சிக்கன் பிரட்டல்... இன்னைக்கு ஒரு புடி; ஈஸி டிப்ஸ்!

அசைவ உணவு வகைகளை விரும்பி சாப்பிடுபவர்களுக்கு சிக்கன் என்றால் சற்று அதிகமாகவே பிடிக்கும். ஆனால், சிக்கன் சமைப்பதற்கு கஷ்டமாக இருக்கும் என்று பலர் நினைக்கின்றனர். அந்த வகையில், சிம்பிளான சிக்கன் பிரட்டல் ரெசிபியை எப்படி செய்யலாம் என்று காண்போம்.

தேவையான பொருட்கள்:

சிக்கன்,
தயிர்,
உப்பு,
எண்ணெய்,
இஞ்சி,
பச்சை மிளகாய்,
கறிவேப்பிலை,
பெரிய வெங்காயம்,
தக்காளி,
மிளகாய் தூள், 
மல்லி தூள்,
கரம் மசாலா,
சோம்பு மற்றும்
மிளகு.

செய்முறை:

முதலில் அரை கிலோ சிக்கனில், ஒரு டேபிள் ஸ்பூன் கெட்டி தயிர் மற்றும் சிறிது உப்பு சேர்த்து நன்கு கலந்து ஊற வைக்க வேண்டும். இனி, அடுப்பில் கடாய் வைத்து அதில் மூன்று டேபிள் ஸ்பூன் எண்ணெய் ஊற்றவும்.

இதில் 7 பூண்டு, சிறிய துண்டு இஞ்சியை இடித்து சேர்த்துக் கொள்ளலாம். இதற்கடுத்து, மூன்று பச்சை மிளகாய், சிறிது கறிவேப்பிலை சேர்த்து வதக்க வேண்டும். இதன் பின்னர், பொடியாக நறுக்கிய இரண்டு பெரிய வெங்காயம், முக்கால் டீஸ்பூன் உப்பு சேர்த்து மீண்டும் வதக்கவும்.

வெங்காயம் நன்றாக நிறம் மாறியதும் ஒரு தக்காளியை சிறிதாக நறுக்கி சேர்த்துக் கொள்ளவும். இத்துடன் ஒரு டேபிள் ஸ்பூன் மிளகாய் தூள், மல்லி தூள், ஒரு டீஸ்பூன் கரம் மசாலா சேர்த்து கலக்க வேண்டும்.

இனி, ஊறவைத்த சிக்கனை இதில் போட்டு, தண்ணீர் சேர்க்காமல் வேகவைக்க வேண்டும். இறுதியாக, அரை டேபிள் ஸ்பூன் சோம்பு மற்றும் மிளகை பொடியாக அரைத்து, சிக்கனில் தூவி இறக்கினால் சிக்கன் பிரட்டல் ரெடியாகி இருக்கும்.

View this post on Instagram

A post shared by Foodiecollection_2 (@foodiecollection_2)