காரசாரமான ஈவ்னிங் ஸ்நாக்ஸ்: நான்வெஜ் ஸ்டைலில் சுவையான சில்லி சோயா ரெசிபி

வீட்டிற்கு விருந்தினர்கள் வரும்போது அல்லது குடும்பத்தினருடன் மாலை நேரங்களில் சுவையான மற்றும் அசத்தலான ஸ்நாக்ஸ் செய்ய நீங்கள் விரும்பினால், இந்த வீடியோவில் உள்ள சில்லி சோயா ரெசிப்பி உங்களுக்கு உதவும். ஹேமா சுப்ரமணியன் தனது "ஹோம் குக்கிங் தமிழ்" சேனலில் இந்த ரெசிப்பிக்கான செய்முறையை விளக்கியுள்ளார்.

தேவையான பொருட்கள்:

சோயா  
உப்பு 
மிளகாய் தூள்  
இஞ்சி பூண்டு பேஸ்ட் 
சோள மாவு - 1/4 கப்  
எண்ணெய்
நறுக்கிய பூண்டு  
நறுக்கிய இஞ்சி 
வெங்காயம்  
வினிகர்  
சோயா சாஸ்  
சில்லி சாஸ்  
தக்காளி கெட்சப்  
வெங்காயத்தாள்

செய்முறை:

100 கிராம் பெரிய அல்லது நடுத்தர அளவு சோயா சங்க்ஸ்களை ஒரு பாத்திரத்தில் போட்டு, சுடு தண்ணீர் ஊற்றி 15 நிமிடங்கள் ஊற வைக்கவும். சோயா நன்கு ஊறி மென்மையடைந்ததும், அதிகப்படியான நீரை பிழிந்து எடுத்து வேறு ஒரு பாத்திரத்தில் போடவும்.

ஊறிய சோயாவுடன் 1 டீஸ்பூன் உப்பு, 2 டீஸ்பூன் மிளகாய் தூள், 1 டீஸ்பூன் இஞ்சி பூண்டு விழுது சேர்த்து நன்கு கலக்கவும். சோயாவின் ஒவ்வொரு துண்டிலும் மசாலா ஒட்டியிருக்க வேண்டும். பிறகு கால் கப் சோள மாவு சேர்த்து நன்கு கலக்கவும். சோயாவின் அளவுக்கு ஏற்ப மசாலா மற்றும் சோள மாவின் அளவுகளை மாற்றிக்கொள்ளலாம்.

ஒரு கடாயில் பொரிப்பதற்கு தேவையான அளவு எண்ணெய் ஊற்றி, மிதமான தீயில் சூடாக்கவும். எண்ணெய் சூடானதும், சோயாவை சிறிது சிறிதாகப் போட்டு பொன்னிறமாகப் பொரித்து எடுக்கவும். எல்லாப் பக்கமும் ஒரே மாதிரி பொரிய கிண்டி விடவும்.

ஒரு அகலமான பேனில் 1 டேபிள்ஸ்பூன் எண்ணெய் ஊற்றி, பொடியாக நறுக்கிய 2 டீஸ்பூன் பூண்டு, 2 டீஸ்பூன் இஞ்சி சேர்த்து வதக்கவும். அத்துடன் பெரிய துண்டுகளாக நறுக்கிய ஒரு வெங்காயம், ஒரு குடைமிளகாய் சேர்த்து வதக்கவும். இதில் கால் டீஸ்பூன் உப்பு, சிறிது மிளகுத்தூள் சேர்த்து கலக்கவும்.

1 டீஸ்பூன் வினிகர், 2 டீஸ்பூன் சோயா சாஸ், 2 டேபிள்ஸ்பூன் சில்லி சாஸ், 2 டேபிள்ஸ்பூன் தக்காளி கெட்சப் சேர்த்து நன்கு கலக்கவும். காரத்திற்கு 1 டீஸ்பூன் மிளகாய் தூள் சேர்க்கலாம். ஒரு டீஸ்பூன் சோள மாவை கால் கப் தண்ணீரில் கட்டி இல்லாமல் கரைத்து சாஸில் சேர்த்து கலக்கவும். சாஸ் கெட்டியானதும், பொரித்த சோயாவை சேர்த்து நன்கு கிளறவும். 

உங்களுக்கு கிரேவி அதிகம் தேவைப்பட்டால், கூடுதல் தண்ணீர் சேர்க்கலாம். இறுதியாக, நறுக்கிய வெங்காயத்தாள் மற்றும் பச்சை மிளகாய் சேர்த்து கலக்கி, சுவையான சில்லி சோயாவை சூடாகப் பரிமாறவும்.