/indian-express-tamil/media/media_files/2025/07/21/coconut-milk-rice-2025-07-21-15-59-51.jpg)
மினி லஞ்ச் என்றாலே தேங்காய் பால் பிரியாணி மிகவும் சுவையாக இருந்ததாம். அந்த சுவையை வீட்டிலும் கொண்டுவர முயற்சி செய்து பாருங்கள். வனிதாஃபுட் வொர்க்ஸ் இன்ஸ்டா பக்கத்தில் கூறியிருப்பது பற்றி பார்ப்போம். இது லஞ்ச் பாக்ஸ்க்கு கூட சுவையாக இருக்கும்.
தேவையான பொருட்கள்:
நெய் - 1 டேபிள் ஸ்பூன்
தேங்காய் எண்ணெய் - 2 டேபிள் ஸ்பூன்
கிராம்பு - 2
ஏலக்காய் - 2
பட்டை - 1 இன்ச்
பிரியாணி இலை - 1
அண்ணாச்சிப்பூ - 1
பச்சை மிளகாய் - 5
கறிவேப்பிலை - 2 கொத்து
வெங்காயம் - 2
இஞ்சி பூண்டு விழுது - 1 டேபிள் ஸ்பூன்
தக்காளி - 1
சீரக சம்பா அரிசி - 2 கிளாஸ்
தேவையான அளவு உப்பு
தேங்காய் - 2
கொத்தமல்லி
செய்முறை:
குக்கரில் நெய் மற்றும் தேங்காய் எண்ணெய் சேர்த்து சூடாக்கவும். இத்துடன் கிராம்பு, ஏலக்காய், பட்டை, பிரியாணி இலை, அண்ணாச்சிப்பூ சேர்த்து வதக்கவும். நீளவாக்கில் நறுக்கிய பச்சை மிளகாய் மற்றும் கறிவேப்பிலை சேர்த்து வதக்கவும். மீடியம் சைஸ் வெங்காயத்தை நீளவாக்கில் நறுக்கி சேர்த்து, பொன்னிறமாக வதக்கவும்.
ஒரு டேபிள் ஸ்பூன் இஞ்சி பூண்டு விழுதை சேர்த்து பச்சை வாசனை போகும் வரை வதக்கவும். ஒரு மீடியம் சைஸ் தக்காளியை சின்ன சின்னதாக நறுக்கி சேர்த்து, நன்கு வதக்கவும். இரண்டு கிளாஸ் சீரக சம்பா அரிசியை நன்கு கழுவி, அரை மணி நேரம் ஊறவைத்து சேர்க்கவும். (இதற்குப் பதிலாக பாஸ்மதி அரிசி அல்லது வழக்கமான அரிசியையும் பயன்படுத்தலாம்). தேவையான அளவு உப்பு சேர்க்கவும்.
இரண்டு மீடியம் சைஸ் தேங்காயை துருவி, மிக்ஸியில் போட்டு தண்ணீர் ஊற்றி அரைத்து, வடிகட்டி தேங்காய் பால் எடுத்துக் கொள்ளவும். ஒன்றேகால் கப் என்ற விகிதத்தில் தேங்காய் பால் சேர்க்கவும். இத்துடன் நறுக்கிய கொத்தமல்லி சேர்த்து, குக்கரை மூடி மூன்று விசில் விட்டு எடுக்கவும். அவ்வளவுதான், கம கமவென தேங்காய் பால் பிரியாணி தயாராகிவிட்டது. சுவை அருமையாக இருக்கும், நிச்சயம் முயற்சி செய்து பாருங்கள்.
Stay updated with the latest news headlines and all the latest Lifestyle news. Download Indian Express Tamil App - Android or iOS.