தெலங்கானா உடன் வருவாய் இடைவெளி, நாயுடு அளித்த வாக்குறுதிகளுக்கு நிதி: ஆந்திரா புதிய மதுக் கொள்கையை கொண்டு வந்தது ஏன்?

அக்டோபர் 1-ம் தேதி அறிவிக்கப்பட்ட ஆந்திரப் பிரதேசத்தின் புதிய கலால் கொள்கை, தனியார் சில்லறை விற்பனையாளர்களை மதுபானம் விற்க அனுமதித்தது, மது வருவாயைக் குறைப்பதையும், ஆட்சிக்கு வருவதற்கு முன்பு முதல்வர் சந்திரபாபு நாயுடு வாக்குறுதியளித்த ஆறு நலத் திட்டங்களை நிறைவேற்றும் வகையில் கருவூலத்தில் நிதியைப் பராமரிப்பதையும் நோக்கமாகக் கொண்டது.

கடந்த சில ஆண்டுகளாக ஆந்திரப் பிரதேசம் மதுபான வருவாயில் பெரும் பகுதியை இழந்து வருவதாக கலால் துறையின் ஸ்டாக்டேக்கிங்கில் தெரியவந்துள்ளது.

2014 மற்றும் 2019-க்கு இடையில், மதுபான விற்பனையின் அடிப்படையில் தெலுங்கானா மற்றும் ஆந்திரா இடையே வருவாய் இடைவெளி 4,186 கோடி ரூபாயாக இருந்தது. 2014ல் ஆந்திராவை பிரித்து தெலங்கானா உருவாக்கப்பட்டது.

மாநிலம்  பிரிந்த பிறகு சந்திரபாபு நாயுடு முதல்வரானார் என்பது குறிப்பிடத்தக்கது. 2019-24 ஆம் ஆண்டு முதல், ஒய் எஸ் ஜெகன் மோகன் ரெட்டி முதல்வராக இருந்தபோது, ​​மது அருந்துவதைக் குறைக்கும் முயற்சியில், மாநில அரசு மது வணிகத்தை மேற்கொண்டது, இது எதிர்பார்த்த பலனைத் தரவில்லை.

இருப்பினும், 2019 முதல் 2024 வரை, இரு மாநிலங்களுக்கு இடையேயான கலால் வருவாய் வித்தியாசம் கிட்டத்தட்ட 10 மடங்கு அதிகரித்து 42,762 கோடி ரூபாயாக உயர்ந்துள்ளது என்று கலால் துறை அதிகாரி ஒருவர் தெரிவித்தார். 2024-26 கலால் கொள்கையை உருவாக்க ஆந்திரப் பிரதேசம் முடிவு செய்த காரணிகளில் இதுவும் ஒன்று.

இதன் மூலம் கிடைக்கும் வருவாய் ஆந்திராவில் உள்ள நலத் திட்டங்களுக்கு நிதியளிக்கும் என அரசாங்க வட்டாரம் தெரிவித்துள்ளது. மதுபானக் கொள்கையை தளர்த்துவதன் மூலம் தெலங்கானா மற்றும் ஹரியானா போன்ற மாநிலங்கள் ஈட்டும் வருவாயுடன் இணையும் என எதிர்பார்க்கப்படுகிறது.

கலால் துறை அதிகாரி கூறுகையில், “2014-19 மதுக் கொள்கையை நாங்கள் தொடர்ந்திருந்தால் கூட, அரசுக்கு 18,860 கோடி ரூபாய் கூடுதலாக வருவாய் கிடைத்திருக்கும். ஆனால் புதிய மதுக் கொள்கை அடுத்த இரண்டு ஆண்டுகளில் தெலங்கானாவின் வருவாயுடன் ஒத்துப்போவதை உறுதி செய்யும்.

ஆங்கிலத்தில் படிக்க:     Why Andhra came up with new liquor policy: Widening revenue gap with Telangana, funding welfare schemes promised by Naidu

மேலும், அரசு மதுபானங்களை விற்பனை செய்வதால், விண்ணப்பம் மற்றும் உரிமக் கட்டணம் மூலம் வருவாய் ஈட்ட முடியவில்லை. புதிய மதுபானக் கொள்கையின் மூலம், விண்ணப்பக் கட்டணமாக 1,800 கோடி ரூபாயும், உரிமக் கட்டணமாக 2,000 கோடி ரூபாயும் ஏற்கனவே வசூலித்துள்ளோம்,” என்று கலால் துறை அதிகாரி ஒருவர் தெரிவித்தார்.

மக்கள் கலப்பட மதுபானங்களுக்குத் திரும்புவதைத் தடுக்க, குறைந்த விலை பிராண்டுகளை அறிமுகப்படுத்தவும் - கொள்கையின்படி கால் பாட்டில் ரூ. 99-க்கு விற்பனை செய்ய அரசு முடிவு செய்துள்ளது. விலையுயர்ந்த பிராண்டுகளுக்கு, மதுபான மால்களை அனுமதிக்க அரசு முடிவு செய்துள்ளது. இந்த மாதிரியை, ஹரியானா உட்பட பல மாநிலங்கள் ஏற்றுக்கொண்டதாக, கலால் துறை அதிகாரி ஒருவர் தெரிவித்தார்.