/indian-express-tamil/media/media_files/2025/03/31/OE78v0ONIIvVUBxwODUz.jpg)
சக்கரைவள்ளி கிழங்கு இன்றைய காலகட்டத்தில் உலகம் முழுவதும் பேசுபொருளாகியுள்ளது என மருத்துவர் சிவராமன் தெரிவித்துள்ளார். இதனை வேகவைத்து சாப்பிடும் போது, இரத்தத்தில் இருக்கும் சர்க்கரை அளவு உயருவது தாமதம் ஆகிறது எனக் கண்டறியப்பட்டுள்ளது. இதன் காரணத்திற்காக பலரும் சக்கரைவள்ளி கிழங்கை தற்போது பெரிதும் விரும்புகின்றனர்.
ஜப்பானில் இருக்கக் கூடிய ஒக்கினாவா என்ற தீவில் சராசரி ஆயுட்காலம் 103 வயது என ஒரு ஆவணப்படத்தில் குறிப்பிடப்பட்டுள்ளதாக மருத்துவர் சிவராமன் கூறுகிறார். அந்த தீவில் இருக்கும் மக்கள் குறித்த தகவல்கள் அந்த ஆவணப்படத்தில் இடம்பெற்றுள்ளன.
அங்கு இருப்பவர்களிடம் இது குறித்து கேட்டறிந்த போது அவர்கள் சில தகவல்களை பகிர்ந்து கொண்டதாக மருத்துவர் சிவராமன் கூறுகிறார். அதன்படி, அங்கு இருப்பவர்கள் அதிகமாக விவசாயம் செய்து தங்கள் உணவுகளை உற்பத்தி செய்கின்றனர்.
மேலும், வயிற்றுக்கு 80 சதவீத உணவு மட்டுமே அவர்கள் சாப்பிடுகின்றனர். குறிப்பாக, கருநீல நிற சக்கரைவள்ளி கிழங்கை அப்பகுதி மக்கள் அதிகமாக சாப்பிடுகின்றனர் என மருத்துவர் சிவராமன் குறிப்பிட்டுள்ளார்.
அதில் இருந்து கிடைக்கக் கூடிய அந்தோசைனின் என்கிற சத்து புற்றுநோயை தடுக்கும் ஆற்றல் கொண்டது என அவர் தெரிவித்துள்ளார். இதே சத்து நம் ஊரில் இருக்கும் நாவல் பழம், கத்திரிக்காயிலும் இருக்கிறது என்று சிவராமன் கூறியுள்ளார். எனவே, இது போன்ற உணவு பொருட்களை கண்டறிந்து நாம் சாப்பிட வேண்டும் என சிவராமன் அறிவுறுத்தியுள்ளார்.
சக்கரைவள்ளி கிழங்கில், கார்போஹைட்ரெட், கால்சியம், பாஸ்பரஸ் மற்றும் வைட்டமின் சி போன்ற சத்துகளும் காணப்படுகின்றன. எனவே, இது போன்ற ஏராளமான சத்துகள் இருக்கும் சக்கரைவள்ளி கிழங்கு, நம் உணவில் இருப்பதை நாம் உறுதி செய்திட வேண்டும்.
அந்த வகையில் நம் ஆரோக்கியத்தை மேம்படுத்தும் உணவு பொருட்கள் குறித்து விழிப்புணர்வு பெற்று, அவற்றை சாப்பிடுவதன் மூலம் நம் ஆயுள் காலத்தை நீட்டிக்க முடியும் என்பதை நாம் உணர்ந்து கொள்ள முடிகிறது.
நன்றி - Tamil Speech Box Youtube Channel
பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.
Stay updated with the latest news headlines and all the latest Lifestyle news. Download Indian Express Tamil App - Android or iOS.