மூட்டு வலி என்பது இன்றைய காலகட்டத்தில் பலரும் எதிர்கொள்ளும் ஒரு பொதுவான உடல்நலக் குறைபாடு. ஆஸ்டியோஆர்த்ரைடிஸ் போன்ற மூட்டுத் தேய்மானம் மற்றும் குருத்தெலும்பு பாதிப்புகளின் தீவிரத்தைக் குறைக்க, சில குறிப்பிட்ட உணவுகள் எப்படி உதவுகின்றன என்பதைப் பற்றி டாக்டர் ராஜலட்சுமி காஸ்மோ ஹெல்த் யூடியூப் பக்கத்தில் கூறி இருக்கிறார்.
Advertisment
1. மஞ்சள் : அழற்சி எதிர்ப்பு மற்றும் வலி நிவாரணி மஞ்சளில் இருக்கும் குர்குமின் என்ற சத்து, செல்களின் பாதிப்பைக் குறைத்து, வீக்கத்தைக் கட்டுப்படுத்தும் ஆற்றல் கொண்டது. இது மூட்டு வலியைத் தணிப்பதில் சிறந்த நிவாரணியாகச் செயல்படுகிறது.
பயன்படுத்தும் முறை: தினமும் ஒரு டீஸ்பூன் மஞ்சள் தூளுடன் அரை டீஸ்பூன் மிளகுத்தூளைச் சேர்த்து, நெய் அல்லது பாலில் கலந்து வெறும் வயிற்றில் உட்கொள்ளலாம். மிளகுத்தூள் மஞ்சளின் செயல்திறனை அதிகரிக்க உதவும்.
2. இஞ்சி: வலி நிவாரணம் மற்றும் வீக்கக் குறைப்பு இஞ்சியில் உள்ள ஜெரும்போன் மற்றும் ஜிஞ்சரால் போன்ற வேதிப்பொருட்கள் வலி நிவாரணியாகவும், வீக்கத்தைக் குறைக்கும் காரணியாகவும் செயல்படுகின்றன.
Advertisment
Advertisements
பயன்படுத்தும் முறை: தினமும் ஒரு சிறிய துண்டு இஞ்சியை (கட்டை விரலின் மேல் பாதி அளவு) உணவில் சேர்த்துக்கொள்ளலாம்.
3. பூண்டு: குருத்தெலும்புப் பாதுகாப்பு பூண்டு மற்றும் வெங்காயம் போன்ற ஆலியம் குடும்பத்தைச் சேர்ந்த காய்கறிகளில் உள்ள டை அலைல் டைசல்பைடு என்ற சத்து, குருத்தெலும்பு சேதாரத்தைத் தடுத்து, பாதிக்கப்பட்ட குருத்தெலும்புகளைச் சீர் செய்ய உதவும்.
பயன்படுத்தும் முறை: பூண்டுத் தண்ணீர் அல்லது 50 மில்லி பாலில் வேகவைத்த பூண்டை உட்கொள்ளலாம்.
4. லவங்கம்: வலி நிவாரணி மற்றும் அழற்சி எதிர்ப்பு லவங்கத்தில் (கிராம்பு) உள்ள யூஜெனால் என்ற வேதிப்பொருள் வீக்கத்தைக் குறைக்கும் சிறந்த மருந்தாகச் செயல்படுகிறது.
பயன்படுத்தும் முறை: தினமும் இரவு நான்கு அல்லது ஐந்து லவங்கத்தைச் சுமார் 70 மில்லி தண்ணீரில் கொதிக்கவைத்து அருந்துவது மூட்டு வலிகளைக் குறைக்க உதவும்.
5. நார்ச்சத்து நிறைந்த காய்கறிகள்: குடல் ஆரோக்கியம் மற்றும் நோய் எதிர்ப்பு சக்தி உருளைக்கிழங்கு போன்ற கிழங்கு வகைகளைத் தவிர்த்து, நார்ச்சத்து நிறைந்த காய்கறிகளான அவரைக்காய், பீர்க்கங்காய், புடலங்காய், கோவைக்காய் போன்றவற்றை உணவில் சேர்த்துக்கொள்வது குடல் ஆரோக்கியத்திற்கும், உடலின் நோய் எதிர்ப்பு சக்திக்கும் நல்லது. இது மூட்டு வலி பிரச்சனைகளைக் குறைக்க உதவும்.
6. சிலுவை காய்கறிகள் : குருத்தெலும்புப் பாதுகாப்பு மற்றும் எலும்புப் பலம் காலிஃப்ளவர், ப்ரோக்கோலி மற்றும் பிரஸ்ஸல்ஸ் ஸ்ப்ரவுட்ஸ் போன்ற காய்கறிகளில் உள்ள சல்ஃபோரோஃபேன் என்ற சத்து குருத்தெலும்பு சேதாரத்தைத் தடுத்து பாதுகாக்கும். இவை கால்சியம் வளர்சிதை மாற்றத்தைச் சீராக்கி எலும்புகளுக்குப் பலம் சேர்க்கும்.
7. நாகப்பழம்: அழற்சி எதிர்ப்புப் பண்புகள் நாகப்பழத்தில் உள்ள ஆந்தோசையனின் என்ற ஊதா நிறமி, வீக்கத்தைக் குறைக்கும் தன்மை கொண்டது. இது மூட்டு வலி மட்டுமின்றி, தன்னுடல் தாக்கு நோய்களிலும் (Autoimmune disorders) வீக்கத்தைக் குறைக்க உதவும்.
8. ஆரஞ்சு: கொலாஜன் உற்பத்தி மற்றும் எலும்பு ஆரோக்கியம் ஆரஞ்சு பழத்தில் வைட்டமின் சி மற்றும் கொலாஜன் நிறைந்துள்ளது. கொலாஜன் எலும்புகளின் உறுதி, நீரேற்றம் மற்றும் நெகிழ்ச்சித்தன்மையைச் சீராகப் பராமரிக்க மிகவும் அவசியம். எலும்புப் பிரச்சனைகள் உள்ளவர்கள் தினமும் ஒரு ஆரஞ்சு பழத்தை உணவில் சேர்த்துக்கொள்ள வேண்டும்.
9. ஒமேகா-3 கொழுப்பு அமிலங்கள்: எலும்பு மற்றும் சரும ஆரோக்கியம் ஒமேகா-3 கொழுப்பு அமிலங்கள் நிறைந்த உணவுகள் எலும்பு மற்றும் சரும ஆரோக்கியத்திற்கு மிகவும் நல்லது.
அசைவப் பிரியர்கள் மத்தி மீனை உணவில் சேர்த்துக்கொள்ளலாம். இது சருமம், முடி மற்றும் எலும்புகளுக்கு நன்மை பயக்கும். சைவ உணவு உண்பவர்கள் ஆளி விதைகளை (Flax Seeds) பயன்படுத்தலாம்.
10. நட்ஸ் மற்றும் விதைகள்: கால்சியம் மற்றும் மெக்னீசியம் சத்து பாதாம் : கால்சியம் மற்றும் போதுமான மெக்னீசியம் சத்து நிறைந்த பாதாம் எலும்புகளுக்கு மிகவும் முக்கியம். தினமும் 15 முதல் 20 பாதாமை எடுத்துக்கொள்ளலாம். வால்நட் : நார்ச்சத்து, கால்சியம் மற்றும் செரிமானத்தை மேம்படுத்துவதோடு, வீக்கத்தைக் குறைக்கும் தன்மையையும் கொண்டுள்ளது. வயதானவர்கள் தினமும் ஏழு முதல் ஒன்பது வால்நட் பாதியாக உடைத்ததை உட்கொள்ளலாம். ஆளி விதைகள் : தினமும் ஒன்றிலிருந்து இரண்டு டீஸ்பூன் ஆளி விதைகளை ஊறவைத்து அல்லது பொடியாக எடுத்துக்கொள்வது நன்மை பயக்கும்.
இந்த 10 உணவுகளையும் 35 வயதுக்கு முன்பே அன்றாட உணவில் சேர்த்துக்கொள்வதன் மூலம் மூட்டு வலி பிரச்சனையைத் தவிர்க்கலாம். ஏற்கனவே பாதிப்புக்குள்ளானவர்கள் இந்த உணவுகளை உட்கொள்வதன் மூலம் பாதிப்புகளின் தீவிரத்தைக் குறைக்க முடியும்.
பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/05/31/hW3KWaNepSSoXB77lMWV.jpg)