இதுக்கு பேரு சர்க்கரை கொல்லி... 2 இலை மென்றால் இனிப்பே தெரியாது; இப்படி யூஸ் பண்ணுங்க: டாக்டர் முருகேசன்

சர்க்கரை நோயின் பாதிப்பு இன்றைய சூழலில் நிறைய பேருக்கு இருக்கிறது. அதன்படி, சர்க்கரை நோய்க்கு மருந்தாக பயன்படும் மூலிகைகள் குறித்து மருத்துவர் முருகேசன் விளக்கம் அளித்துள்ளார். இவை ஏற்படுவதற்கான காரணத்தையும் யூடியூப் சேனலுக்கு அளித்த நேர்காணலில் அவர் குறிப்பிட்டுள்ளார். 

உணவு முறை மாற்றம் மற்றும் வாழ்க்கை முறை மாற்றத்தின் காரணமாக சர்க்கரை நோய் ஏற்படுகிறது என்று மருத்துவர் முருகேசன் தெரிவித்துள்ளார். இந்நிலையில், சிறுகுறிஞ்சான் மூலிகையின் மூலமாக சர்க்கரை நோயை கட்டுப்படுத்தலாம் என்று அவர் அறிவுறுத்துகிறார்.

உதாரணமாக, இந்த இலையை மென்று சாப்பிட்ட பின்னர் சர்க்கரை எடுத்துக் கொண்டால் அதன் சுவையே தெரியாது என்று மருத்துவர் முருகேசன் தெரிவித்துள்ளார். இத்துடன் ஆவாரம் பூ, நாவல் விதை உள்ளிட்டவற்றை சேர்த்து  சிறுகுறிஞ்சான் மூலிகையை மருந்தாக எடுத்துக் கொள்ளலாம் என்று அவர் பரிந்துரைக்கிறார்.

சிறுகுறிஞ்சான் மூலிகையை சிறிய நெல்லிக்காய் அளவில் அரைத்து தண்ணீருடன் சேர்த்து சாப்பிடலாம். இது தவிர உணவுக் கட்டுப்பாட்டை தவறாமல் பின்பற்ற வேண்டும் என்று மருத்துவர் முருகேசன் வலியுறுத்தியுள்ளார். எனவே, இனிப்பு சார்ந்த பொருட்களை அதிகமாக எடுத்துக் கொள்ளக் கூடாது என்று அவர் பரிந்துரைக்கிறார்.

அந்த வகையில், இவ்வாறு இயற்கையாக கிடைக்கும் மூலிகைகளில் இருந்து பல்வேறு நோய்களின் தாக்கத்தை குறைக்க முடியும் என்று அறிய முடிகிறது.