Advertisment

இனவெறி, யூத எதிர்ப்பு… கால்பந்து ஜெர்சியில் '88' எண்ணுக்கு இத்தாலி தடை விதித்தது ஏன்?

'88' எண் என்பது அங்கில எழுத்துக்களின் 8வது எழுத்தான எச் 'H'- ஐக் குறிக்கிறது. இரண்டு எச் 'HH' என்பது ஹெய்ல் ஹிட்லர் "Heil Hitler" என்பதைக் குறிக்கிறது.

author-image
WebDesk
புதுப்பிக்கப்பட்டது
New Update
Why Italy ban number 88 football shirts Explained in tamil Why Italy ban number 88 football shirts Explained in tamil

உண்மையில், சமீபத்திய ஆண்டுகளில், இத்தாலிய கால்பந்து இனவெறி மற்றும் யூத-விரோதத்தால் பாதிக்கப்பட்டுள்ளது.

இத்தாலிய அரசு மற்றும் இத்தாலிய கால்பந்து சங்கம் (FIGC) கூட்டு முயற்சியால், இத்தாலிய கால்பந்து ஜெர்சிகளில் '88' எண் தடை செய்யப்படும் என்று தெரிவிக்கப்பட்டுள்ளது.

Advertisment

கால்பந்து ஸ்டேடியங்களில் யூத-எதிர்ப்பை எதிர்த்துப் போராடுவதை நோக்கமாகக் கொண்டுள்ளனர். இது அதை மாற்றும் முயற்சியின் ஒரு பகுதியாகும். மேலும், இது சர்வதேச ஹோலோகாஸ்ட் நினைவூட்டல் கூட்டணிக்கு இணங்க ஒரு நெறிமுறைக் குறியீட்டை அறிமுகப்படுத்தும். தொகுப்பில் உள்ள மற்ற உறுதியான நடவடிக்கைகளில், ஆண்டிசெமிடிக் செயல்கள் கவனிக்கப்படும் எந்தவொரு போட்டியையும் இடைநிறுத்த நடுவர்கள் முடிவு எடுக்கலாம் என்றும் கூறப்பட்டுள்ளது.

"எங்கள் மைதானங்களில் இன்னும் அடிக்கடி வெளிப்படும் சகிக்க முடியாத தவறான எண்ணத்திற்கு இது பொருத்தமான மற்றும் பயனுள்ள பதில்" என்று இத்தாலிய உள்துறை அமைச்சர் மேட்டியோ பியாண்டெடோசி செவ்வாயன்று (ஜூன் 27) விழாவின் போது நடவடிக்கைகளை செயல்படுத்துவதற்கான விருப்பக் கடிதத்தில் கையெழுத்திட்டார்.

"கால்பந்து உலகம் யூத எதிர்ப்பு மற்றும் அனைத்து வகையான பாகுபாடுகளுக்கும் எதிரான போராட்டத்தில் ஒன்றுபட்டுள்ளது" என்று இத்தாலிய கால்பந்து சங்கம் தலைவர் கேப்ரியல் கிராவினா கூறினார்.

ஜெர்சி எண் 88ஐ தடை செய்தது ஏன்?

தீவிர வலதுசாரி, நியோ-நாஜி வட்டங்களில், எண் 88 என்பது அங்கில எழுத்துக்களின் 8வது எழுத்தான எச் 'H'- ஐக் குறிக்கிறது, இரண்டு எச் 'HH' என்பது ஹெய்ல் ஹிட்லர் "Heil Hitler" என்பதைக் குறிக்கிறது.

1930 களில் ஜெர்மனியில் நாஜி ஆட்சிக்கு வந்த பிறகு, "ஜெர்மன் வாழ்த்து" சொல்லாக அறியப்பட்டு நாடு முழுவதும் பரவியது. அதனைக் குறிப்பிட்டு தான் ஜெர்மனியர்கள் ஒருவரையொருவர் வாழ்த்துவார்கள் (வணங்கி கொள்வார்கள்). அதே போல் ஹிட்லரின் சிலைகளுக்கும் கடுமையான ஆயுதம் ஏந்திய வணக்கம் மற்றும் "ஹெய்ல் ஹிட்லர்" என்ற வார்த்தைகளை உச்சரிப்பார்கள்.

அமெரிக்காவில் (யுனைடெட் ஸ்டேட்ஸ்) உள்ள யூத சிவில் உரிமைகள் அமைப்பான 'அவதூறு எதிர்ப்பு லீக்' (Anti Defamation League) "88" என்பது இன்று பொதுவாகப் பயன்படுத்தப்படும் வெள்ளையர் மேலாதிக்கச் சின்னங்களில் ஒன்று என குறிப்பிடுகிறது.

கால்பந்தில் 88 எண் எவ்வளவு பொதுவானது?

88 என்ற எண்ணை வீரர்கள் தங்கள் ஜெர்சிகளின் பின்புறத்தில் அரிதாகவே அணிவார்கள், அதன் பயன்பாடு முற்றிலும் கேள்விப்படாதது அல்ல.

போர்ச்சுகல் மற்றும் பென்ஃபிகா ஃபார்வர்ட் வீரர் கோன்கலோ ராமோஸ், குரோஷிய மிட்ஃபீல்டர்களான மரியோ பசாலிக் (அடலாண்டா) மற்றும் டோமா பெசிக் (லாசியோ) மற்றும் மிகவும் பிரபலமான இத்தாலிய கோல்கீப்பர் ஜியான்லூகி பஃபோன் ஆகியோர் தங்களின் ஜெர்சிகளில் 88 எண்ணை கொண்ட முக்கிய வீரர்களில் அடங்குவர்.

2000-01 சீசனில் பார்மாவுடன் இருந்தபோது பஃபன் 88-ம் எண் ஜெர்சியை சிறிது நேரம் அணிந்திருந்தார். யூத சமூகத்தின் விமர்சனத்திற்குப் பிறகு அவர் மன்னிப்புக் கேட்டு, ஜெர்சி எண்களை மாற்றினார். அதன் முக்கியத்துவம் தனக்குத் தெரியாது என்றும் கூறினார். இருப்பினும், ரசிகர்கள் மத்தியில், எண் 88 ஜெர்சி அடிக்கடி காணப்படுகிறது.

சமீபத்திய ஆண்டுகளில் இத்தாலிய மைதானத்தில் நடந்த மிக முக்கியமான யூத-விரோத சம்பவங்களில் ஒன்றில், லாசியோ ரசிகர் ஒருவர் "ஹிட்லர்சன்" என்ற பெயருடன் ஜெர்சியை அணிந்திருந்தார். மேலும் இரண்டு ரசிகர்கள் "ரோமன் சல்யூட்களை" நிகழ்த்தினர். இது பாசிசத்துடன் தொடர்புடையது என்பதால், 3 ரசிகர்களையும் தனது மைதானத்தில் இருந்து வாழ்நாள் முழுவதும் தடை செய்துள்ளதாக லாசியோ பின்னர் அறிவித்தனர்.

உண்மையில், சமீபத்திய ஆண்டுகளில், இத்தாலிய கால்பந்து இனவெறி மற்றும் யூத-விரோதத்தால் பாதிக்கப்பட்டுள்ளது. இதில் ரசிகர்கள் கறுப்பின வீரர்களை திட்டுவது அல்லது துஷ்பிரயோகம் செய்வது, "யூதர்" என்ற வார்த்தையை அவமானமாகப் பயன்படுத்துதல் மற்றும் நாஜி அல்லது பாசிச சின்னங்களைக் காண்பிப்பது அடங்கும்.

வேறு ஏதேனும் ஜெர்சி ண் இதுவரை தடை செய்யப்பட்டுள்ளதா?

கால்பந்தில், வீரர்கள் பொதுவாக தங்கள் விருப்பப்படி ஜெர்சி எண்ணைத் தேர்வு செய்து கொள்ளலாம். இருப்பினும், சில கிளப்புகள், புகழ்பெற்ற வீரர்களின் ஜெர்சி எண்களை மீண்டும்ம் ஒருவர் எடுத்துக்கொள்ள தடை விதித்துள்ளன. உதாரணமாக, ஜாம்பவான் வீரர் டியாகோ மரடோனாவின் ஐகானிக் ஜெர்சி எண் 10. இந்த எண்ணை அவர் 1984-91 வரை விளையாடிய நபோலி எஃப்சி (Napoli FC) கிளப் அணியில் இனி யாரும் அணிய மாட்டார்கள். இதேபோல், ஜோஹன் க்ரூஃப்பின் 14 ஆம் எண் ஜெர்சியையும் அவரது சிறுவயது கிளப்பான ஏ.எஃப்சி. AFC அஜாக்ஸ் அணியால் தடை செய்யப்பட்டுள்ளது.

கால்பந்து சங்கங்கள் விதித்த தடைகள் மிகவும் அரிதானவை. இருப்பினும் அசாதாரண எண்கள், மூன்று இலக்கங்கள் அல்லது எண் 0 போன்றவை பெரும்பாலும் போட்டிகளால் நிராகரிக்கப்படுகின்றன. உதாரணமாக, 2001 ஆம் ஆண்டில், அர்ஜென்டினாவின் கோல்கீப்பர் செர்ஜியோ வர்காஸ், தொலைத்தொடர்பு பிராண்டான டெலிஃபோனிகா சிடிசி சிலியுடன் வணிக ஒப்பந்தத்தின் ஒரு பகுதியாக, யுனிவர்சிடாட் டி சிலிக்காக 188-ஆம் எண்ணை அணிந்திருந்தார். இருப்பினும், சர்வதேச போட்டிகளில் இந்த எண் அனுமதிக்கப்படவில்லை, இதில் வர்காஸ் நம்பர் 1 அணிய வேண்டிய கட்டாயம் ஏற்பட்டது.

இருப்பினும், வேறு சில விளையாட்டுகளில் கடுமையான விதிகள் உள்ளன. எந்த என்பிஏ (NBA) கூடைப்பந்து வீரரும் இதுவரை 69 என்ற எண்ணை அணிந்திருக்கவில்லை, அதன் பாலியல் அர்த்தங்கள் காரணமாக மறைமுகமாக தடை செய்யப்பட்டதாக கருதப்படுகிறது. டென்னிஸ் ரோட்மேன், டல்லாஸ் மேவரிக்ஸ் 2000 இல் சேர்ந்தபோது அந்த எண்ணைக் கோரியதாகக் கூறப்படுகிறது. அவரது கோரிக்கை நிராகரிக்கப்பட்டது, அதற்குப் பதிலாக அவர் 7o என்ற எண்ணை எடுத்துக் கொள்ள வேண்டியிருந்தது.

தமிழ்  இந்தியன்  எக்ஸ்பிரஸின்  அனைத்து செய்திகளையும் உடனுக்குடன்  டெலிகிராம்  ஆப்பில்  பெற https://t.me/ietamil

Sports Football Italy
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment