நம்ம ஊர் பக்கம் கிடைக்கும் இந்த ஜூஸ்; கல்லீரல் நச்சு நீக்க இதை நம்புங்க: டாக்டர் நிஷா

இயற்கையான முறையில் நம் உடலில் இருக்கும் நச்சுகளை நீக்க வேண்டிய அவசியம் குறித்து மருத்துவர் நிஷா குறிப்பிட்டுள்ளார். குறிப்பாக, கல்லீரலில் இருக்கும் நச்சுகளை அகற்றுவதன் மூலம் நம் உடலில் எவ்வாறு ஆரோக்கியம் மேம்படுகிறது என்றும் அவர் தெரிவித்துள்ளார்.

தைராயிட் பிரச்சனை இருப்பவர்களுக்கு சோற்றுக் கற்றாழை சாறு சிறந்த மருந்தாக செயல்படுகிறது என மருத்துவர் நிஷா தெரிவித்துள்ளார். குறிப்பாக, நம் கல்லீரலில் இருக்கும் நச்சுகளை நீக்குவதற்கு இந்த சோற்றுக் கற்றாழை சாறு உதவுகிறது.

கல்லீரலில் தான் டி3 மற்றும் டி4 ஆகிய ஹார்மோன்களின் மாற்றம் நடைபெறுவதாக வல்லுநர்கள் கூறுகின்றனர். எனவே, கல்லீரல் ஆரோக்கியமாக இருந்தால் மட்டும் தான் தைராயிட் ஹார்மோன்கள் சிறப்பாக வேலை செய்யும்.

மேலும், நம் உடலில் தைராயிட் ஹார்மோன்கள் உருவாகும் போது நிறைய நச்சுகள் உற்பத்தி ஆகும் என்றும் கூறப்படுகிறது. இந்த நச்சுகளை வெளியேற்றுவதற்கு கற்றாழையில் இருக்கும் செலினியம் அதிகளவில் பயன்படுகிறது என மருத்துவர் நிஷா தெரிவித்துள்ளார்.

இதேபோல், கற்றாழையில் நிறைய ஊட்டச்சத்துகள் இருக்கிறது. இவை நம் உடலில் இருக்கும் செல்களுக்கு கிடைக்கும் போது தைராயிட் ஹார்மோன்களின் செயல் திறன் சீராகும். இதன் காரணத்திற்காக சோற்றுக் கற்றாழை சாறு எடுத்துக் கொள்ளலாம் என மருத்துவர் நிஷா அறிவுறுத்துகிறார்.

நன்றி - Clair Veda Ayur Clinic Tamil Youtube Channel

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.