நம்ம ஊரு கிழங்கு மீது சீனர்கள் ஆராய்ச்சி... சுகர் நோயாளிகளுக்கு இது பெஸ்ட்: சொல்லும் டாக்டர் கௌதமன்

சமையலறையில் நாம் அன்றாடம் பயன்படுத்தும் பல காய்கறிகள் மற்றும் மூலிகைகளில் மருத்துவ குணங்கள் நிறைந்துள்ளன. குறிப்பாக, தமிழ் பாரம்பரிய உணவுகள் மற்றும் மூலிகை வைத்திய முறைகள் உலக அளவில் ஆய்வாளர்களின் கவனத்தை ஈர்த்து வருகின்றன. சமீபத்திய சீன ஆய்வுகள், சர்க்கரைவள்ளி கிழங்கின் மருத்துவ குணங்களை வெளிப்படுத்தியுள்ளன. இது குறித்த பல்வேறு தகவல்களை மருத்துவர் கௌதமன் நம்ம டாக்டர் என்ற யூடியூப் சேனலில் குறிப்பிட்டுள்ளார்.

இந்த கிழங்கு புற்றுநோய் தடுப்பிலும், நீரிழிவு நோயாளிகளுக்கும் ஒரு சிறந்த உணவாக அமைகிறது. சீன ஆய்வாளர்கள், பாரம்பரிய தமிழ் உணவுகள் மற்றும் மூலிகை வைத்திய முறைகளில் உள்ள மூலக்கூறுகளை கண்டறிந்து, அவற்றை மருந்துப் பொருட்களாக வணிகமயமாக்குவதில் தீவிரமாக ஈடுபட்டுள்ளனர். இந்த ஆய்வுகளில், சர்க்கரைவள்ளி கிழங்கு ஒரு முக்கிய இடத்தைப் பிடித்துள்ளது.

புற்றுநோய் தடுப்புக்காக ஆய்வு செய்யப்பட்ட 100 மூலிகைகளில், சர்க்கரைவள்ளி கிழங்கில் இருந்து பெறப்பட்ட  மூலக்கூறுகள் குறிப்பிடத்தக்க அளவில் நம்பிக்கையளிப்பதாக கண்டறியப்பட்டுள்ளது. வாரத்திற்கு ஒரு முறை சர்க்கரைவள்ளி கிழங்கு சாப்பிடுவது புற்றுநோய் அபாயத்தைக் குறைக்கும் என்று ஆய்வுகள் தெரிவிக்கின்றன. இதில் உள்ள ஆன்டிஆக்ஸிடன்ட்கள் புற்றுநோய் செல்கள் உருவாவதை தடுப்பதாக நம்பப்படுகிறது.

பெரும்பாலான மாவுச்சத்து நிறைந்த காய்கறிகள் சர்க்கரை அளவை அதிகரிக்கும் என்பதால், நீரிழிவு நோயாளிகளுக்கு பரிந்துரைக்கப்படுவதில்லை. ஆனால், சர்க்கரைவள்ளி கிழங்கு இதற்கு ஒரு விதிவிலக்கு. மற்ற கிழங்கு வகைகளுடன் ஒப்பிடும்போது, சர்க்கரைவள்ளி கிழங்கில் அதிக நார்ச்சத்து உள்ளது. இது இரத்த சர்க்கரை அளவை சீராக வைத்திருக்க உதவுகிறது. எனவே, நீரிழிவு நோயாளிகள் தங்கள் உணவில் சர்க்கரைவள்ளி கிழங்கை சேர்த்துக் கொள்வது நன்மை அளிக்கும்.

சர்க்கரைவள்ளி கிழங்கு வெறும் சுவையான உணவு மட்டுமல்ல, பல ஆரோக்கிய நன்மைகளையும் உள்ளடக்கிய ஒரு அற்புதமான கிழங்கு. புற்றுநோய் தடுப்பு முதல் நீரிழிவு மேலாண்மை வரை, இது ஒரு சிறந்த உணவுத் தேர்வாக அமைகிறது. நமது பாரம்பரிய உணவுகளின் மகத்துவத்தை உணர்ந்து, அவற்றை நமது அன்றாட வாழ்வில் இணைத்துக் கொள்வது ஆரோக்கியமான வாழ்க்கைக்கு வழிவகுக்கும்.