வயிறு நிறைய சாப்பிட்டாலும் சுகர் ஏறாது; இந்த 5 உணவுகளை நோட் பண்ணுங்க; டாக்டர் அருண் கார்த்திக்

வயிறு நிறைய சாப்பிட்ட வேண்டும், அதே வேளையில் சர்க்கரை அளவு அதிகரிக்காத ஆரோக்கியமான 5 உணவுகள் பற்றி இங்கே காணலாம். இதனை சர்க்கரை நோயாளிகள் எந்த வேளையிலும் எடுத்துக் கொள்ளலாம் என்கிறார் மருத்துவர் அருண் கார்த்திக்.

1. வெஜிடபிள் சாலட்:

கேரட், பீட்ரூட், வெள்ளரி உட்பட அனைத்து காய்கறிகளும் உருளை மற்றும் மரவல்லி கிழங்கைத் தவிர மற்ற காய்கறிகளை சாலட் வடிவலில் எடுத்துக் கொள்ளலாம். 100 கிராம் காய்கறிகளில் 30 கலோரிகள் கிடைக்கும். அதிலும் பைபர், விட்டமின்கள் ஏ, பி, சி, கே, நீர்ச்சத்து, மற்ற ஊட்டச்சத்துகளும் போதியளவில் கிடைக்கும். எளிதில் தயாரித்து உண்ணக்கூடியவை. ஒரு பிளேட் வெஜிடபிள் சாலட் சாப்பிட்டால் 3 மணி நேரத்திற்கு பசிக்காது.

2. மோர்:

250 மில்லிலிட்டர் மோரில் 90 கலோரிகள் மட்டுமே உள்ளன. ஆனால், இதில் அதிகளவு புரோட்டீன்கள் இருப்பதால் மனிதனுக்கு அன்றாட தேவை கால்சியம் இதில் பாதியே போதும். புரோபயாடிக் இருப்பதால், குடல் ஆரோக்கியத்திற்கும் மோர் மிக நல்லது. அஜீரண பிரச்னை உள்ளவர்கள் புளிப்பு அதிகம் இல்லாத மோரை எடுத்துக் கொள்வது நல்லது. சிறுநீர் பிரச்னை உள்ளவர்கள் மோர் அதிகம் பருக வேண்டும்.

3. தக்காளி ஜூஸ்:

250 மில்லிலிட்டர் தக்காளி ஜூஸில் 30 முதல் 40 கலோரிகள் வரை மட்டுமே உள்ளன. இதில் லைகோபீன், விட்டமின்கள் ஏ, பி, சி, கே போன்ற ஊட்டச்சத்துகள் உள்ளன. சுவையாகவும் இருக்கும். தயாரிப்பதும் எளிது.

4. முட்டையின் வெள்ளை கரு:

6 வெள்ளை கருவில் 25 கிராம் புரோட்டீன்கள் உள்ளன. 100-க்கும் குறைவான கலோரிகளே முட்டையின் வெள்ளை கருவில் உள்ளன. சர்க்கரை அளவு அதிகரிக்காதது என்பதால், கிட்னி பிரச்னை உள்ளவர்களைத் தவிர அனைவரும் எடுத்துக் கொள்ளலாம்.

5. பாப்கார்ன்:

சோள பாப்கார்னில் கலோரிகள் மிக குறைந்த அளவே உள்ளன. 3 பெரிய கப் பாப்காரினில் 100 கலோரிகள்தான் இருக்கும். நார்ச்சத்து, இரும்புச் சத்து, மெக்னீசியம் அதிகளவில் உள்ளன. சுவையாக இருப்பதால், எந்த வேளையிலும் எடுத்துக் கொள்ளலாம்.