இதய நலனுக்கு 21 நாள் இதை சாப்பிடுங்க; ஜப்பானீஸ் நீண்ட ஆயுள் சீக்ரெட் இதுதான்: டாக்டர் தீபா

மருத்துவர்கள் நமக்கு அதிகம் பரிந்துரைக்கும் முக்கியமான சத்துக்கள் என்னவென்றால் அயர்ன், கால்சியம், மெக்னீசியம் மற்றும் ஒமேகா 3 தான். ஒமேகா 3 என்பது நமது இதயத்தின் செயல்பாடுகளை அதிகரிக்கிறது. இதயம் சம்பந்தமான பிரச்சனைகளை குறைக்கிறது.

இது வெறும் இதயத்தை மட்டும் பாதுகாப்பதில்லை. நம் மூளையின் செயல்பாட்டை அதிகரிக்கிறது. நமது சருமத்தை பொலிவாக வைக்கிறது. ஜப்பானியர்கள் ஓமேகா 3-யை முக்கிய உணவாக எடுத்துக் கொள்கிறார்கள்.

அதிக வயதில் உடல் நல ஆரோக்கியத்துடன் இருப்பவர்களாக ஜப்பானியர்கள் இருக்கிறார்கள். 100 வயதிற்கு மேல் இருப்பவர் சுமார் ஒரு லட்சம் பேர் இருப்பதாக கூறப்படுகிறது.  மீனில் ஒமேகா 3 இருக்கிறது. அதுமட்டுமல்லாமல், காய்கறிகளிலும் ஒமேகா 3 இருக்கிறது. 

ஒமேகா 3 பயன்கள்

நம் உடம்பில் உள்ள கெட்ட கொழுப்பை கரைத்து நல்ல கொழுப்பை மேம்படுத்தும்.

நமது ரத்த குழாய்களில் உள்ள அடைப்பை நீக்கி நம்முடைய இரத்த தட்டுகளை வலுப்படுத்த ஓமேகா 3 தேவைப்படுகிறது.

சருமத்தில் உள்ள கொலாஜினை அதிகப்படுத்தி சருமத்தை சுருக்கம் வராமல் பார்த்துக் கொள்கிறது.

ஒமேகா 3-யை 21 நாட்களுக்கு தினமும் எடுத்துக் கொண்டால் பல நன்மைகள் கிடைக்கும். இதை பெரியவர்கள் முதல் குழந்தைகள் வரை அனைவரும் ஸ்நாக்ஸாகவும் எடுத்துக் கொள்ளலாம். ஓமேகா 3-யை வைத்து செய்யும் ரெசிபிகள் குறித்து டாக்டர் தீபா கூறியுள்ளார்.

தேவையான பொருட்கள்

ஆலிவ் விதைகள்

தேங்காய்

சுக்கு

சீரகம்

பேரிச்சம் பழம்

நெய்

ஏலக்காய்

செய்முறை

ஆலிவ் விதையை வறுத்து அரைத்து எடுத்துக் கொள்ளவும்.  ஒரு கடாயில் நெய் ஊற்றி பொடித்த ஆலிவ் விதை மற்றும் துருவிய தேங்காயை போட்டு வறுக்க வேண்டும். இதனுடன் சுக்கு, சீரகம், ஏலக்காய் சேர்த்து நன்கு வதக்கவும். 

இதனுடன் அரைத்த பேரிச்சம் பழம் சேர்த்து உருண்டைகளாக பிடித்து கொள்ள வேண்டும். இந்த உருண்டையை தினமும் சாப்பிட்டு வந்தால் ஒமேகா 3 உடலில் அதிகரிக்கும்.

அடுத்ததாக சியா சீட்டை தண்ணீர் அல்லது பாலில் போட்டு ஊற வைக்க வேண்டும். இதனுடன் பாதல், வால்நட் அல்லது வேர்க்கடலையை பொடித்து சேர்த்துக் கொள்ள வேண்டும். இனிப்பிற்காக ஊறவைத்த பேரிச்சம் பழத்தை அரைத்து இதனுடன் சேர்த்து குடிக்க வேண்டும்.

21 நாட்கள் தொடர்ந்து இந்த பாலை குடித்து வந்தால் நமக்கு தேவையான ஓமேகா 3 சத்துக்கள் கிடைப்பதுடன் நமது உடலில் மாற்றம் ஏற்படுவதை நம் கண்ணால் காணலாம்.