மூலிகை வயாகரா... விந்து உற்பத்தியை அதிகரிக்க இப்படி குடிங்க: டாக்டர் அஸ்வினி

பெரும்பாலான ஆண்கள், தங்களுக்கு ஏற்படும் உடல் சார்ந்த பிரச்சனைகள் குறித்து அதிகமாக மற்றவர்களுடன் பகிர்ந்து கொள்வதில்லை. அதில் மிக முக்கியமானதாக விந்தணுக்கள் தொடர்பான சந்தேகங்கள் இருக்கின்றனர். குறிப்பாக, விந்தணுக்களின் எண்ணிக்கை மற்றும் தரத்தை எவ்வாறு இயற்கையான முறையில் அதிகரிக்கலாம் என்று நிறைய ஆண்களுக்கு கேள்வி இருக்கும்.

இதற்கான பதிலை மருத்துவர் அஸ்வினி தெரிவித்துள்ளார். இத்தகைய பிரச்சனையை உணவு முறை மாற்றம் மூலமாக சரி செய்து விடலாம் என்று அவர் கூறுகிறார். மேலும், அதற்கான பட்டியலையும் அவர் குறிப்பிட்டுள்ளார். இந்த உணவுகள் குறித்து அறிவியல்பூர்வ ஆய்வுகளும் நடத்தப்பட்டுள்ளன.

இதில் பிரதான இடம் வகிப்பது மூலிகை வயாகரா என்று அழைக்கப்படும் அஸ்வகந்தா. அஸ்வகந்தா எடுத்துக் கொள்வதன் மூலம் உடலில் இரத்த ஓட்டம் சீராக இருக்கும். இதனால், டெஸ்டோஸ்ட்ரோன் ஹார்மோன்களின் உற்பத்தி அதிகரிக்கும். அந்த வகையில் விந்தணுக்களின் தரம் மற்றும் எண்ணிக்கை அதிகரிக்கிறது என்று மருத்துவர் அஸ்வினி தெரிவித்துள்ளார்.

தற்போது பொடி வடிவமாக அஸ்வகந்தா நிறைய மருந்தகங்களில் கிடைக்கிறது. மேலும், அனைத்து நாட்டு மருந்து கடைகளிலும் அஸ்வகந்தா கிடைக்கும். இந்த அஸ்வகந்தா பொடியை தினந்தோறும் ஒன்று முதல் ஒன்றரை ஸ்பூன் அளவில் தண்ணீரில் கலந்து குடிக்கலாம். இது தவிர அஸ்வகந்தா பொடியை பாலில் கலந்து இரவு உறங்குவதற்கு முன்பாக குடிக்கலாம்.

எனினும், இதனை தொடர்ச்சியாக எடுத்துக் கொள்ளும் போது தான் முழு பலன் அளிக்கும் என்று மருத்துவர் அஸ்வினி கூறுகிறார். இத்துடன் சேர்த்து மற்ற சத்தான உணவுகளையும் சாப்பிட வேண்டும். உதாரணத்திற்கு, பூசணி விதைகள், வால்நட், பசலைக் கீரை, வைட்டமின் சி சத்து நிறைந்த ஆரஞ்சு பழம் மற்றும் மீன் வகைகள் போன்ற உணவுகளை தவறாமல் உண்ண வேண்டும்.

இவை அனைத்திலும் ஆண்களின் விந்தணுக்கள் திறனை மேம்படுத்தும் ஆற்றல் நிறைந்திருக்கிறது என்று மருத்துவர் அஸ்வினி அறிவுறுத்துகிறார்.

நன்றி - Dr. Aswini's Diaries Youtube Channel

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.