உடல்சூட்டை தணிக்க செம்ம டிரிங்க்... காலை எழுந்ததும் இப்படி செஞ்சு குடிங்க: டாக்டர் கௌதமன்

கொத்தமல்லியில் ஆன்டி மைக்ரோபையல், நோய் எதிர்ப்பு சக்தியை அதிகரிக்கும் திறன் உள்ளது. ரத்த சர்க்கரையின் அளவை சமநிலையில் வைத்திருக்க  உதவுகிறது. இதனை நீங்கள் ஜூஸ் செய்தும் பருகலாம்.

கொத்தமல்லி ஜூஸ்:

கொத்தமல்லி இலையை சிறு சிறு துண்டுகளாக வெட்டி நீர் ஊற்றி கழுவி, மிக்சியில் அதனுடன் சிறிதளவு சீரகம், எலுமிச்சை சாறு போட்டு நன்கு அரைத்து எடுக்க வேண்டும். அதனுடன் தேவையான அளவு நாட்டுச் சர்க்கரை போட்டு பருகலாம். கொத்தமல்லி இலைகளுக்கு இயற்கையில் குளிர்ச்சி இருப்பதால் காலையில் வெறும் வயிற்றில் கொத்தமல்லி ஜீஸ் குடிப்பதால் உடல்சூடு தணிகிறது என்கிறார் மருத்துவர் கௌதமன்.

கொத்தமல்லி ஜூஸ் சரும பிரச்சனைகளை போக்க வல்லது. குறிப்பாக சரும வறட்சி மற்றும் பூஞ்சையால் ஏற்படும் நோய்கள் போன்றவற்றை சரி செய்யக்  கூடியது. கொத்தமல்லியில் உள்ள என்சைம் கெட்ட கொலஸ்ட்ராலை குறைத்து இதயத்தை ஆரோக்கியமாகவும் சீராகவும் செயல்பட வைக்கும். ரத்த சோகை  இருப்பவர்கள் இதை குடித்தால் நல்ல பலனை பெறலாம். மேலும் இரத்த அழுத்த பிரச்சனை இருப்பவர்கள் இதை தொடர்ச்சியாக குடித்து வந்தால் இரத்த  அழுத்தம் குறையும்.
 
செரிமானத்தை சீராக்கி குடல் மற்றும் இரைப்பைக்கு நன்மை அளிக்கிறது. கொத்தமல்லி அதிக அளவிலான கால்சியத்தை கொண்டுள்ளது. எனவே எலும்பு சம்மந்தப்பட்ட பிரச்சனைகள் வராது.

கொத்தமல்லி இலையில் கலோரிகள் குறைவாகவும், நார்ச்சத்து அதிகமாகவும் உள்ளது. இது முழுக்க முழுக்க  எடை குறைப்புக்கு உதவுகின்றன. மேலும், இந்த ஜூஸை வெறும் வயிற்றில் தொடர்ந்து சில நாட்கள் குடித்து வந்தால், உங்கள் எடை விரைவாக குறையும். இதை குடிக்கும் பொத இனிப்பு செர்க்காமல் குடிக்க வேண்டும்.