ஆண்மை குறைவை அடிச்சு தூக்கும்... நெய்யுடன் இந்தப் பொடி சேர்த்து சாப்பிடுங்க: டாக்டர் நித்யா டிப்ஸ்

டாக்டர் நித்யா ஆண்களின் ஆண்மைக் குறைபாட்டிற்கான பொதுவான கவலைகளையும், அவற்றை நிவர்த்தி செய்யக்கூடிய எளிய மூலிகைகள் மற்றும் சித்த மருத்துவ முறைகளை பற்றி மிஸ்டர் லேடீஸ் யூடியூப் பக்கத்தில் அவர் விரிவாக கூறுகிறார். நவீன வாழ்க்கை முறை மற்றும் சில உடல்நலப் பிரச்சனைகள் காரணமாக பல ஆண்கள் ஆண்மைக் குறைபாட்டை எதிர்கொள்கின்றனர். இத்தகைய சூழலில், பாரம்பரிய சித்த மருத்துவம் இயற்கையான மற்றும் பயனுள்ள தீர்வுகளை வழங்குகிறது.

வெங்காய விதைகள்: டாக்டர் நித்யா முதலில் பரிந்துரைப்பது வெங்காய விதைகளை. இந்த விதைகள் ஆண்மை விருத்திக்கு மிகவும் நன்மை பயக்கும் என்று அவர் கூறுகிறார். வெங்காய விதைகளை லேசாக வறுத்து, பொடி செய்து பயன்படுத்துவதன் மூலம் ஆண்களுக்கு நல்ல பலன்கள் கிடைக்கும். இது விறைப்புத் தன்மை மற்றும் விந்தணு உற்பத்திக்கு ஆதரவளிப்பதாக நம்பப்படுகிறது. நெய்யோடு சேர்த்து இதை சேர்த்து சாப்பிடலாம்.

சிலாசித்து பர்ப்பம்: சர்க்கரை நோயால் பாதிக்கப்பட்டவர்களுக்கு பல வருடங்களுக்குப் பிறகு ஏற்படும் ஆண்மைக் குறைபாட்டிற்கு 'சிலாசித்து பர்ப்பம்' ஒரு சிறந்த தீர்வாக முன்வைக்கப்படுகிறது. சர்க்கரை நோய், நரம்புகள் மற்றும் இரத்த நாளங்களை பாதிப்பதன் மூலம் ஆண்மை குறைபாட்டை ஏற்படுத்தலாம். இதுபோன்ற சந்தர்ப்பங்களில், சிலாசித்து பர்ப்பத்தை நெய்யுடன் சேர்த்து ஒரு சிட்டிகை அளவு உட்கொள்வது நிவாரணம் அளிக்கும். இது உடலுக்கு ஆற்றலை அளித்து, இனப்பெருக்க மண்டலத்தின் செயல்பாட்டை மேம்படுத்துவதாக சித்த மருத்துவத்தில் கருதப்படுகிறது.

தேற்றான் கற்பம் மற்றும் அஸ்வகந்தா: இந்த இரண்டையும் டாக்டர் நித்யா மிகவும் முக்கியமான மருந்துகளாகக் குறிப்பிடுகிறார். தேற்றான் கோட்டை கற்பம் (Thetran Kottai Karpham) அஸ்வகந்தாவுடன் சேர்த்து நெய்யுடன் உட்கொள்ளும் போது, ஆண்களின் ஆண்மைக் குறைபாடு படிப்படியாக குணமாகும் என்று அவர் வலியுறுத்துகிறார். தேற்றான் கற்பம் உடல் உறுதியையும், அஸ்வகந்தா மன அழுத்தத்தைக் குறைத்து, உடல் சோர்வை நீக்கி, ஒட்டுமொத்த இனப்பெருக்க ஆரோக்கியத்தையும் மேம்படுத்துகிறது. இந்த கலவையானது ஆண்மை குறைபாட்டை சரிசெய்வதோடு மட்டுமல்லாமல், ஆண்களின் உயிர்சக்தி மற்றும் ஆற்றலை அதிகரிக்கவும் உதவுகிறது.

இந்த சித்த மருத்துவ முறைகளை முறையாகப் பயன்படுத்தும்போது, ஆண்மைக் குறைபாட்டைத் தீர்ப்பதோடு, ஆண்களின் பொது ஆரோக்கியமும் மேம்படும் என்று டாக்டர் நித்யா தனது கூறுகிறார்.  

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.