சொமேட்டோவின் ‘சுத்த சைவத்’ திட்டம் அப்பட்டமான சாதியவாதம்; பலர் அதை ஏன் வாங்கவில்லை?

Yashee

இந்தியாவில் உணவு ஒருபோதும் அப்பாவித்தனமான தேர்வு அல்ல. சொமேட்டோ இந்த சமூகத்தில் ஒரு குறைபாட்டை அறிந்துள்ளது - மேலும் அதை லாபத்திற்காக பயன்படுத்தத் தேர்ந்தெடுத்துள்ளது.

ஆங்கிலத்தில் படிக்க: Zomato’s ‘pure veg food’ scheme is pure casteism. Here’s why many people don’t get that

1927-ம் ஆண்டு மார்ச் 20-ம் தேதி, மகாராஷ்டிராவின் மஹத்தில் உள்ள ஒரு பொதுக் குளத்திலிருந்து ‘தீண்டத்தகாதவர்கள்’ தண்ணீரைப் பயன்படுத்துவதை உறுதி செய்வதற்காக, பி.ஆர். அம்பேத்கர் மஹத் சத்தியாகிரகத்திற்குத் தலைமை தாங்கினார். இது நடந்து தொண்ணூற்றேழு ஆண்டுகளுக்குப் பிறகு, ஒரு பிரபலமான செயலி உணவு வழங்கப்படுவதற்கு முன்  ‘சுத்த சைவ உணவு’ அசுத்தமான மாசுபாடுகளுடன் கலக்கப்படாமல் இருப்பதை உறுதி செய்வதற்கான சிறப்புத் திட்டத்தை அறிவித்துள்ளது. சொமேட்டோவின் இந்த பகுதி இந்தியாவின் ஒரு கண்மூடித்தனமான ஒரு குறிப்பிட்ட அடையாளத்தை மீண்டும் எடுத்துக்காட்டுகிறது - நாம் செய்யும் மிகவும் சாதாரணமான தேர்வுகளை சாதி எவ்வாறு தொடர்ந்து வடிவமைக்கிறது என்பதைப் பார்ப்பதற்கு உறுதியான தடையாக உள்ளது.

‘சுத்த சைவம்’ என்கிற இந்த புதிய ‘ப்யூர் வெஜ்’ பயன்முறையின் சொமேட்டோவின் அசலான யோசனை வண்ண-குறியிடப்பட்டு பிரிக்கப்பட்டு வந்தது. சொமேட்டோ நிறுவனர்- சி.இ.ஓ தீபிந்தர் கோயல் எக்ஸ் பக்கத்தில்  மார்ச் 19-ம் தேதி வெளியிட்டார், “சுத்த சைவம் (ப்யூர் வெஜ்) பயன்முறையானது முழுமையான சைவ உணவுகளை மட்டுமே வழங்கும் உணவகங்களின் ஆர்வத்தைக் கொண்டிருக்கும்… எங்கள் அர்ப்பணிக்கப்பட்ட சுத்த சைவ உணவுப் பெட்டிகளில் [தனிப்பட்ட பச்சை சீருடைகளில்] இந்த சுத்தமான சைவ உணவகங்களிலிருந்து மட்டுமே ஆர்டர்களை வழங்கும். அதாவது அசைவ உணவு அல்லது அசைவ உணவகம் வழங்கும் சைவ உணவுகளுடன் எங்களின் சுத்த சைவ (ப்யூர் வெஜ்) சாப்பாட்டு பெட்டிகள் பச்சை நிற உணவுப் பெட்டிக்குள் ஒன்றாக செல்லாது.” என்று அறிவித்தார்.

ஒரு நாள் கழித்து கோயல் ஒரு படி பின்வாங்கினார். அவர் பதிவிட்டுள்ளார்:  “சைவ உணவு உண்பவர்களுக்கான சாப்பாட்டுப் பெட்டியை நாங்கள் தொடர்ந்து வைத்திருக்கப் போகிறோம், பச்சை நிறத்தைப் பயன்படுத்தி களத்தில் உணவு விநியோகம் செய்யும் இந்த பிரிவை அகற்ற முடிவு செய்துள்ளோம்.” என்று கூறினார்.

சொமேட்டோவின் வாதம்

சுத்த சைவ உணவு பெட்டிக்குப் (ப்யூர் வெஜ் பெட்டி) பின்னால் உள்ள காரணம், இந்திய சைவ உணவு உண்பவர்கள்  ‘தங்கள் உணவு எப்படி சமைக்கப்படுகிறது, மற்றும் அவர்களின் உணவு எவ்வாறு கையாளப்படுகிறது என்பது பற்றி மிகவும் குறிப்பாக இருக்கிறது’ என்று சி.இ.ஓ விளக்கினார்.

நல்லது, அடுத்து என்ன? அந்த  சுத்த சைவ (ப்யூர் வெஜ்) உணவகங்களில் சமையல்காரர்களாக  சுத்த சைவ ஆட்கள் மட்டுமே பணியமர்த்தப்படுவதை சொமேட்டோ உறுதிப்படுத்துகிறதா?  சுத்த சைவ உணவு டெலிவரி செய்பவர்கள் தங்கள் சொந்த மதிய உணவுப் பெட்டிகளில் அசுத்தமான உணவைக் கொண்டு தங்கள் கைகளை அழுக்காக்கிக் கொள்ளமாட்டார்கள் என உறுடி செய்கிறதா?

உணவுத் தேர்வு முக்கிய விஷயமா?

சொமேட்டோவின் இந்த திட்டம் ‘உணவுத் தேர்வு’ என்ற அடிப்படையில் பலரால் ஆதரிக்கப்பட்டது - இறைச்சி வழங்காத உணவகங்களில் இருந்து மட்டுமே சாப்பிடுவது எனது முடிவு என்று ஆதரிக்கப்பட்டது.

மேலோட்டமாகப் பார்த்தால், போதுமான அளவு நியாயமானது. ஆனால், உண்மையான உணவுத் தேர்வு ஒரு நடுநிலை சூழலில் செயல்படுகிறது. மேலும், இந்தியாவில் உணவைச் சுற்றியுள்ள சூழல் எதுவும் இல்லை. சைவ உணவு தூய்மை மற்றும் நல்லொழுக்கத்துடன் இணைக்கப்பட்டுள்ளது - சாத்விக் - மேலும், இறைச்சி உண்பவர்கள் தாம்சிக், தூய்மையற்றவர்களாகவும், சதையின் இன்பத்திற்காகவும் பார்க்கப்படுகிறார்கள். இறைச்சி உண்பது பிரபலமாக, தவறாக இருந்தாலும், கீழ் சாதிகள் மற்றும் ஒரு குறிப்பிட்ட மதத்துடன் இணைக்கப்பட்டுள்ளது.

‘சுத்த சைவம்’ என்ற கட்டுமானமே சாதிவெறி மற்றும் பாரபட்சமானது. இறைச்சியின் நிழல் கூட உங்கள் உணவில் விழக்கூடாது என்று நீங்கள் கோரும் தருணத்தில், உங்கள் விருப்பம் உணவைத் தேர்ந்தெடுப்பதற்கான எளிய விஷயத்திற்கு அப்பாற்பட்டது. நீங்கள் வலியுறுத்துவது என்னவென்றால், உங்கள் தூய்மையான உணவு மாசுபடவில்லை. மேலும், இது இந்த மண்ணில் பல நூற்றாண்டுகளாக கடைப்பிடிக்கப்பட்ட தீண்டாமையின் எதிரொலியைக் கொண்டுள்ளது. இத்தகைய சிந்தனைக்கான சான்றுகள் எல்லா இடங்களிலும் உள்ளன: இறைச்சி உண்பவர்களுக்கு அடிக்கடி வீடுகள் மறுக்கப்படுகின்றன. பள்ளிகளில் குழந்தைகள் கீழ் சாதியினரால் சமைத்த உணவை சாப்பிட மறுத்துள்ளனர். மக்கள் தங்கள் மதிய உணவுப் பெட்டியில் உள்ள சந்தேகத்தின் பேரில் அடித்துக் கொல்லப்படுகிறார்கள். இந்தப் பின்னணியில் பார்த்தால், சைவ உணவை ஒரு அப்பாவித் தனமான தேர்வாகக் கற்பனை செய்வது கடினம்.

இந்த உணவுத் தேர்வு மற்றும் தடையற்ற சந்தை வாதங்களின் பின்னணியில் உள்ள முரண்பாடு என்னவென்றால், குறிப்பிட்ட நாட்களில் இறைச்சி விற்பனையை தடைசெய்ய விரும்புபவர்கள் அல்லது குறிப்பிட்ட இறைச்சியை முற்றிலும் சட்டவிரோதமாக்க வேண்டும் என்று விரும்புபவர்களால் அவை தயாரிக்கப்படுகின்றன.

‘ஹலால்’ உணவு சரி என்றால், ‘சுத்த சைவம்’ ஏன் சரி இல்லை என்று மற்றவர்கள் கேள்வி எழுப்பியுள்ளனர். ஆனால், இங்கே வேறுபாடு என்பது பிரிவினை பற்றியது. உணவுத் தேர்வு அல்ல. எந்த உணவு விநியோக செயலியும்  ‘சுத்த ஹலால்’ உணவுக்கான  ‘ஹலால் மட்டும்’ என்ற உணவு விநியோகப் பிரிவை அறிவிக்கவில்லை.

இது முழுமையான வியாபாரமா?

மற்றொரு வாதம் என்னவென்றால், ‘சுத்த சைவ’ வாடிக்கையாளர்கள் உள்ளனர். மேலும், அவர்களின் விருப்பங்களை பூர்த்தி செய்ய சொமேட்டோ-வுக்கு உரிமை உண்டு. நிச்சயம். ஆனால், ‘சுத்த சைவ’ திட்டம் என்ன செய்கிறது என்பது சமுதாயத்தில் ஒரு குறைபாட்டை அங்கீகரிப்பதாக உள்ளது - இது சமீப காலங்களில், அபாயகரமான விளைவுகளை ஏற்படுத்திய ஒரு தவறு - அதை லாபத்திற்காக பயன்படுத்த முயற்சிக்கிறது. பல நூற்றாண்டுகளாக சமூக சீர்திருத்தவாதிகள் சமபந்தி உணவு சாப்பிடும் நிகழ்ச்சிகளை ஏற்பாடு செய்வதன் மூலம் சாதியின் தளைகளை தளர்த்த முயன்றனர். இதற்கிடையில், நவீன இந்திய வணிகங்கள், நீங்கள் பணம் செலுத்தத் தயாராக இருக்கும் வரை அதிக அளவிலான பிரிவினையை உறுதி செய்கின்றன.

இது குறித்து கோயல் தனது பல எக்ஸ் பதிவுகளில், “...நாம் ஏன் உணவு விநியோகத்தைப் பிரிக்க வேண்டும்? ஏனென்றால், அனைவரின் சிறந்த முயற்சிகள் இருந்தபோதிலும், சில நேரங்களில், உணவு, விநியோகம் செய்ய எடுத்துச் செல்லப்படும் பெட்டிகளில் கொட்டுகிறது. அந்த சந்தர்ப்பங்களில், முந்தைய ஆர்டரின் உணவு வாசனை அடுத்த ஆர்டருக்குப் செல்கிறது. மேலும் அடுத்த ஆர்டர், முந்தைய ஆர்டரின் வாசனைக்கு வழிவகுக்கும். இந்த காரணத்திற்காக, நாங்கள் சைவ ஆர்டர்களுக்காக ஒரு தனி விநியோகப் பிரிவை பிரிக்க வேண்டியிருந்தது.

நான் ஒயிட் சாஸ் பாஸ்தாவைக் கேட்டால், முந்தைய சோலே பத்தூர் ஆர்டரில் இருந்து கிரேவியில் நனைத்த ஒரு பெட்டியில் டெலிவரி செய்யப்படாவிட்டால் அதை நான் விரும்புவேன். ஆனால், சைவ ஆர்டர்களுக்கு ஒரு பிரிவைப் பிரிப்பது என்ற சொமேட்டோவின் தீர்வு,  ‘முந்தைய ஆர்டரின் வாசனையில் சுத்தமான சைவ உணவு உண்பவரின் வருத்தம் என்பது பாகுபாடு என மிகவும் கருத்தில் கொள்ளத்தக்கது. மேற்கில், கறியின் வாசனைக்கு வெள்ளையர்களின் ஆட்சேபனை இனவெறி என்று சரியாக விமர்சிக்கப்படுகிறது. இந்தியாவில், சில வாசனைகள் ஏன் சில குழுக்களுக்கு மிகவும் விரும்பத்தகாதவை என்று கேள்வி கேட்ககூட மறுக்கிறோம். அவர்களுக்கு வசதியாக இருக்க நாம் அவசரப்படுகிறோம்.

இந்த திட்டத்தின் மிக மோசமான பகுதி, நிச்சயமாக, டெலிவரி பணியாளர்களுக்கான (அவர்களின் ஆடைகளிலிருந்து அவர்களை அடையாளம் காண்பது)’ விதியாகும். சொமேட்டோ தனி சீருடையை திரும்பப் பெற்றுள்ளது. ஆனால், ‘சுத்த சைவ சாப்பாட்டுப் பெட்டி’ வணிகம் உணவு டெலிவரி செய்பவர்களை இன்னும் ஆபத்தில் ஆழ்த்தியுள்ளது.  ‘சுத்த சைவ’ உணவை விநியோகிக்கும் முஸ்லிம் ஆண்கள் இலக்கு வைக்கப்பட்டு 'டெலிவரி ஜிஹாத்' என்று குற்றம் சாட்டப்பட மாட்டார்கள் என்று கோயல் உத்தரவாதம் அளிக்க முடியுமா? 2019-ம் ஆண்டில், டெலிவரி செய்பவர் முஸ்லிம் என்பதால் ஆர்டரை ரத்து செய்வதாக வாடிக்கையாளர் ஒருவர் ட்வீட் செய்தபோது, இந்தியாவின் பன்முகத்தன்மைக்கு ஆதரவாக நின்றதற்காக கோயல் பாராட்டப்பட்டார். புதிய கொள்கை வகுக்கும் போது, சொமேட்டோவின் சிந்தனை அறையில் இருந்த யாருக்கும் இந்த அனுபவம் நினைவிருக்கவில்லையா?

சுத்த கண்மூடித்தனம்

இது, புதிய இந்தியாவின் புதிய வணிகங்களால் எவ்வாறு கொள்கைகள் உருவாக்கப்படுகின்றன என்பது பற்றிய மற்றொரு கேள்வியை எழுப்புகிறது. சொமேட்டோவில் உள்ள எவரும், அவர்களின் சுத்த சைவத் திட்டத்திற்கு மாறாக, அவர்களின் குப்பை விளம்பரத்தின் மீதான விமர்சனத்திற்குப் பிறகு, அவர்களின் சுத்தம் மற்றும் மாசுபாட்டை எப்படி உணரவில்லை?

இது நான் ஆரம்பத்தில் எழுப்பிய விஷயத்திற்கே என்னை மீண்டும் கொண்டுவருகிறது - சாதி பற்றிய நமது தெரிந்தே செய்யும் கண்மூடித்தனம், சாதியின் செயல்பாடுகளை ஒப்புக்கொள்வது என்பது பெரும்பாலான உயர்சாதி மக்களுக்கு, பாலினம் உட்பட பிற பாகுபாடுகளுக்கு நுண்ணுணர்வு உள்ளவர்களுக்கும் அளவிடக்கூடிய மலையளவு வேறுபாடு ஆகும். சாதியைக் கண்ணால் பார்த்துக் கொண்டு அதன் பெயரால் இழைக்கப்பட்ட அனைத்தையும் ஒப்புக்கொள்வது வெட்கக்கேடான செயலா? அல்லது சில சமயங்களில் பாலினம் இருந்தாலும் சாதி அவர்களுக்கு பாதகமாக இருக்காது என்பதை அறிவது ஆறுதலா?

ஒரு யோசனை, ஒரு நடைமுறை மாற்றியமைக்கக் கூடியதாகவும், வடிவத்தை மாற்றுவதாகவும், நீண்ட காலம் வாழக்கூடியதாகவும் இருக்க வேண்டும். பிராமணியம் தன்னை இயல்பாக்கிக் கொள்வதன் மூலம், தகுதி, விருப்பம், தேர்வு என வெவ்வேறு பெயர்களால் அழைப்பதன் மூலம், எல்லா நேரங்களிலும் வெற்றுப் பார்வையில் ஒளிந்துகொண்டு ஆயிரக்கணக்கான ஆண்டுகளாக உயிர்வாழ்கிறது. துரதிர்ஷ்டவசமாக, நேர்த்தியாக நிரம்பிய பெட்டிகளில் விழிப்புணர்வையும் உணர்வையும் வழங்கக்கூடிய செயல்பாடு எதுவும் இல்லை.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“