சால்ட் பே ஆடுகளத்தில் நுழைந்தற்கு வழிவகுத்த சூழ்நிலைகள் குறித்து ஃபிஃபா இப்போது விசாரணையை நடத்தி வருகிறது. இதற்கு முன், 2014ல், இதே போன்ற காரணங்களுக்காக, பாப் இசை பிரபலம் ரிஹானா பெரும் சிக்கலில் சிக்கினார்.
முன்பு இதேபோன்ற விதிமீறல் காரணமாக, சால்ட் பே அமெரிக்காவின் பழமையான மற்றும் மதிப்புமிக்க கால்பந்து போட்டிகளில் ஒன்றான 2023 அமெரிக்க ஓபன் கோப்பையில் இருந்து தடை செய்யப்பட்டார் என்பது குறிப்பிடத்தக்கது.
தமிழ் இந்தியன் எக்ஸ்பிரஸின் அனைத்துசெய்திகளையும்உடனுக்குடன் டெலிகிராம் ஆப்பில் பெறhttps://t.me/ietamil
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2022/12/tamil-indian-express-2022-12-24T121049.446.jpg)