சம்மரில் உடலை சில்லுன்னு வைக்க; இந்த காயை இப்படி செய்து சாப்பிடுங்கள்

வெயில் காலங்களில் உடலை குளிர்ச்சியாகவும், புத்துணர்ச்சியுடனும் வைத்திருக்க உதவும் ஒரு எளிய மற்றும் சுவையான ரெசிபி தான் வெள்ளரிக்காய் சாலட். "ஹோம் குக்கிங் தமிழ்" சேனல் வழங்கும் இந்த ரெசிபி, ஆரோக்கியமான மற்றும் விரைவான உணவைத் தேடுபவர்களுக்கு ஒரு சிறந்த தேர்வாகும்.

தேவையான பொருட்கள்:

வெள்ளரிக்காய் - 4
நறுக்கிய வெங்காயம் - 1
யோகர்ட் / தயிர் - 100 கிராம்
உப்பு - 1/2 டீஸ்பூன்
பொடித்த மிளகு - தேவையான அளவு
சில்லி ஃபிளேக்ஸ் - 1/2 டீஸ்பூன்
பூண்டு - 1 பல் (நறுக்கியது)
எக்ஸ்ட்ரா வெர்ஜின் ஆலிவ் ஆயில் - 2 டீஸ்பூன்
பொடியாக நறுக்கிய கொத்தமல்லி இலை - தேவையான அளவு

செய்முறை:

நான்கு வெள்ளரிக்காய்களை எடுத்து, மெல்லிய வட்டத் துண்டுகளாக நறுக்கிக் கொள்ளவும். ஒரு வெங்காயத்தை பொடியாக நறுக்கிக் கொள்ளவும். ஒரு பாத்திரத்தில் 100 கிராம் யோகர்ட் அல்லது தயிரை எடுத்துக் கொள்ளவும்.

அதில் 1/2 டீஸ்பூன் உப்பு, பொடித்த மிளகு, 1/2 டீஸ்பூன் சில்லி ஃபிளேக்ஸ் ஆகியவற்றைச் சேர்க்கவும். ஒரு பல் பூண்டை நசுக்கி அல்லது பொடியாக நறுக்கி தயிர்க் கலவையுடன் சேர்க்கவும். 2 டீஸ்பூன் எக்ஸ்ட்ரா வெர்ஜின் ஆலிவ் ஆயிலைச் சேர்த்து நன்றாகக் கலக்கவும்.

நறுக்கிய வெள்ளரிக்காய் மற்றும் வெங்காயத்தை தயிர்க் கலவையுடன் சேர்த்து மெதுவாகக் கலக்கவும். கடைசியாக, பொடியாக நறுக்கிய கொத்தமல்லி இலைகளைத் தூவி அலங்கரிக்கவும்.

இந்த சாலட்டை தயாரித்த உடனேயே ஃப்ரெஷ்ஷாகப் பரிமாறி உடனடியாகச் சாப்பிடுவது சிறந்தது. இந்த வெள்ளரிக்காய் சாலட், கோடை காலத்தில் உடலை நீரேற்றமாக வைத்திருக்கவும், புத்துணர்ச்சியை அளிக்கவும் உதவும் ஒரு அருமையான தேர்வாகும்.