பாலுடன் பாதாம் பிசின்… உடல் எடை குறைக்க விரும்புபவர்கள் டிரை பண்ணுங்க! டாக்டர் கார்த்திகேயன்

பாதாம் பிசின் குறித்த பல்வேறு சந்தேகங்களுக்கு டாக்டர் கார்த்திகேயன் பதிலளித்துள்ளார். அவர் பேசுகையில்,  பாதாம் பிசினில் 92.3 சதவீதம் மாவு சத்து உள்ளது. 4 சதவீதம் புரதம் உள்ளது. கொழுப்பு இதில் மிக குறைவாக உள்ளது. அதோடு இதில் மினரல், கால்சியம் உள்ளிட்ட பிற சத்துகளும் உள்ளன.

உடல் எடை அதிகரிக்க விரும்புபவர்கள் அளவான முறையில் இதை எடுத்துக் கொள்ளலாம். பளு தூக்குவது போன்ற கடுமையான வேலை செய்பவர்கள் விளையாட்டு வீரர்கள் பாதாம் பிசின் பயன்படுத்துவர். 

உடல் எடை அதிகரிக்க விரும்புபவர்கள் 1 டீஸ்பூன் அளவு (5 கிராம்) அளவு எடுத்துக் கொள்ளலாம். முதல் நாள் இரவில் ஊற வைக்க வேண்டும். ஜெல்லி பதத்தில் இருக்கும், இதை பாலுடன் சேர்த்து சாப்பிடும் போது உடல் எடை அதிகரிக்க உதவும். அதே நேரம் பாதாம் பிசின் உடல் எடை குறைக்க விரும்புபவர்களுக்கும் உதவும். எப்படி என்றால் 
பாலுடன் சேர்த்து பாதாம் பிசின் சாப்பிடும் போது, பசி எடுப்பது குறையும். 

அப்போது நீங்கள் வேறு உணவு சாப்பிட மாட்டீர்கள். கலோரிகளை குறைகலாம். பேலென்ஸ்டு உணவு முறையில் இது உதவும். உடல் எடை குறைப்பின் ஆரம்ப காலத்தில் இருப்பவர்களுக்கு இது உதவும். காலை நேரத்தில் எடுத்துக் கொள்ளலாம். பசியை கட்டுப்படுத்தும் என்று மருத்துவர் கூறினார். 

அதே போல் எப்போது சாப்பிட வேண்டும். குளிர்ச்சி தன்மை உடையதா என்பது குறித்தும் அவர் கூறியுள்ளார்.