ருசியான இளந்தேங்காய் குழம்பு செய்வது குறித்து இங்கு பார்ப்போம்.
தேவையான பொருட்கள்
சின்ன வெங்காயம் – 1 கப்
இளந்தேங்காய் – 1 மூடி
தக்காளி – 4
புளி – சிறிதளவு
மிளகாய்தூள் – இரண்டரை டீஸ்பூன்
தனியா தூள்- ஒன்றரை டீஸ்பூன்
மஞ்சள் தூள் – கால் டீஸ்பூன்
உப்பு – தேவையான அளவு
தாளிக்க
கடுகு- அரை டீஸ்பூன்
வெந்தயம் – அரை டீஸ்பூன்
சீரகம் – அரை டீஸ்பூன்
எண்ணெய் – தேவையான அளவு
செய்முறை
முதலில் வெங்காயத்தைத் தோலுரித்து, இரண்டாக நறுக்குங்கள். தேங்காயை பல்லுப்பல்லாக நறுக்கிக் கொள்ளுங்கள். புளியை 2 கப் தண்ணீரில் கரைத்துக்கொள்ளுங்கள். அடுப்பில் கடாய் வைத்து எண்ணெய் ஊற்றி காய்ந்ததும் தாளிக்கும் பொருட்களைச் சேர்த்து பொன்னிறமானதும் வெங்காயத்தைப் போட்டு, அது நன்கு வதங்கியதும் நறுக்கிய தக்காளியையும் போட்டு, சிறிது உப்பு சேர்த்து தக்காளி கரையும் வரை வதக்குங்கள்.
அத்துடன் புளித்தண்ணீரை ஊற்றுங்கள். அதில் மிளகாய்தூள், தனியாதூள், நறுக்கிய தேங்காய், தேவையான உப்பு சேர்த்து பச்சை வாசனை போக வதக்கி கெட்டியான பிறகு இறக்குங்கள். அவ்வளவு தான், இளந்தேங்காய் குழம்பு ரெடி. தயிர் சாதத்துக்கு தொட்டுக் கொள்ள சுவையாக இருக்கும்.
“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“