கூல் டிரிங்க்ஸ் சுத்தமா பிரயோஜனம் இல்லை... இந்த வெயிலுக்கு இத மட்டும் குடிங்க: சொல்லும் டாக்டர் அருண்குமார்

கோடை வெயில் தற்போதே வெளுத்து வாங்கி வருகிறது. இந்த வெயிலில் இருந்து தப்பிக்க சில முன்னெச்சரிக்கை நடவடிக்கைகளை நாம் எடுத்தாக வேண்டியிருக்கிறது. அந்த வகையில், நமது உடல் ஆரோக்கியத்தை பேணவும், உடலை குளிர்ச்சியாக வைத்திருக்கவும் இந்த கோடை காலத்தில் நாம் சாப்பிட வேண்டியவை குறித்து டாக்டர் அருண்குமார் பகிர்ந்துள்ளார். 

இதுகுறித்து தனது யூடியூப் சேனல் வீடியோ ஒன்றில் அவர் பேசுகையில், "இந்த வெயில் காலத்தில்  உடலை குளிர்ச்சியாக வைத்திருக்க சிறந்த உணவு தண்ணீர் தான். அதனால்,  இந்த வெயில்  காலத்தில் தினமும் 4 முதல் 5 லிட்டர் தண்ணீர் பருக வேண்டும். 

பெரும்பாலும் நாம் எடுக்கக்கூடிய உணவுகளில் சோடியம், பொட்டாசியம் போன்ற சத்துக்கள் கிடைக்கும். குறிப்பாக காய்கறி, கீரை மற்றும் சமையலில் உப்பு போட்டு சாப்பிடுதல் போன்றவை மூலம் அவை கிடைக்கிறது. 

ஆனால், செயற்கையான உணவில் எது சிறந்தது என்றால், அது ஓ.ஆர்.எஸ் (வாய்வழி நீரேற்ற தீர்வு) தான். ஓ.ஆர்.எஸ் பாக்கெட் ஒன்றை வெறும் தண்ணீரில் கலந்து சாப்பிட்டு வந்தால், நமக்கு கிடைக்க வேண்டிய சோடியம், பொட்டாசியம், குளோரைடு சத்துக்கள் கிடைத்து விடும்.

இளநீர், மோர், ஓ.ஆர்.எஸ் போன்றவையைத் தவிர வேறு எதுவுமே பிரயோஜனம் கிடையாது. பழ ஜூஸ் கூட  அந்த அளவுக்கு பிரயோஜனம் இல்லை. கூல் டிரிங்ஸ் சுத்தமாக பிரயோஜனம் இல்லை. அதனால், வேற எந்த உணவுகளும் எடுக்க வேண்டிய அவசியம் இல்லை." என்று டாக்டர் அருண்குமார் கூறியிருக்கிறார். 

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.