குழந்தைகள் விரும்பிச் சாப்பிடும் காலிஃபிளவர் கிரேவி: அடடா, இவ்வளவு டேஸ்டா இருக்குமா?

காலிஃபிளவர் என்றாலே சில குழந்தைகள் முகத்தைச் சுளிப்பார்கள். ஆனால், இந்தக் கிரேவி முறையில் செய்தால் விரும்பிச் சாப்பிடுவார்கள். சப்பாத்தி, தோசை, இட்லி, சாதம் என எல்லாவற்றுக்கும் சூப்பராக இருக்கும்.  இந்தக் காலிஃபிளவர் கிரேவி குழந்தைகள் நிச்சயம் விரும்பிச் சாப்பிடும் ஒரு சுவையான உணவாக இருக்கும்.

தேவையான பொருட்கள்:

காலிஃபிளவர், பட்டாணி - 1/2 கப் வேகவைத்தது, பட்டை ஏலக்காய், கிராம்பு, சோம்பு - 1 தேக்கரண்டி, பிரியாணி இலை, வெங்காயம் - 2 பூண்டு - 6 பற்கள், இஞ்சி, முந்திரி - 15, தக்காளி - 1, தண்ணீர், எண்ணெய், சீரகம் - 1 தேக்கரண்டி, மஞ்சள் தூள் - 1/4 தேக்கரண்டி, கஷ்மீரி மிளகாய் தூள் - 2 தேக்கரண்டி, சீரக தூள் - 1 தேக்கரண்டி, தனியா தூள் - 1 தேக்கரண்டி, கரம் மசாலா - 1/2 தேக்கரண்டி, உப்பு, தண்ணீர், கசூரி மேத்தி, கொத்தமல்லி இலை நறுக்கியது.

செய்முறை:

ஒரு காலிஃபிளவர் எடுத்து, சிறிய அளவிலான பூக்களாக நறுக்கி, வெந்நீரில் ஊறவைத்து வடிகட்டவும். இதனுடன் உப்பு, மஞ்சள் தூள், மிளகாய் தூள் சேர்த்து நன்கு கலக்கவும். ஒரு கடாயில் எண்ணெய் விட்டு காலிஃபிளவர் துண்டுகளை சேர்த்து 5 நிமிடம் வறுக்கவும். அதே கடாயில் எண்ணெய் சேர்த்து, முழு மசாலாவையும் சேர்க்கவும். அதை வறுத்து பொடியாக நறுக்கிய வெங்காயம், பூண்டு மற்றும் இஞ்சி, 15 முந்திரி பருப்பு, தக்காளி பொடியாக நறுக்கி சேர்த்து வதக்கவும். மிக்சி ஜாடிக்கு மாற்றி சிறிது தண்ணீர்சேர்த்து மிக்ஸியில் அரைக்கவும். ஒரு அகலமான கடாயில், எண்ணெய் சேர்த்து, சீரகம், அரைத்த மசாலா விழுது சேர்த்து வதக்கவும். பின் மஞ்சள் தூள், காஷ்மீரி மிளகாய் தூள், சீரக தூள், கொத்தமல்லி தூள், கரம் மசாலா தூள், உப்பு சேர்த்து அனைத்தையும் கலக்கவும். பின்னர் தண்ணீர் சேர்த்து வறுத்த காலிஃபிளவர் மற்றும் பட்டாணி சேர்த்து நன்கு கலக்கவும். தண்ணீர் சேர்த்து, ஒன்றாக கலந்து, கடாயை மூடி, சமைக்கவும். சிறிது கசூரி மேத்தி மற்றும் நறுக்கிய கொத்தமல்லி தழை சேர்த்து அனைத்தையும் நன்கு கலக்கவும். சுவையான காலிஃபிளவர் குழம்பு ரொட்டி, சப்பாத்தி, பூரி, இட்லி அல்லது உங்களுக்கு விருப்பமான புலாவ் ஆகியவற்றுடன் பரிமாற தயாராக உள்ளது.