உடைச்சு ஊத்துன முட்டை குழம்பு... ரொம்ப ரொம்ப ஈஸி டிப்ஸ்!

அசைவ உணவு பிரியர்களுக்கு முட்டை என்றால் சற்று கூடுதலாக பிடிக்கும். அந்த வகையில், உடைச்சு ஊத்துன முட்டை குழம்பு ரெசிபியை எப்படி சிம்பிளாக செய்யலாம் என்று பார்க்கலாம்.

தேவையான பொருட்கள்:

எண்ணெய்,
சின்ன வெங்காயம்,
பூண்டு,
இஞ்சி,
சீரகம்,
சோம்பு,
மிளகு, 
பட்டை,
கிராம்பு,
தக்காளி,
மல்லி தூள், 
மிளகாய் தூள்,
கரம் மசாலா,
காஷ்மீர் மிளகாய் தூள்,
மஞ்சள் தூள்,
கடுகு, 
கறிவேப்பிலை,
உப்பு மற்றும்
முட்டை.

செய்முறை:

அடுப்பில் கடாய் வைத்து சிறிது எண்ணெய் ஊற்றிக் கொள்ளவும். இதில் ஒரு கப் சின்ன வெங்காயம், ஐந்து பூண்டு, சிறிய துண்டு இஞ்சி, ஒரு ஸ்பூன் சீரகம், சோம்பு, மிளகு, பட்டை மற்றும் கிராம்பு சேர்த்து நன்கு வதக்க வேண்டும்.

இதன் பின்னர், பொடியாக நறுக்கிய தக்காளி சேர்த்து மீண்டும் வதக்கவும். இதையடுத்து, மீண்டும் அடுப்பில் கடாய் வைத்து அதில் எண்ணெய் ஊற்றவும். அதில், ஒரு ஸ்பூன் மல்லி தூள், மிளகாய் தூள், சிறிதளவு கரம் மசாலா, காஷ்மீர் மிளகாய் தூள் மற்றும் மஞ்சள் தூள் சேர்த்து கலக்கவும்.

இவை அனைத்தையும் ஒன்றாக சேர்த்து அரைக்க வேண்டும். இப்போது அடுப்பில் இருக்கும் கடாயில் கடுகு, கறிவேப்பிலை, நறுக்கிய வெங்காயம் சேர்த்து வதக்க வேண்டும். இதற்கடுத்து, அரைத்த வைத்த கலவையை இதில் சேர்க்கலாம். இனி தேவையான அளவு உப்பு, தண்ணீர் சேர்த்து கொதிக்க விட வேண்டும்.

View this post on Instagram

A post shared by Kongu Naatu Suvai (@kongunaatusuvai)

இவ்வாறு 10 நிமிடங்கள் கொதித்த பின்னர், முட்டையை இதில் உடைத்து ஊற்றவும். 7 நிமிடங்களுக்கு இதனை கொதிக்க விட்டு எடுத்தால் சுவையான உடைச்சு ஊத்துன முட்டை குழம்பு தயாராகி விடும்.