சுடச் சுட முறுகலா வெங்காய பக்கோடா... இந்த குளிர் காலத்துக்கு ஏற்ற ஈவ்னிங் ஸ்நாக்ஸ்!

ரொம்பவும் சிம்பிளான மொறு மொறுப்பான  வெங்காய பக்கோடா செய்வது பற்றி இங்கு பார்ப்போம். வெங்காய பக்கோடா செய்ய இந்த பதம் ரொம்பவும் முக்கியமாம் அப்போது தான் மொறு மொறுப்பாக வரும் என்று கூறியுள்ளார். 

வெங்காயம்
உப்பு
பூண்டு
இஞ்சி
சோம்பு, தனியா 
பச்சை மிளகாய்
சமையல் எண்ணெய்
கான்பிளவர் மாவு
கடலை மாவு

முதலில் பெரிய வெங்காயம் எடுத்து அதை மெலிசாக நறுக்கி கொள்ளவும். இப்போது நறுக்கி வெங்காயத்தை பாத்திரத்தில் போடவும்.  அடுத்தாக உப்பு, பூண்டு, இஞ்சி எடுத்து இதை மிக்ஸியில் போட்டு அரைத்து வெங்காயத்துடன் சேர்க்கவும். இதே போல் பச்சை மிளகாயையும் அரைக்கவும். இதையும் அரைத்து சேர்க்கவும். சோம்பு, தனியா, சமையல் எண்ணெய் சேர்த்து நன்கு கலக்கவும்.

அடுத்ததாக இதில் கான்பிளவர் மாவு, கடலை மாவு சேர்க்கவும். எல்லாவற்றையும் சேர்த்து கொஞ்சம் தண்ணீர் தெளித்து கலக்கவும். ஈரப்பதம் இருந்தால் போதும். இப்போது கடாயில் எண்ணெய் ஊற்றி சூடானதும் பக்கோடா மாவை  எண்ணெய்யில் உதிர்த்தி விடவும். ரொம்பவும் போட்டு கிளறக் கூடாது.

பக்கோடா உடைந்து விடும். குறைந்த தீயில் வைத்து 7-8 நிமிடம் வேக விடவும். கோல்டன் ப்ரௌன் நிறத்தில் வந்த பின் எடுத்தால் மொறு மொறு வெங்காய பக்கோடா ரெடி.