பிரைம் டே விற்பனையை அமேசான் உருவாக்கியது ஏன்?

Rishika Singh

இந்தியாவில் இ-காமர்ஸ் பெரு நிறுவனமான அமேசானின் பிரைம் டே (Amazon Prime Day) விற்பனை ஜூலை 20 ஆம் தேதி தொடங்கி, ஜூலை 21 ஆம் தேதி இரவு 11.59 மணிக்கு முடிவடையும். இதில் அமேசான் ப்ரைம் மெம்பர்ஷிப் உள்ளவர்களுக்கு பல்வேறு தயாரிப்புகளில் தள்ளுபடிகள் மற்றும் சலுகைகள் கிடைக்கும்.

ஆங்கிலத்தில் படிக்க:

பிரைம் டே மூலம் கிடைத்த வருவாய் புள்ளிவிவரங்களை அமேசான் வெளியிடவில்லை என்றாலும், ஆன்லைன் விற்பனை கண்காணிப்பாளர் அடோப் அனலிட்டிக்ஸ், அமெரிக்கா மற்றும் இங்கிலாந்து போன்ற நாடுகளில் பிரைம் டே சலுகை வழங்கப்பட்ட, கடந்த செவ்வாய் மற்றும் புதன்கிழமைகளில் வாடிக்கையாளர்கள் $14.2 பில்லியன் அளவிற்கு பொருட்களை வாங்கியுள்ளதாக கூறியது.

இந்த ஆண்டு, ஆஸ்திரேலியா, பிரான்ஸ், ஜெர்மனி, இந்தியா, ஜப்பான், சவுதி அரேபியா மற்றும் சிங்கப்பூர் உட்பட 20 நாடுகளில் பிரைம் டே இருக்கும்.

அமேசான் நிறுவனம் எட்டு ஆண்டுகளுக்கு முன்பு பிரைம் டே விற்பனை நிகழ்வை அறிமுகப்படுத்தியது ஏன், அது எப்படி இருந்தது? சலுகைகள் மதிப்புள்ளதா, அவற்றிற்குள் மறைமுகமான விலையுயர்வு உள்ளதா?

அமேசான் பிரைம் டே என்றால் என்ன?

ஒவ்வொரு கோடைகாலத்திலும் வரையறுக்கப்பட்ட ஒன்று அல்லது இரண்டு நாட்களுக்கு, பிரைம் மெம்பர்ஷிப் வைத்திருப்பவர்களுக்கு பிரைம் டே விற்பனைக்கான அணுகலை அமேசான் வழங்குகிறது. உறுப்பினர்களுக்கான கட்டணம் நாடுகளுக்கு இடையே மாறுபடுகிறது மற்றும் பிற சலுகைகளுடன் இலவச மற்றும் விரைவான டெலிவரிகளுக்கு உறுப்பினர்களுக்கு உரிமை அளிக்கிறது.

பிரைம் டேஸ் என்பது ஷாப்பிங் ஸ்பிரிஸ் (ஷாப்பிங் கொண்டாட்டங்கள், அதாவது தொடர்ந்து வாங்கச் செய்வது) மற்றும் பிரைம் மெம்பர்ஷிப்களை சேர்ப்பதை நோக்கமாகக் கொண்டது. 2023 ப்ரைம் டே உச்சகட்டத்தின் போது, இந்தியாவில் ஒரே நிமிடத்தில் 22,190 ஆர்டர்கள் செய்யப்பட்டன.

கடந்த ஆண்டு இரண்டு நாள் பிரைம் டேஸில், பிரைம் உறுப்பினர்கள் உலகளவில் 375 மில்லியனுக்கும் அதிகமான பொருட்களை வாங்கியுள்ளனர், இது இதுவரை நடந்த மிகப்பெரிய பிரைம் டே நிகழ்வாக அமைந்தது.

பிரைம் டேஸை அமேசான் அறிமுகப்படுத்தியது ஏன்?

அமேசானின் 20வது ஆண்டு நிறைவைக் குறிக்கும் வகையில், ஜூலை 15, 2015 அன்று முதல் பிரைம் டே அமெரிக்காவில் நடத்தப்பட்டது. இந்தியாவில், இது முதன்முறையாக ஜூலை 2017 இல் நடந்தது. அதன் தோற்றம் மற்றும் சாத்தியமான உத்வேகத்திற்கு பல விளக்கங்கள் உள்ளன.

அசோசியேட்டட் பிரஸ் அறிக்கையின்படி, கோடைக்காலம் அமெரிக்காவில் மெதுவான சில்லறை வணிகப் பருவமாகக் கருதப்படுகிறது, இந்தக் காலத்தில் வாடிக்கையாளர்கள் பயணம் மற்றும் உணவகங்களில் செலவுச் செய்ய அதிகம் விரும்புகின்றனர். இதன் விளைவாக, விற்பனையை அதிகரிக்க, நிறுவனங்கள் கோடைகால விற்பனையை வழங்குகின்றன.

இது ஒரு புதுமையான யோசனை அல்ல. அலிபாபா போன்ற சீன இ-காமர்ஸ் நிறுவனங்கள் தங்கள் விற்பனையை அதிகரிக்க இந்த வியூகத்தை முன்னெடுத்துள்ளன.

உதாரணமாக, 2009 ஆம் ஆண்டில், அலிபாபா நிறுவனம் நவம்பர் 11 ஆம் தேதியை கவர்ச்சிகரமான சலுகைகளுடன் 24 மணிநேர மெகா-ஷாப்பிங் திருவிழாவாக மாற்றியது. நவம்பர் 11 "சிங்கிள்ஸ் டே" என்று அழைக்கப்பட்டது, இது காதலர் தினத்திற்கு மாற்றாக பல்கலைக்கழக மாணவர்களின் கண்டுபிடிப்பாகும். இந்த நிகழ்வில் சந்தைப்படுத்தல் உத்தியாக முக்கிய கலைஞர்களின் நேரடி நிகழ்ச்சிகளும் அடங்கும்.

திருவிழா மிகவும் வெற்றிகரமாக இருந்தது, அது ஒவ்வொரு ஆண்டும் நடைபெறும் விழாவாக மாறியது. இன்று, சிங்கிள்ஸ் டே உலகின் மிகப்பெரிய 24 மணிநேர ஆன்லைன் விற்பனையாக மாறியுள்ளது, அலிபாபா மற்றும் ஜே.டி (மற்றொரு பெரிய சீன சில்லறை விற்பனையாளர்) ஆகிய ஒவ்வொரு நிறுவனமும் பிளாக் பிரைடே மற்றும் சைபர் திங்கட்கிழமை ஆகிய அமெரிக்காவின் இரண்டு முக்கிய ஷாப்பிங் நிகழ்வுகளை விட அதிக விற்பனை அளவை எட்டியுள்ளன என ஆராய்ச்சி ஆலோசனை நிறுவனமான கோர்சைட் ரிசர்ச் தெரிவித்துள்ளது.

2019 ஆம் ஆண்டில், டெய்லர் ஸ்விஃப்ட் போன்ற சர்வதேச பிரபலங்கள் மற்றும் சீன பிரபலங்களைக் கொண்ட நான்கு மணி நேர நேரடி நிகழ்ச்சியை அலிபாபா தொகுத்து வழங்கியது. அதே ஆண்டு, அமேசான் அதன் பிரைம் உறுப்பினர்களுக்காக ஒரு நேரடி இசை நிகழ்ச்சியை நடத்தியது, அதன் விற்பனைக்கு முன்னதாக ஸ்விஃப்ட் மற்றும் டுவா லிபா நேரடி நிகழ்ச்சியை நடத்தினர்.

பிரைம் டேஸ் அமேசானுக்கும் அதன் வாடிக்கையாளர்களுக்கும் நல்லதா?

பொதுவாக, வாடிக்கையாளர்கள் பல தயாரிப்பு வகைகளில் சலுகைகளைக் காணலாம். இந்தியன் எக்ஸ்பிரஸ் இந்த ஆண்டு, அமேசான் முக்கிய ஆப்பிள், சாம்சங் மற்றும் ஒன்பிளஸ் தயாரிப்புகளுக்கு சற்றே அதிக தள்ளுபடியைக் கொண்டிருப்பதைக் கண்டறிந்துள்ளது.

ஆனால் தி நியூயார்க் டைம்ஸின் தயாரிப்பு மதிப்பாய்வு இணையதளமான வயர்கட்டர், இந்த ஆண்டு அமெரிக்காவில் "விற்பனை சரிவு" என்று வாதிட்டது. "அதிகப்படியான 'முழு' விலைகள், நடுத்தர விலை வீழ்ச்சிகள் மற்றும் கணிசமான சேமிப்பிற்குப் பதிலாக மிகைப்படுத்தல் ஆகியவை இந்த சில்லறை விற்பனையாளர்களால் உருவாக்கப்பட்ட சலுகை நிகழ்வுகளில் பலவற்றின் விதிமுறைகளாகும்," என்று அது கூறியது.

அமேசான் பெரிய எண்ணிக்கையைக் கூறினாலும், அவர்களுக்கு இது அதிக சூழலை வழங்காது. 2017 ப்ளூம்பெர்க் கருத்துக் கட்டுரையில், பத்திரிகையாளர் ஷிரா ஓவைட் எழுதினார், “அமேசானுக்கு பிரைம் டே ஒரு முக்கியமான நிதி நிகழ்வாக இருந்தால், நிறுவனம் முதலீட்டாளர்களிடம் சொல்ல வேண்டும். இதில் தற்பெருமை அளவீடுகள் பொருந்தாது. ஆனால், கடந்த ஆண்டு அமேசானின் வருவாய் அறிக்கையில் காலாண்டில் பிரைம் டே விற்பனை பற்றி குறிப்பிடப்படவில்லை. இது கடந்த ஆண்டு, மூன்றாம் காலாண்டு வருவாய் அறிக்கையில் ஜூலை மாதத்தில் பிரைம் டேஸ்களுக்குப் பதிலாக மற்றொரு பெரிய அமேசான் விற்பனையை (அக்டோபரில் விடுமுறைக்கு முந்தைய பிரைம் பிக் டீல் நாட்கள்) குறிப்பிட்டது.

மதிப்பீடுகள் "பிரைம் டே என்பது ஒரு பொதுவான விற்பனை நாளுக்கு குறிப்பிடத்தக்க ஊக்கத்தை அளிக்கும்" என்று ஷிரா ஓவைட் எழுதினார். இருப்பினும், சமீபத்திய ஆண்டுகளில், ஹைப் நிறுவனத்திடமிருந்து எதிர்பார்க்கப்படும் எண்ணிக்கையை பிரதிபலிக்கவில்லை. லோகன் கேபிடல் மேனேஜ்மென்ட்டின் ஸ்தாபக அதிபர் ஸ்டீபன் லீ, இந்த ஆண்டு ப்ளூம்பெர்க்கிடம் கூறினார், “பிரைம் டே முன்பு இருந்ததை விட குறைவான ஊக்கியாக உள்ளது, ஆனால் அதே நாளில் டெலிவரி என்பதற்கு அமேசான் எவ்வாறு நியாயமான மதிப்புகளை வழங்குகிறது என்பதை எடுத்துக்காட்டுவதற்கு இது ஒரு வாய்ப்பாகும்."

அமெரிக்காவில் தொடரும் பணவீக்கம் பின்தங்கிய விற்பனைக்கு ஒரு காரணியாக இருக்கலாம் என்றும் ப்ளூம்பெர்க் மதிப்பிட்டுள்ளது. வால்மார்ட் மற்றும் டார்கெட் போன்ற மற்ற மெகா பிராண்டுகளும் பிரைம் டேஸ்களுக்கு முன்னதாக தள்ளுபடிகளை வழங்கத் தொடங்கியுள்ளன.

பிற காரணங்களுக்காக பிரைம் டேஸ் ஆய்வுக்கு உட்பட்டுள்ளன. செனட்டர் பெர்னி சாண்டர்ஸின் கீழ் ஏப்ரல் மாதம் வெளியிடப்பட்ட அமெரிக்க செனட் அறிக்கையில், பொருட்களை பேக் செய்யும் கிடங்கில் தொழிலாளர்களுக்கு "காயங்கள் அதிகம் ஏற்படுகிறது" என்று கண்டறியப்பட்டது. "கடந்த ஆண்டு $36 பில்லியன் லாபம் ஈட்டினாலும் மற்றும் அதன் சி.இ.ஓ-வை கடந்த மூன்று ஆண்டுகளில் $275 மில்லியனுக்கும் அதிகமான இழப்பீடாக வழங்கச் செய்தாலும், அமேசான் தனது தொழிலாளர்களை செலவழிக்கக்கூடியவர்களாகவும் அவர்களின் பாதுகாப்பு மற்றும் நல்வாழ்வை முழு அவமதிப்புடனும் தொடர்ந்து நடத்துகிறது. இது ஏற்றுக்கொள்ள முடியாதது, அது மாற வேண்டும்,” என்று சாண்டர்ஸ் கூறினார்.

இத்தகைய விற்பனை நாட்களின் விமர்சனம் சுற்றுச்சூழல் கண்ணோட்டத்தில் இருந்து வருகிறது, ஏனெனில் அவை தேவையற்ற பொருட்களின் பெரிய அளவிலான நுகர்வுகளை ஊக்குவிக்கும். விநியோகங்கள் எரிபொருள் உமிழ்வை ஏற்படுத்துகின்றன, பேக்கேஜிங்கில் பிளாஸ்டிக் மற்றும் மறுசுழற்சி செய்வதற்கு கடினமான பொருட்கள் சுற்றுச்சூழல் பாதிப்பை ஏற்படுத்துகின்றன. அதிகப்படியான நுகர்வு அதிக கழிவுகளுக்கு பங்களிக்கிறது, மேலும் நிலப்பரப்புகளை நிரப்புகிறது மற்றும் கடல்களை மாசுபடுத்துகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“