பிங்க் கலரு சட்னி... இந்த காய்கறி கொஞ்சம் போதும்; குழந்தைகள் விரும்பி சாப்பிடுவாங்க!

பீட்ரூட்டில் மெக்னீசியம், பாஸ்பரஸ், சோடியம், பொட்டாசியம், நைட்ரேட், கால்சியம், காப்பர், செலினியம், ஜிங்க், இரும்புச்சத்து, விட்டமின் சி, ஃபோலாசின், பீட்டா கரோட்டின், மாவுச்சத்து மற்றும் மாங்கனீசு போன்ற பல முக்கியமான சத்துக்கள் நிறைந்துள்ளன. இவை அனைத்தும் நம் உடலுக்கு தேவையான முக்கிய ஊட்டச்சத்துக்களாகும், எளிதில் கிடைக்கக்கூடிய, இயற்கையான மூலமாக பீட்ரூட் இருக்கிறது என்பதே அதன் சிறப்பு. மேலும், பீட்ரூட்டின் இலைகளிலும் இதே சத்துக்கள் இருப்பதால், முழுமையாக நன்மைகளை பெறலாம்.

பொதுவாக நாம் பீட்ரூட்டை பொரியல் செய்து சாப்பிடுகிறோம். ஆனால் அதில் உள்ள அனைத்து சத்துக்களையும் முழுமையாக பெறுவதற்காக, புதிய முறையில் பீட்ரூட் சட்னி செய்யும் வழியை அறிந்து கொள்வது நல்லது. பீட்ரூட் சட்னி என்பது ஒரு சுவைதரும் மற்றும் ஆரோக்கியம் நல்கும் உணவு வகை ஆகும். இது இட்லி, தோசை போன்ற உணவுகளுடன் சேர்த்து சாப்பிடுவதற்கு மிகவும் பொருத்தமாக இருக்கும்.

இந்த சட்னி செய்வதற்கான செய்முறை எளிமையானது, வீட்டில் உள்ள இயற்கை பொருட்களைக் கொண்டு விரைவில் தயாரிக்க முடியும். பீட்ரூட்டின் தனித்துவமான சுவையும், சத்துக்களும் சேர்ந்து, உங்கள் உடலை பலவகையில் ஆரோக்கியமாக்கும். இதை தொடர்ந்து எப்படி சுவையாகவும், ஆரோக்கியமாகவும் பீட்ரூட் சட்னியை வீட்டிலேயே செய்யலாம் என்று பார்க்கலாம்.

தேவையான பொருட்கள்

பீட்ரூட் - 2
வரமிளகாய் - 4
கடலைப்பருப்பு - 2 தேக்கரண்டி
கறிவேப்பிலை - ஒரு இணுக்கு
தேங்காய் - ஒரு துண்டு
சின்ன வெங்காயம் - 4
புளி - சிறிதளவு
எண்ணெய், உப்பு - தேவையான அளவு

செய்முறை

தேவையான பொருட்களைத் தயார் செய்து, பீட்ரூட்டை நன்கு துருவிக் கொள்ளவும். தேங்காயை சிறிய துண்டுகளாக வெட்டிக் வைக்கவும். ஒரு வாணலியில் சிறிது எண்ணெய் ஊற்றி, வரமிளகாய் முதல் சின்ன வெங்காயம் வரை உள்ள பொருட்களை வதக்கி நன்கு ஆறவைக்க வேண்டும். அதன்பின் அதே வாணலியில் சிறிது எண்ணெய் ஊற்றி, துருவிய பீட்ரூட்டை வதக்கி, சிறிது நீர் சேர்த்து சுட வைத்து வேகவைக்கவும்.

வதக்கி ஆறவைத்த பொருட்களுடன் புளி மற்றும் உப்பை சேர்த்து, அனைத்து பொருட்களையும் அரைத்து குழைத்து, பிறகு வேகவைத்த பீட்ரூட்டையும் அதனுடன் சேர்த்து நன்கு அரைத்தெடுக்கவும்.

View this post on Instagram

A post shared by Praveen (@southindianasmr2.0)

இதனால் சுவையான பீட்ரூட் சட்னி தயாராகும். இந்த சட்னி இட்லி, தோசை, கோதுமை தோசை போன்ற உணவுகளுடன் சிறந்த ஏற்றதாக இருக்கும்.