வெரைட்டி சாதத்துக்கு பெஸ்ட் சைடிஷ்: ஈஸி டிப்ஸ்

வெரைட்டி சாதங்களுக்கு ஏற்ற சைடிஷ் தேடுகிறீர்களா மசாலா கடலை ஒரு அருமையான தேர்வு. சுலபமாக செய்யக்கூடிய இந்த ரெசிபி, உங்கள் மதிய உணவிற்கு ஒரு புதிய சுவையை சேர்க்கும். கறிவேப்பிலை, வெங்காயம், மற்றும் காரமான மசாலாக்களின் கலவை, உங்கள் வெரைட்டி சாதத்தின் சுவையை அதிகரிக்கும் மேலும் இது சத்தானதும் கூட. எனவே பிள்ளைகளுக்கு இதனை வாரம் மூன்று முறை கூட செய்து கொடுத்து அனுப்பலாம். இதனை எப்படி செய்வது என்று காத்துவாக்குல சமையல் இன்ஸ்டா பக்கத்தில் செய்து காட்டியிருப்பது பற்றி பார்ப்போம். 

தேவையான பொருட்கள்:

கொண்டைக்கடலை - 200 கிராம்
வெங்காயம் - 2
சோம்பு - 1 தேக்கரண்டி
கறிவேப்பிலை - சிறிதளவு
உப்பு - 1 தேக்கரண்டி
மஞ்சள் தூள் - 1/2 தேக்கரண்டி
காஷ்மீரி மிளகாய் தூள் - 1 தேக்கரண்டி
மல்லித்தூள் - 1 தேக்கரண்டி
கரம் மசாலா - 1 தேக்கரண்டி
எலுமிச்சை - 1/2 பழம்

செய்முறை:

முதலில், கொண்டைக்கடலையை 6-8 மணிநேரம் ஊறவைத்து, பிறகு உப்பு சேர்த்து வேகவைக்கவும். ஒரு கடாயில் எண்ணெய் விட்டு, சோம்பு மற்றும் கறிவேப்பிலை சேர்த்து தாளிக்கவும். நறுக்கிய வெங்காயத்தை சேர்த்து பொன்னிறமாக வதக்கவும்.

பிறகு, மஞ்சள் தூள், காஷ்மீரி மிளகாய் தூள், மல்லித்தூள், மற்றும் கரம் மசாலா சேர்த்து, மசாலா வாசனை வரும் வரை வதக்கவும். வேகவைத்த கொண்டைக்கடலையை சேர்த்து, மசாலா கடலையில் நன்கு படும்படி கலக்கவும். தேவையான அளவு உப்பு சேர்த்து, அடுப்பை சிம்மில் வைத்து 5 நிமிடங்கள் வேகவிடவும்.

View this post on Instagram

A post shared by Kaathuvaakula_samayal (@kaathuvaakulasamayal)

கடைசியாக, அரை எலுமிச்சையின் சாற்றை பிழிந்து, நன்றாக கலந்து அடுப்பை அணைக்கவும். இந்த சுவையான மசாலா கடலையை, புளி சாதம், எலுமிச்சை சாதம், அல்லது தக்காளி சாதத்துடன் பரிமாறலாம். இதன் தனித்துவமான சுவை, உங்கள் உணவிற்கு மேலும் ஒரு சிறப்பு சேர்க்கும். எளிதாகவும் விரைவாகவும் தயாரிக்கக்கூடிய இந்த மசாலா கடலை, உங்கள் வீட்டு சமையலில் நிச்சயம் இடம்பெற வேண்டிய ஒரு ரெசிபி.