டேஸ்ட் வேற மாறி... நொய் அரிசி கிச்சடி; சிம்பிள் ஸ்டெப்ஸ்!

காலை உணவு அல்லது இரவு உணவுக்கு ஏற்ற எளிய மற்றும் ஆரோக்கியமான உணவு நொய் அரிசி கிச்சடி. வழக்கமான அரிசியைவிட, நொய் அரிசியில் தயாரிக்கப்படும் இந்த கிச்சடி, வயிற்றுக்கு இதமானதாகவும், ஜீரணிக்க எளிதாகவும் இருக்கும். நொய் அரிசி கிச்சடியை எப்படி சுவையாகத் தயாரிப்பது என்பது குறித்து இந்தப் பதிவில் காணலாம்.

தேவையான பொருட்கள் மற்றும் செய்முறை:

இந்த கிச்சடிக்குத் தேவையான பொருட்களை வதக்கும்போதுதான் அதன் சுவையே தொடங்குகிறது. ஒரு குக்கரில் எண்ணெய் ஊற்றி, கடுகு, உளுத்தம் பருப்பு, கடலைப்பருப்பு, சீரகம், முந்திரி, கறிவேப்பிலை, காய்ந்த மிளகாய், பெருங்காயத்தூள் ஆகியவற்றைச் சேர்த்துத் தாளிக்க வேண்டும். இந்தக் கலவையுடன், பொன்னிறமாக வதக்கிய வெங்காயம், பூண்டு, பச்சை மிளகாய் மற்றும் தக்காளி சேர்த்து நன்றாக வதக்க வேண்டும்.

மஞ்சள் தூள் சேர்த்து வதக்கிய கலவையில், ஒரு கிளாஸ் நொய் அரிசிக்கு 3 கிளாஸ் தண்ணீர் என்ற விகிதத்தில் ஊற்றவேண்டும். அதனுடன், கல் உப்பு, கொத்தமல்லி, ஒரு ஸ்பூன் நெய் சேர்த்து, தண்ணீர் கொதித்ததும், நொய் அரிசியைச் சேர்க்க வேண்டும். இதுதான் கிச்சடி குழையாமல் இருப்பதற்கான ரகசியம். குக்கரை மூடி, 2 விசில் வரும் வரை காத்திருந்து, பிறகு தீயை குறைத்து, 3-வது விசில் வரும் வரை சமைக்க வேண்டும். இப்படிச் செய்யும்போது அரிசி நன்றாக வெந்து, சரியான பதத்தில் இருக்கும். குக்கரின் அழுத்தம் குறைந்ததும், மூடியைத் திறந்து, சூடாகப் பரிமாறலாம். கிச்சடி பரிமாறும்போது, மேலே சிறிது நெய் சேர்த்துச் சாப்பிட்டால் அதன் சுவை இன்னும் கூடும். நொய் அரிசி கிச்சடி, குழந்தைகளுக்கும் வயதானவர்களுக்கும் ஏற்ற ஒரு சத்தான உணவாகும். 

View this post on Instagram

A post shared by Kuralarasi/swetha (@myselftime_87)