பேச்சுலர்ஸ் ரெசிபி: சாதம் டூ சப்பாத்திக்கு செம்ம காம்பினேஷன்; இத ட்ரை பண்ணுங்க!

தோசை, சாதம், சப்பாத்தி எனப் பலவற்றுக்கும் கச்சிதமாகப் பொருந்தும் ஒரு சுவையான சைடிஷ் தேடுகிறீர்களா? அப்படியானால், இந்த கடலைப்பருப்பு கிரேவி உங்களுக்கு ஒரு அருமையான தேர்வாக இருக்கும். இதைச் செய்வது மிகவும் எளிது, மேலும் இதன் தனித்துவமான சுவை பேச்சுலர்ஸ்க்கு ரொம்ப பிடிக்கும். இந்த சுவையான கிரேவியை மைச்ல்ஃப்டைம் இன்ஸ்டா பக்கத்தில் செய்து காட்டியிருப்பது பற்றி பார்ப்போம். 

தேவையான பொருட்கள்:

கடலைப்பருப்பு - 1 கப்  
எண்ணெய் - 4 டேபிள்ஸ்பூன்
சீரகம் - 1/2 டீஸ்பூன்
சோம்பு - 1/2 டீஸ்பூன்
கறிவேப்பிலை - 2 கொத்து
பச்சை மிளகாய் - 2  
பெரிய வெங்காயம் - 2  
உப்பு - 1 டீஸ்பூன்  
மஞ்சள் தூள் - 1/2 டீஸ்பூன்
தக்காளி - 1 பெரியது 
சிக்கன் மசாலா - 1 டீஸ்பூன்
மிளகாய் தூள் - 1 டீஸ்பூன்
தனியா தூள் - 1 டீஸ்பூன்
தண்ணீர் - 1 கப்
கொப்புரை தேங்காய் - தேவையான அளவு
சீரகம் சோம்பு தூள் - 1 டீஸ்பூன்
கொத்தமல்லி இலைகள் 

செய்முறை:

முதலில், ஒரு பாத்திரத்தில் எண்ணெய் ஊற்றி சூடாக்கவும். எண்ணெய் காய்ந்ததும், சீரகம், சோம்பு, கறிவேப்பிலை, நறுக்கிய பச்சை மிளகாய் சேர்த்து நன்கு வதக்கவும். பின்னர், நறுக்கிய பெரிய வெங்காயத்தை சேர்த்து, பொன்னிறமாகும் வரை நன்கு வதக்கவும்.

வெங்காயம் வதங்கியதும், உப்பு மற்றும் மஞ்சள் தூள் சேர்த்து ஒரு முறை கிளறி விடவும். இப்போது, அரை மணி நேரம் ஊறவைத்த கடலைப்பருப்பை சேர்த்து, 2-3 நிமிடங்கள் நன்கு வதக்கவும்.

அடுத்து, நறுக்கிய பெரிய தக்காளியை சேர்த்து நன்கு கலக்கவும். பின்னர், சிக்கன் மசாலா, மிளகாய் தூள், தனியா தூள் சேர்த்து, மசாலா வாசனை போகும் வரை நன்கு வதக்கவும்.

ஒரு கப் தண்ணீர் சேர்த்து நன்கு கலந்து, மிதமான தீயில் 3 நிமிடங்கள் கொதிக்க விடவும். கிரேவி கொதித்ததும், துருவிய கொப்புரை தேங்காய் மற்றும் சீரகம் சோம்பு தூள் சேர்க்கவும். உப்பு தேவைப்பட்டால் சரிபார்த்து சேர்த்து, குறைந்த தீயில் கடலைப்பருப்பு நன்கு வேகும் வரை கொதிக்க விடவும்.

இறுதியாக, நறுக்கிய கொத்தமல்லி இலைகள் தூவி அடுப்பை அணைத்து விடவும். அவ்வளவுதான்!  சுவையான கடலைப்பருப்பு கிரேவி தயார். இதை சூடான தோசை, ஆவி பறக்கும் சாதம் அல்லது சுவையான சப்பாத்தியுடன் பரிமாறலாம். 

View this post on Instagram

A post shared by Kuralarasi/swetha (@myselftime_87)