பேச்சுலர்சுக்கு கிடைத்த வரப்பிரசாதம்... இந்த தொக்கு ஒரு வாரம் ஆனாலும் கெடாது; செம்ம ருசி!

இட்லி, தோசை, சப்பாத்தி மற்றும் சாதத்துடன் சேர்த்து சாப்பிட அருமையான வெங்காயத் தொக்கு செய்வது எப்படி என்று இங்கே பார்க்கலாம். காயூஸ் கிச்சன் இன்ஸ்டா பக்கத்தில் கூறியிருப்பது இது மிகவும் எளிமையான, ஆனால் சுவையான ஒரு செய்முறையாகும்.

தேவையான பொருட்கள்:
வெங்காயம் - 4 
மிளகாய் தூள் - 1 முதல் 1.5 டேபிள்ஸ்பூன்
சீரகம் - 1 டீஸ்பூன்
புளி - 1 நெல்லிக்காய் அளவு
உப்பு - தேவையான அளவு
வெல்லம் - 1 டேபிள்ஸ்பூன்
நல்லெண்ணெய் - 3 டேபிள்ஸ்பூன்
கடுகு - 1 டீஸ்பூன்
பெருங்காயத்தூள் - 1/2 டீஸ்பூன்
கறிவேப்பிலை - சிறிது

செய்முறை:

முதலில், நறுக்கிய வெங்காயம், மிளகாய் தூள், சீரகம், புளி ஆகியவற்றை மிக்ஸியில் சேர்த்து, நைசாக அரைத்து தனியே வைத்துக் கொள்ளுங்கள். ஒரு கடாயில் நல்லெண்ணெய் ஊற்றி சூடாக்கவும். எண்ணெய் காய்ந்ததும், கடுகு, பெருங்காயத்தூள் மற்றும் கறிவேப்பிலை சேர்த்து தாளிக்கவும்.

தாளித்ததும், அரைத்து வைத்துள்ள வெங்காய விழுதை கடாயில் சேர்க்கவும். இதனுடன் உப்பு மற்றும் வெல்லம் சேர்த்து நன்கு கலக்கவும்.

கடாயை மூடி, 10 முதல் 12 நிமிடங்கள் வரை அல்லது எண்ணெய் பிரிந்து வரும் வரை வேக விடவும். அவ்வளவுதான், உங்கள் சுவையான வெங்காயத் தொக்கு தயார்.

இந்த வெங்காயத் தொக்கு இட்லி, தோசை, சப்பாத்தி மற்றும் சாதத்துடன் சேர்த்து சாப்பிட மிகவும் அருமையாக இருக்கும். சாதத்துடன் சாப்பிடும்போது சிறிது நெய் சேர்த்துக்கொண்டால் சுவை இன்னும் கூடும். 

View this post on Instagram

A post shared by Kayus Kitchen (@kayus_kitchen)