கணக்கே இல்லாமல் தோசை சாப்பிடலாம்... பேச்சுலர்ஸ் அவசியம் நோட் பண்ணுங்க!

காரம், புளிப்பு, மற்றும் இனிப்பு சுவைகள் நிறைந்த கார சட்னி, தோசை, இட்லி, மற்றும் பரோட்டா போன்ற உணவுகளுக்கு ஒரு சிறந்த துணை உணவாகும். இந்த ரெசிபியை பேச்சுலர்ஸ் கூட ஈஸியாக செய்து விடலாம். அதேபோல அனைவரும் எளிதாக வீட்டில் செய்யக்கூடிய கார சட்னி எப்படி செய்வது என்றூ சவுத்இந்தியன் இன்ஸ்டா பக்கத்தில் கூறியிருப்பது பற்றி பார்ப்போம். 

தேவையான பொருட்கள்:

வெங்காயம் (நடுத்தர அளவு): 1
தக்காளி (நடுத்தர அளவு): 1
காய்ந்த மிளகாய்: 4 முதல் 5 (காரத்திற்கு ஏற்ப)
பூண்டு பற்கள்: 2 முதல் 3
சின்ன வெங்காயம்: 5 முதல் 6 (விருப்பப்பட்டால்)
புளி: ஒரு சிறிய நெல்லிக்காய் அளவு
நல்லெண்ணெய்: 2 மேஜை கரண்டி
கடுகு: 1/2 டீஸ்பூன்
உளுத்தம் பருப்பு: 1/2 டீஸ்பூன்
கறிவேப்பிலை: சிறிதளவு
பெருங்காயத்தூள்: ஒரு சிட்டிகை
உப்பு: தேவையான அளவு

செய்முறை:

ஒரு வாணலியில் ஒரு மேஜை கரண்டி நல்லெண்ணெய் ஊற்றி சூடாக்கவும். எண்ணெய் சூடானதும், காய்ந்த மிளகாய், பூண்டு பற்கள், வெங்காயம், மற்றும் சின்ன வெங்காயம் சேர்த்து வதக்கவும். வெங்காயம் பொன்னிறமாக வதங்கியதும், தக்காளி மற்றும் புளி சேர்த்து நன்கு வதக்கவும். தக்காளி நன்கு குழைந்து வதங்கும் வரை வதக்க வேண்டும். வதக்கிய கலவையை அடுப்பில் இருந்து இறக்கி, ஆறவிடவும்.

ஆறிய கலவையை ஒரு மிக்ஸி ஜாரில் சேர்த்து, தேவையான அளவு உப்பு சேர்த்து, சிறிதளவு தண்ணீர் சேர்த்து, நன்கு மென்மையாக அரைக்கவும். ஒரு சிறிய வாணலியில் மீதமுள்ள நல்லெண்ணெய் ஊற்றி சூடாக்கவும். கடுகு, உளுத்தம் பருப்பு, கறிவேப்பிலை, மற்றும் பெருங்காயத்தூள் சேர்த்து தாளிக்கவும். தாளித்ததை அரைத்து வைத்த சட்னியில் கொட்டி, நன்கு கலக்கவும்.

View this post on Instagram

A post shared by Praveen (@southindianasmr2.0)

இந்த எளிய செய்முறையை பின்பற்றி நீங்கள் சுவையான கார சட்னியை வீட்டிலேயே செய்யலாம். கார சட்னி என்பது எளிமையான மற்றும் சத்தான உணவு என்பதால், காலை உணவு மற்றும் இரவு உணவு இரண்டிற்கும் இது ஏற்றது.